პანდემიის და სხვა უამრავი პრობლემის პირობებში როგორ ახერხებს ქართული კომპანია, განვითარებას და ახალ ბაზრებზე გასვლას ამ და სხვა თემებზე რადიო „კომერსანტის“ გადაცემა „კომერსანტის დილაში,“ კომანია Altersocks- ის დამფუძნებელმა რეზი ბესელაშვილმა ისაუბრა.
მისი განცხადებით 2019 წელი Altersocks - ისთვის წარმატებული იყო და 2020 წელს უფრო მეტი საექსპორტო გზის ათვისება სურდათ, თუმცა კორონავირუსით გამოწვეულმა პანდემიამ ყველა საექსპორტო გეგმაში ხელი შეუშალა, თუმცა მიუხედავად ყველაფრისა Altersocks- მა მაინც გამონახა გზა და პანდემიის პირობებში საფრანგეთის ბაზარზე გავიდა.
„ჩვენი პროდუქცია ფრანგულ ამაზონზე იყიდებოდა და გადავწყვიტეთ, რომ ონლაინ ვაჭრობის სახით უკვე ბრენდი გაგვეტანა. პანდემიამ ხელი შეუწყო იმას, რომ საცალო ვაჭრობის პარალელურად, მიტანის სერვისი უფრო განვითარდა, შესაბამისად ჩვენც ვუპასუხეთ გამოწვევას და გავაკეთეთ Altersocks- ის ფრანგული ვებ გვერდი და ფრანგ მომხმარებლებს ჩვენ ფერად წინდებს ვუგზავნით“ - აღნიშნავს რეზი ბესელაშვილი.
რეზი ბესელაშვილმა გადაცემაში პანდემიის დროს წარმოებაზე და მასთან დაკავშირებულ პრობლემებზეც ისაუბრა და აღნიშნა, რომ გაზაფხულზე როდესაც ყველაფერი ჩაკეტილი იყო და ქარხანაში მისვლა ფიზიკურად ვერ ხერხდებოდა წინდების წარმოება შეაჩერეს, თუმცა პირველი ივნისიდან ქარხანა კვლავ ამუშავდა.
მან ასევე აღნიშნა,რომ ქართველ მწარმოებლებს სახელმწიფო ევროპული სტანდარტების დაცვას სთხოვს მაშინ როცა თურქეთიდან და სხვა ქვეყნებიდან პროდუქცია სრულიად უკონტროლოდ შემოდის. ეს კი ქართველ მწარმოებლებს არაკონკურენტულ გარემოში აყენებს.
„ზოგადად საქართელოში პროდუქტის წარმოების დროს. პრობლემა არის ის, რომ ადგილობრივ მწარმოებლბს სთხოვენ უსაფრთხოების ევროპული სტანდარტებით დაცვს, თუმცა მეორეს მხრივ წინდები, რომლებც თურქეთიდან თუ სხვა ქვეყნებიდან შემოდის, არანაირად არ კონტროლდება თუ რა პირობებში დამზადდა და აკმაყოფილებს თუ არა ევროკავშირით გათვალისწინებულ სტანდარტებს, აქედან გამომდინარე ადგილობრივი მწარმოებელი მერე უკვე იმპორტულ პროდუქციასთან არაკონკურენტულ გარემოში ხვდება, რადგან ადგილობრივ მწარმოებელს ერთის მხრივ თხოვენ ევროკავშირის სტანდარტების უსაფრთხოების ნორმების და ხვადასვხა ლიცენზიების დაცვას, მაგრამ იმპორტით პროდუქტიშემოდის დიდი ტომრებით და არავინ ამოწმებს რა შემოდის და რას ყიდულობს ხალხი.“ - აღნიშნავს რეზი ბესელაშვილი.
