პანდემიამ და ეკონომიკურმა კრიზისმა 2020 წელს ექსპორტი 12%-ით, $3.342 მლრდ-მდე შეამცირა, რაც 2019 წლის ანალოგიურ მაჩვენებელთან შედარებით $456 მლნ-ით ნაკლებია. ტრადიციული სავაჭრო პარნიორების უმრავლესობაშიორნიშნა კლება აღინიშნა, თუმცა ერთმა გამონაკლისმა ვარდნის ტემპი მნიშვნელოვნად შეამცირა. ჩინეთში ექსპორტი 113.4%-ით გაიზარდა.
2019 წელს საქართველოდან ჩინეთში $223 მლნ-ის პროდუქცია გავიდა და ამ მაჩვენებლით მე-6 ადგილი დაიკავა. ექსპორტში მისმა წილმა 5.9% შეადგინა. 2020 წელს სამნიშნა ზრდის შემდეგ ექსპორტმა $476 მლნ-ს მიაღწია 14.3%-იანი წილით პირველი ადგილი დაიკავა.
$253 მლნ-იანი ზრდიდან $222 მლნ სპილენძის მადნებზე მოდის. რომლის რეექსპორტიც $172 მლნ იყო და $394 მლნ გახდა. $2 მლნ-დან $38 მლნ-მდე გაიზარდა ძვირფასი ლითონების ექსპორტიც. რაც შეეხება ღვინის გაყიდვებს, ის პირიქით $19 მლნ-დან $13 მლნ-მდე შემცირდა.
აღსანიშნავია, რომ 2020 წელს ექსპორტისგან განსხვავებით ჩინეთიდან იმპორტი 17.5%-ით $709 მლნ-მდე შემცირდა, რამაც ამ სახელმწიფოსთან უარყოფითი სავაჭრო ბალანსი $636 მლნ-დან $233 მლნ-მდე შეამცირა.
ჩინეთთან თავისუფალი ვაჭრობის ხელშეკრულება 2018 წლის 1-ლი იანვრიდან ამოქმედდა. საქართველო ერთადერთი ქვეყანაა რეგიონში რომელსაც მსგავსი ტიპის ხელსშეკრულება ერთდოულად ევროკავშირთან და ჩინეთთან აქვს გაფორმებული.
გიორგი ელიზბარაშვილი