პანდემიის დროს მობილური ინტერნეტის მოხმარება 118%-ით გაიზარდა

პანდემიის დროს მობილური ინტერნეტის მოხმარება 118%-ით გაიზარდა

access_time2020-12-05 11:00:29

პანდემიის შემდგომ გამოცხადებულმა ლოკდაუნებმა მილიარდობით ადამიანის ცხოვრების წესი შეცვალა. იძულების ძალით მოთხოვნა შემცირდა ტრანსპორტზე, რეტორნებზე, სასტუმროებსა  თუ არასასურსათო პროდუქციაზე, სამაგიეროდ მკვეთრად გაიზარდა როგორც ფართოზოლოვანი, ასევე მობილური ინტერნეტის მოხმარება.


საქართველოში მობილური ინტერნეტი მოხმარება პანდემიამდეც იზრდებოდა. თუ 2019 წლის იანვარში, მოხმარებული იქნა 5653 ტერაბაიტი ინტერნეტი, 2020 წლის იანვარში მისი მოცულობა 92%-ით 10 860 ტერაბიატამდე გაიზარდა, 104%-იანი ზრდა დაფიქსირდა თებერვალში. ზრდის ტემპი 123%-მდე გაიზარდა მარტში, ხოლო აპრილში, როდესაც კარქანტინის პირობები მკვეთრად გამკაცრდა, მობილურის ინტერნეტმოხმარება ნახტომისებურად, 168%-ით 5850 ტერაბაიტიდან 15 670 ტერაბიტამდე გაიზარდა. ტენდენცია შემდეგ თვეებშიც შენარჩუნდა. იმავე პერიოდში მობილური ინტერნეტის აბონენტთა რაოდენობა უმნიშვნელოდ 2.420 მლნ-დან 2.444 მლნ-მდე გაიზარდა. თუ აბონენტთა რაოდენობის მიხედვით ჯეოსელია პირველ ადგილზე (სილქნეტი) ტრაფიკით მაგთი უპირობო ლიდერია. მიმდინარე წლის სექტემბერში მოხმარებული 17 363 ტერაბაიტიდან მაგთის წილი 51%-ს  - 8820 ტერაბაიტს შეადგენდა.

2018 წელს მობილური ინტერნეტის მოხმარებამ 63.6 პეტაბაიტი (63 600 ტერაბიტი) შეადგინა. 2019 წელს ის 38%-ით 87.8 პეტაბაიტამდე გაიზარდა, 2020 წლის იანვარ-სექტემბერში კი 134.6 პეტაბაიტამდე, რაც თავის მხრივ 53%-ით აღემატება 2019 წლის სრულ მოხმარებას. 118%-ით გასული წლის ანალოგიური პერიოდის მოხმარებას და 9%-ით 2018-2019 წლების ანალოგიური პერიოდების ჯამურ მოხმარებას. დეკემბერში ისევ კარანტინია, შესაბამისად მოლოდინი რომ მაღალი ინტერნეტმოხმარება შენარჩუნდება კვლავ მაღალია.

ტრაფიკის ზრდაში არა გადამწყვეტი, მაგრამ გარკვეული როლი 4G-ის მოხმარების ზრდამაც შეასრულა. 2018 წელს მობილურ ინტერნეტში 4G-ის წილი 65% იყო, 2019 წელს - 77%. 2020 წლის სტატისტიკა არ იძებნება, წინა წლების დინამიკის გათვალისწინებით (2016 წელს 4G-ს წილი 38%-ს შეადგენდა, 2017 წელს - 56%-ს,) წელს მისი წილი 85-90 პროცენტის ფარგლებში უნდა იყოს, რაც მოხმარებას ბუნებრივადაც გაზრდიდა, მაგრამ არა ამ მოცულობით.



ინტერნეტისგან განსხვავებით პრაქტიკულად არ გაზრდილა მობილურ ტელეფონზე სასაუბრო წუთების ხანგძლივობა. 2018 წლის აპრილში საქართველოში მობილურით 799 მლნ წუთი ისაუბრეს, 2019 წლის აპრილში 802 მლნ წუთი, 2020 წლის აპრილში კი 803 მლნ წუთი. უფრო მეტიც, თუ ზარების რაოდენობა 2018 წლის აპრილიდან 2019 წლის აპრილამდე 480 მლნ-დან 484 მლნ-მდე გაიზარდა, 2020 წლის აპრილში 334 მლნ-მდე შემცირდა. კიდევ უფრო მეტადაა შემცირებული SMS-ების პოპულარობა. 2018 წლის აპრილში 297 მლნ SMS გაიგზავნა, 2019 წლის აპრილში - 261 მლნ, 2020 წლის აპრილში კი მხოლოდ 156 მლნ.


კომუნიკაციების კომისიას ფართოზოლოვანი (საკაბელო) ინტერნეტის მოხმარება ტერაბაიტებში არ აქვს ჩაშლილი, ის უდავოდ გაზრდილ გრაფიკს აჩვენებდა. რაც შეეხება აბონენტთა რაოდენობას მან სექტემბერში რეკორდულ ნიშნულს - 820 ათასს მიაღწია, 43 ათასით მეტს გასული წლის ანალოგიურ პერიოდთან და 122 ათასით მეტს 2018 წლის სექტემბერთან შედარებით.


