პანდემიის ფონზე TESLA-ს კაპიტალიზაცია 451%-ით გაიზარდა

პანდემიის ფონზე TESLA-ს კაპიტალიზაცია 451%-ით გაიზარდა

access_time2020-10-18 15:00:55

ელექტრომობილების გიგანტის Tesla-ს გაყიდვები მესამე კვარტალში რეკორდულად 145 000-მდე გაიზარდა, რაც გასული წლის ანალოგიური პერიოდის მაჩვენებელს 51%-ით აღემატება. ზრდა ბევრად შთამბეჭდავი იყო კაპიტალიზაციის მიმართულებით. თუ 2019 წლის 30 სექტემბერს კომპანიის ღირებულება $44 მლრდ-ს შეადგენდა, 1 წელიწადში ის 800%-ით $400 მლრდ-მდე გაიზარდა. წლის დასაწყისიდან დღემდე კი ზრდამ 451% შეადგინა - $78 მლრდ-დან $430 მლრდ-მდე.


მთლიანად იანვარ-სექტემბრის ჩათვლით Tesla-ამ330 000 მოდელის რეალიზება შეძლო, 27%-ით მეტის ვიდრე 2019 წლის იმავე პერიოდში, ვარდნა მხოლოდ მეორე კვარტლაში დაფიქსირდა, მაშინ როცა თითქმის მთელი ჩრდილო ნახევარსფეროში ლოქდაუნი იყო გამოცხადებული და 3 მლრდ-ზე მეტი ადამიანი იძულებით სახლებში იყო გამოკეტილი.


გაყიდვებში 80%-ზე მაღალი წილით ბიუჯეტური Teslamodel 3 ლიდერობს. მისი ღირებულება $35 000-დან იწყება, რაც model s-თან შედარებით 2.5-ჯერ ნაკლებია. Teslamodel 3-ის გაყიდვები შემდგომი 5 მოდელის ელექტრომობილის ჯამურ გაყიდვებს აღემატება და ელექტრომობილების ბაზარზე 14%-იანი წილი უკავია. მთლიანად Tesla-ს წილი კი 18%-ს შეადგენს. საქართველოში პოპულარული Nissan Leaf იანვარ-აგვისტოში სულ 31 600 ერთეული გაიყიდა და ბაზარზე მეოთხე ადგილს დასჯერდა.


Teslaილონ მასკმა 2003 წელს კალიფორნიაში დააფუძნა. პირველი ელექტრომობილი TeslaRoadster 2008 წელს გამოუშვა. გაყიდვების მხრივ მას დიდი გარღვევა არ მოუხდენია. ის უფრო ცნობილი 10 წლის შემდეგ გახდა, როდესაც იმავე ილონ მასკმა 2018 წლის თებერვალში, თავისი პირველი ელექტრომობილი, თავისივე რაკეტით - Falcon Heavy-ით მარსზე გააგზავნა. 2012 წელს ბაზარზე ლაქშერი კლასის Teslamodel S გამოჩნდა, 2015 წელს კი ასევე ლაქშერი SUV Teslamodel X. ნამდვილი წარმატება 2018 წლიდან Teslamodel 3-ის გაყიდვებში ჩაშვებიდან დაიწყო. 2020 წელს დაგეგმილი იყო 40 ტონიანი სატვირთოს TeslaSemi-სა და სუპერქარ TeslaRoadster-ს გამოშვება. პანდემიამ გეგმები 1 წლით გადასწია. მასკი ირწმუნება, რომ ახალი TeslaRoadster 0-დან 100 კმ/სთ-მდე 1.9 წამში აჩქარდება, მაქსიმალურ სიჩქარეს 400 კმ/სთ-ს განავითარებს და 1 დამუხტვით 1000 კმ-ს გაივლის და მხოლოდ $200 000 ეღირება, რაც ამ მონაცემების სხვა შიდაწვისძრავიან კონკურენტებთან შედარებით 10-ჯერ ნაკლებია.
ილონ მასკის ქონება $96 მლრდ-ს შეადგენს და Forbes-ის მიმდინარე სიაში მე-5 ადგილს იკავებს. 2020 მისთვის განსაკუთრებით იღბლიანი აღმოჩნდა, 9 წლიანი პაუზის შემდეგ 30 მაისს ამერიკელი ასტრონავტები, ამერიკის მიწიდან კოსმოსურ სადგურზე მასკის რაკეტით გაემგზავრნენ, ხოლო მისი პირადი ქონება $70 მლრდ-ით გაიზარდა.



ელექტომობილების წილმა მსოფლიო ავტოპარკში 1%-იან წილს 2020 წელსაც ვერ მიაღწია, თუმცა მათი გაყიდვები სისტემატურად იზრდება, რაც ერთის მხრივ 1 დამუხტვაზე გასავლელი მანძილის ზრდითა და ფასების შემცირებით, მეორეს მხრივ კი სამთავრობო რეგულაციებითაა გამოწვეული. ევროპის ქვეყნების უმრავლესობა 2030 წლიდან შიდაწვისძრავიანი ავტომობილების წარმოებას წყვეტს, 2040 წლიდან კი მათ ქუჩებში გადაადგილებასაც კრძალავს. ყველაზე მწვავე პრობლემად კვლავ დამუხტვის დრო რჩება, სწრაფდამტენსაც კი, რომლის რეგულარული გამოყენება არარეკომენდირებულია ელექტრომობილის დასამუხტად 25-30 წუთი სჭირდება, ჩვეულებრივ დამტენს კი 6-8 საათი. სუპერსწრაფდამტენის შექმნაზე რომელიც დამუხტვის დროს 5 წთ-მდე შეამცირებს ერთდოულად რამდენიმე კომპანია მუშაობს.