რეზი ბესელაშვილის თქმით კომპანია Alter Socks- მა შეზღუდვების შემსუბუქების შემდეგ , იმ იმედით რომ სიტუცია დასტაბილურდებოდა ზარალზე იმუშავა და თანამშრომლებიც არ შეუმცირებია. მისივე თქმით გამომდინარე იქიდან, რომ მათი პრდოქუაცია ქართულ ელემენტებს შეიცავს და ტურისტებისთვის ინტერესის სფეროა, ტურიზმის შეჩერება მათზე ნეგატიურად აისახა.
„სექტემბრიდან ეტაპობრივად თითქოს დაიწყო სიტუაციის გამოსწორება, მაგრამ როგორც კი კორონამ იფეთქა და რიცხვები გაიზარდა ეს გაყიდვებს შეეტყო, რადგან ხალხი უსამსხუროდ დარჩა, ზოგი კიდევ სავაჭრო ცენტრში სიარულს ერიდება. ასევე შეგვეტყო ის ფაქტიც, რომ ტურისტები აღარ გვყავდა ქვეყანაში, ჩვენი წინდები ქართული თემატიკის მატარებელიც არის და ტურისტულ სეგმენტში ძალიან კარგად მუშაობს.“ - რეზი ბესელაშვილი.
Altersocks- ის წინდები ისეთ მსხვილ ონლაინ პლატფორმებზე იყიდება, როგორებიცაა vendoo და onoff.ge , ასევე თვითონ კომპანისაც აქვს საკუთარი მიტანის სერვისი. რეზი ბესელაშვილი იმედოვნებს, რომ ქვეყანა ახალ წელს ჩაკეტილი მოლებით არ შეხვდება და Altersocks შეძლებს, რომ ის ზარალი რაც პანდემიამ მთელი წლის განმავლობაში მიაყენა წინასაახალწლო გაყიდვებით დააკომპენსიროს და ასევე იმ ფინანსური ვალდებულებების გადახდას შეძლებს, რაც წლის განმავლობაში დაგროვდა.
„ძალიან დიდი იმედი მაქვს, რომ ამ კონსულტაციების შედეგად, რომელიც მთავრობასა და ბიზნეს შორის გაიმართა, ეს საკითხიც განიხილეს, იმიტომ რომ მომხმარებლისთვისაც ბიზნესისითვისაც და ეკონომიკისთვისაც ეს არის ერთ-ერთი ყველაზე მნიშვნელოვანი პერიოდი და იმედს ვიტოვებთ, რომ წინასაახალწლო პერიოდს ჩაკეტილები არ შევხვდებით. შეიძლება ითქვას, რომ ჩვენი მთლიანი გაყიდვებიდან 1-2% არის ონლაინ შეძენები. ჩვენ ასევე შავი პარასკევის დღეები წინა შაბათ კვირას გადმოვიტანეთ, რადგან ველოდებით, რომ სავაჭრო ცენტრები პარასკევს ღია აღარ იქნება. — აღნიშნავს რეზი ბესელაშვილი.
კითხვაზე თუ რამდენად შეუშალა პანდემიამ ხელი Altersocks სიახლეებსა და გეგმებში, რეზი ბესელაშვილი პასუხობს, რომ პანდემიამ მათი გეგმები ძალიან შეანელა, რადგან Altersocks ახალ დიზაინებზე და ახალი ტიპის წინდებზე მუდმივად ფიქრობს, თუმცა ამ პერიოდში ახალში ფულის ჩადება მომგებიანი არ იქნება.
„ფერადი წინდა და სახალისო აქსესუარები მეორე ხაზზე გადადის, გეგმებს რაც შეეხება სუტუაცია რომ გადაგორდება, ამის განხორციელებას შემდეგ დავიწყებთ, მაგრამ ეხლა ეს გეგმები გადაიდო, რაღაც გეგმები შენელდა. აქამდე ახალ კოლექციას თუ წელიწადში სამჯერ ვაკეთებდით, ახლა უკვე ერთხელ ვაკეთებთ , რადგან პროდუქტის შექმნას დამატებითი ფინანსური რესურსები სჭირდება, რისი გაწევაც ამ პერიოდში გვიჭირს. „ - აღნიშნავს რეზი ბესელაშვილი.
თაკო კვაჭანტირაძე