ინტერნეტის მოხმარების მკვეთრი ზრდა მხოლოდ საქართველოში არ დაფიქსირებულა. მარტში Netflix-მა უპრეცედენტო გადაწყვეტილება მიიღო და საკუთარი ევროპის ბაზრისთვის განკუთვნილი ვიდეოების გარჩევადობა ინტერნეტის გადატვირთვის თავიდან ასაცილებლად ხელოვნურად შეამცირა.


გიორგი ელიზბარაშვილი

თეგები:
ინტერნეტი



LEFIGARO: გლობალურ პოლიტიკაში საზღვრების მნიშვნელობა ბრუნდება

LEFIGARO: გლობალურ პოლიტიკაში საზღვრების მნიშვნელობა ბრუნდება
access_time2021-04-10 20:00:49
ბოლო 5 წლის მანძილზე ქვეყნებს შორის საზღვრების გახსნილობამ 3 მძიმე დარტყმა მიიღო - ტერორიზმი, მიგრანტები და პანდემია.ამ სამმაგმა შოკმა ის მოიტანა, რომ განვითარებული ქვეყნების მრავალწლიანი მცდელობები საზღვრები ფაქტიურად წაეშალათ, აშკარად ჩავარდა - ფაქტი კი ისაა, რომ საზღვრები არსად არ გამქრალა, და მათ კონტროლი სჭირდებათ.ცივი ომის დასრულებიდან 30 წლის შემდეგ, ჩვენ მორიგი ციკლის დასასრულის მოწმეები ვართ -...

Daily Express: ევროკავშირში განხეთქილების 5 მთავარი ფაქტორი

Daily Express: ევროკავშირში განხეთქილების 5 მთავარი ფაქტორი
access_time2021-04-10 18:05:44
ევროკავშირის ლიდერთა სოლიდარობა და ერთიანობა პანდემიის მთელი პერიოდის მანძილზე დიდი გამოცდის წინაშე დგას, რაც ნათლად ადასტურებს, რამდენად სუსტი და არამყარია ეს გაერთიანება.თანაც კორონავირუსი ერთადერთი მიზეზი არაა, რომლის გამოც ევროკავშირის ერთიანობა კითხვის ქვეშ დგას. ევროპის ქვეყნების ლიდერები შესაძლოა ერთმანეთს შეეჯახონ რამდენიმე საკითხის გამო, რომელმაც მათ შორის უთანხმოება უკვე წარმოქმნა.საკვანძო პრობლემებია - კონსენსუსის არარსებობა...

4-11 მაისი საქართველოს მასშტაბით უქმე დღეებად ცხადდება

4-11 მაისი საქართველოს მასშტაბით უქმე დღეებად ცხადდება
access_time2021-04-09 20:11:02
უწყებათაშორისი საკოორდინაციო საბჭო დამსაქმებლებს თანამშრომელთა დისტანციურ სამუშაო რეჟიმში გადაყვანის რეკომენდაციით მიმართავს, 4-11 მაისი კი საქართველოს მასშტაბით უქმე დღეებად ცხადდება, - აღნიშნული გადაწყვეტილებები უწყებათაშორისი საკოორდინაციო საბჭოს სხდომაზე მიიღეს, რომელიც პრემიერ-მინისტრ ირაკლი ღარიბაშვილის ხელმძღვანელობით დღეს ვიდეოკონფერენციის ფორმატში გაიმართა. ინფორმაციას მთავრობის ადმინისტრაციის პრესსამსახური ავრცელებს. „საკოორდინაციო საბჭომ დღევანდელ სხდომაზე...

ჩინეთი საკუთარ ეკონომიკას თავად აზარალებს - Project-syndicate

ჩინეთი საკუთარ ეკონომიკას თავად აზარალებს - Project-syndicate
access_time2021-04-09 20:30:09
      2021 წლის მარტში ჩინეთის ხელმძღვანელობამ ქვეყნის განვითარების 14-წლიანი გეგმა ოფიციალურად დაამტკიცა, რომლის ძირითადი არსია შიდა მოხმარების სტიმულირება და ტექნოლოგიური დამოუკიდებლობის მიღწევა.თუმცა, ამ დოკუმენტზე ჯერ მელანი არ გამშრალა და პეკინი თავისივე სტრატეგიას თავად არღვევს იმით, რომ მნიშვნელოვან სავაჭრო პარტნიორებთან ურთიერთობებს იფუჭებს.კერძოდ, ჩინეთი რამდენიმე ბრიტანელი და კანადელი პოლიტიკოსის, ასევე...

აშშ-მ “ჩრდილოეთ ნაკადი-2“-ს წინააღმდეგ ახალი სანქციები დაამტკიცა

აშშ-მ “ჩრდილოეთ ნაკადი-2“-ს წინააღმდეგ ახალი სანქციები დაამტკიცა
access_time2021-04-09 19:00:28
აშშ-ს იუსტიციის სამინისტრომ როგორც მინიმუმ სანქციების 2 პაკეტი - „ჩრდილოეთ ნაკადი-2“-ს და მისი ოპერატორი-კომპანიის გენერალური დირექტორის მატიას ვარინგის წინააღმდეგ - დაამტკიცა - იტყობინება საიტი Politico.თუმცა, ეს შეზღუდვები ჯერ ძალაში არ შესულა და ამ დროისთვის თეთრი სახლი კონსულტაციებს აწარმოებს ახალი სპეცწარმომადგენლის დანიშვნის თაობაზე - სწორედ მას მოუწევს რუსული გაზსადენის წინაამღდეგ საერთაშორისო ძალისხმევის...


მსგავსი სიახლეები

up