გიორგი ელიზბარაშვილი

თეგები:
TESLA



ლარი მცირედით გაუფასურდა

ლარი მცირედით გაუფასურდა
access_time2021-08-03 18:00:52
3 აგვისტოს ვაჭრობის შედეგად ლარი აშშ დოლართან მიმართებაში 0.06 თეთრით 3.1048-მდე გაუფასურდა. Bloomberg-ის პლატფორმაზე კი დღის ბოლოს კურსი 3.1065-ზე დაფიქსირდა. დოლარის მსგავსად ლარი ასევე გაუფასურდა ევროსთან, 0.13 თეთრით 3.69.19-მდე, ბრიტანულ ფუნტთან 0.86 თეთრით 4.3247-მდე, თურქულ ლირასთან 0.17 თეთრით 0.3729-მდე, 100 რუსულ რუბლთან 0.55 თეთრით 4.2633-მდე, 1000 სომხურ დრამთან 2.92 თეთრით 6.3566-მდე, აზერბაიჯანულ მანათთან კი უმნიშვნელო 0.01 თეთრით 1.8265-მდე...

დღის TOP 10 მნიშვნელოვანი ამბავი

დღის TOP 10 მნიშვნელოვანი ამბავი
access_time2021-08-03 21:00:09
დღის TOP 10 მნიშვნელოვანი ამბავი:   1. ბიზნესმენების აზრი – იყო თუ არა გახარია „ბოლი“ პრემიერი? ბიზნესმენი დავით ბეგიაშვილი: „ბიზნესს გიორგი გახარიამ ვერანაირი სარგებელი ვერ მოუტანა. ჯერ კიდევ ბიზნესომბუდსმენის პოსტზე, მას სექტორის სასარგებლად ფაქტობრივად არაფერი გაუკეთებია“.   2. ინფლაცია 10–წლიან...

კულუმბეგოვი შეზღუდვების, მათ შორის კომენდანტის საათის შემოღებას ითხოვს

კულუმბეგოვი შეზღუდვების, მათ შორის კომენდანტის საათის შემოღებას ითხოვს
access_time2021-08-03 16:00:25
ალერგოლოგ-იმუნოლოგი ბიძინა კულუმბეგოვი„ფეისბუქის“ პირად გვერდზე გარკვეული შეზღუდვების სასწრაფოდ დაწესების აუცილებლობაზე საუბრობს.   „კომერსანტი“ მის პოსტს უვლელად გთავაზობთ:   „სამედიცინო პირბადე ყველგან, KN95 პირბადე რისკის დაავადების პირებისთვის, ღამის გადაადგილების აკრძალვა, რესტორნები მხოლოდ ღია სივრცეში, 5 ადამიანზე მეტის შეკრების შეზღუდვა, მასიური ტესტირების და ვაქცინაციის ცენტრები...   შეზღუდვები უსწრაფესად ასამოქმედებელია,...

GALT & TAGGART: ინფლაციის ორნიშნა მაჩვენებელს 2022 წლის I კვარტალშიც უნდა ველოდოთ

GALT & TAGGART: ინფლაციის ორნიშნა მაჩვენებელს 2022 წლის I კვარტალშიც უნდა ველოდოთ
access_time2021-08-03 17:00:00
ივლისში ინფლაციის ტემპი კიდევ უფრო დაჩქარდა და ორნიშნულიან მაჩვენებელს 11.9%-ს მიაღწია, რაც 10-წლიანი რეკორდია. ამ ფონზე, Galt & Taggart-ის ეკონომისტი ლაშა ქავთარაძე ინფლაციის ორნიშნა მაჩვენებელს პროგნოზირებს 2022 წელსაც. მისი თქმით, მომდევნო თვეებში ინფლაცია კვლავ ორნიშნა მაჩვენებელზე იქნება და შესაძლოა უფრო მაღალიც იყოს მიმდინარე წლის დეკემბერში. “ივნისის ინფლაციაზე მოქმედი ფაქტორები შენარჩუნდა ივლისშიც, რომელსაც კიდევ ერთი ფაქტი ემატება,...

ონლაინკაზინოების წილმა ინტერნეტშესყიდვებში 67%-ს გადააჭარბა

ონლაინკაზინოების წილმა ინტერნეტშესყიდვებში 67%-ს გადააჭარბა
access_time2021-08-03 15:00:17
ბოლო 10 წელიწადში ინტერნეტშესყიდვების მოცულობა 20-ჯერ გაიზარდა. მკვეთრი ნახტომის მიზეზი Amazon.com-ის ან რომელიმე სხვა მსგავსი საიტის პოპულარობის ზრდა არ გამხდარა. 2020 წელს ბარათებით გადარიცხული 5.458 მლრდ ლარიდან 3.708 მლრდ, ანუ 67.9% ონლაინკაზინოების ანგარიშზე გადამისამართდა. 2011 წელს ბარათებით ინტერნეტშესყიდვების მოცულობამ 185 მლნ ლარი შეადგინა. 2020 წლის დეკემბერში, მხოლოდ 1 თვეში, კაზინოების ანგარიშზე 415 მლნ ლარი ჩაირიცხა. თუ მხოლოდ ქართულ...


მსგავსი სიახლეები

up