2020 წლის II კვარტლის ფინანსური მაჩვენებლების მიხედვით, კომერციული ბანკების საკრედიტო აქტივობა წინა წლის ანალოგიურ პერიოდთან შედარებით 6,010,688,507 ლარით გაიზარდა. თუ 2020 წლის II კვარტალში კომერციული ბანკების მთლიანი სესეხების მოცულობამ 33,801,871,791 ლარი შეადგინა, 2019 წლის ანალოგიურ პერიოდში ეს მაჩვენებელი 27,791,183,284 ლარი იყო.
ანგარიშგებების მიხედვით, 2020 წლის II კვარტალში, „თიბისი“ ბანკის მთლიანმა სესხებმა 13,367,245,333 ლარი შეადგინა, გასული წლის ანალოგიურ პერიოდში ეს მაჩვენებელი 11,127,022,974 ლარი იყო. „თიბისი“ ბანკის მთლიან სესხებში უცხოური ვალუტით გაცემულმა სესხებმა 59% შეადგინა.
2020 წლის II კვარტალში მთლიანი სესხების ოდენობით მეორე ადგილას „საქართველოს ბანკია“. ბანკის მთლიანი სესხები შესაბამის პერიოდში 11,746,581,619 ლარს გაუტოლდა, მაშინ როდესაც 2019 წლის მეორე კვარტალში 9,983,642,675 ლარი იყო. მთლიან სესხებში უცხოური ვალუტით გაცემულმა სესხებმა კი 57.24% შეადგინა.
ანალოგიურ პერიოდში „ლიბერთი ბანკმა“ 1,338,463,038 ლარის მთლიანი სესხი გასცა და რეიტინგში მესამე ადგილი დაიკავა. 2019 წლის მეორე კვარტალში კი ბანკის მთლიანი სესხების მოცულობამ 1,245,420,114 ლარი, მთლიან სესხებში უცხოური ვალუტით გაცემულმა სესხებმა კი 22.32% შეადგინა.
რაც შეეხება სხვა კომერციული ბანკების მთლიანი სესხების მოცულობას, ასე გამოიყურება:
- „პროკრედიტ ბანკი“ - 1,134,162,857 ლარი (2019 წლის II კვარტალში - 1,075,886,251 ლარი);
- „ვითიბი ბანკი ჯორჯია“ - 1,222,950,478 ლარი (2019 წლის II კვარტალში - 1,122,298,754 ლარი);
- „ბაზისბანკი“ - 1,037,372,607 ლარი (2019 წლის II კვარტალში 947,147,764 ლარი)
- „ბანკი ქართუ“ - 995,804,349 ლარი (2019 წლის II კვარტალში - 826,831,972 ლარი);
- „კრედობანკი“ - 941,637,794 ლარი (2019 წლის II კვარტალში - 724,339,333 ლარი);
- „ტერაბანკი“ - 819,731,799 ლარი (2019 წლის II კვარტალში - 740,021,035 ლარი);
- „ხალიკ ბანკი საქართველო“ - 439,273,923 ლარი (2019 წლის II კვარტალში 396,945,029 ლარი);
- „პაშა ბანკი საქართველო“ - 304,799,198 ლარი (2019 წლის II კვარტალში 237,466,661 ლარი);
- „იშბანკი საქართველო“ - 197,978,080 ლარი (2019 წლის II კვარტალში 158,107,428 ლარი);
- „ფინკა ბანკი საქართველო“ - 191,562,223 ლარი (2019 წლის II კვარტალში 219,967,336 ლარი);
- „ზირაათ ბანკი საქართველო“ - 50,399,518 ლარი (2019 წლის II კვარტალში 41,296,056 ლარი);
- „სილქ როუდ ბანკი“ - 13,908,975 ლარი (2019 წლის II კვარტალში 20,676,153 ლარი).
ნინო თამაზაშვილი