პანდემიის პერიოდში გაყიდვების 60% FMCG პროდუქტებზე მოდიოდა — ამის შესახებ კომერსანტს ონლაინ-გაყიდვების ერთერთი მსხვილი პლატფორმის Extra.ge-ს წარმომადგენელი ესაუბრა.
კორონავირუსით გამოწვეული პანდემიის პერიოდში მომხმარებლის ქცევა მნიშვნელოვნად შეიცვალა, რამაც მთელ მსოფლიოში ელექტრონული კომერციის ბაზრის სწრაფი ტემპით ზრდა გამოიწვია.როგორც extra.ge-ს მარკეტინგის ხელმძღვანელმა თამარ ქვილითაიამ განმარტა, ამ პერიოდმა ბიზნესების გაციფრულების აუცილებლობა შექმნა.
„სწორედ პანდემიის პერიოდში შეიქმნა Digital Area-ს ერთ-ერთი ახალი პროექტი adapter.ge, რომელიც ყოველგვარი დამატებითი ინფრასტრუქტურისა
და ფინანსური ინვესტირების გარეშე ეხმარება
ბიზნესებს გაციფრულებაში. კერძოდ, კი გაყიდვების უწყვეტად წარმოებასა და მთელი
თანმხლები, საოპერაციო პროცესების გამართვაში, როგორც ფიზიკურ/არსებულ მაღაზიაში, ასევე
- ონლაინ სივრცეში ინტერნეტ გაყიდვების სახით.
Adapter.ge-ს პროექტის გაშვებიდან 880-ზე მეტი განაცხადი შემოვიდა, რაც იმას ნიშნავს,
რომ უამრავი ბიზნესი ამ რთული პერიოდისთვის მზად არ იყო. აღნიშნული პროექტით ციფრული
ადაპტაცია, კი ძალიან დროული და მეტიც, ერთადერთი გზა იყო ბიზნესებისათვის, რათა საკუთარი
პროდუქტებისა და მომსახურებების გაყიდვა არ შეეჩერებინათ.“ - აღნიშნავს თამარ ქვილითაია.
თამარ ქვილითაია Extra.ge -ს მაგალითზე დაყრდნობით აღნიშნავს, რომ პანდემიის პერიოდში ძირითადი მოთხოვნა და საერთო გაყიდვების 60% - FMCG კატეგორიის პროდუქტებზე მოდიოდა.
FMCG არის საქონელი, რომელსაც მომხმარებლები ყოველდღიურად იყენებენ, მაგალითად, შამპუნის, საპნის, დეოდორანტი და სარეცხი საშუალებები.
რაც შეეხება ლოქდაუნის შემდგომ პერიოდს, როდესაც გადაადგილება და სურსათთან წვდომა მომხმარებლისთვის შედარებით გამარტივდა, ეს ტენდენციაც შეიცვალა და საკვებ პროდუქტებზე მოთხოვნის პროცენტულმა მაჩვენებელმაც იკლო. გაიზარდა მოთხოვნა ელექტროტექნიკაზე, ტანსაცმლის კატეგორიაზე, თავის მოვლის საშუალებებზე და სხვა.
„ზაფხულის სეზონის მიწურულს ძალიან აქტუალური გახდა სასწავლო წლისთვის მზადება. ჩვენც მომხმარებელს შევთავაზეთ 70%-მდე ფასდაკლებები 50-მდე პარტნიორი მაღაზიის მიერ წარდგენილ 2000-ზე მეტ აქტუალურ პროდუქტზე. ისეთ კატეგორიებზე, როგორიცაა: საკანცელარიო, წიგნები და სახელმძღვანელოები, ლეპტოპები და კომპიუტერული ტექნიკა, მობილური ტელეფონები და მათი აქსესუარები, სასკოლო ჩანთები, ტანსაცმელი, აქსესუარები და სხვა.
აღსანიშნავია ის ფაქტი, რომ აქციაში ჩართული მაღაზიების ფასდაკლებები მომხმარებლისათვის
ხელმისაწვდომი მხოლოდ ონლაინ სივრცეში - www.extra.ge-ზე იყო, - აღნიშნავს თამარ ქვილითაია.
პანდემიის პერიოდში, Extra.ge-ს გარემოსთან ადაპტაცია და შიდა რეორგანიზაცია დასჭირდა.
„გამომდინარე იქიდან, რომ რამდენიმე მიმართულების ციფრულ პროდუქტს ვქმნით,
სრული კონცენტრირება კადრებისა და შიდა რეორგანიზაციის კუთხით Extra.ge-ს გარშემო მოვახდინეთ.
იქ, სადაც რესურსების პრობლემა და გაძლიერების საჭიროება იყო, ძალიან სწრაფად შევავსეთ
ახალი, დამატებითი კადრებით, რათა სამუშაო პროცესი არათუ შეფერხებულიყო, არამედ - გაზრდილი
მოთხოვნა მაქსიმალურად ეფექტურად დაკმაყოფილებულიყო. შედეგად, გავზარდეთ პროდუქტების
ასორტიმენტი და უწყვეტ რეჟიმში, რისი შესაძლებლობაც რეგულაციებიდან გამომდინარე გვქონდა,
მაქსიმალურად სწრაფად ვაწვდიდით შეკვეთებს მომხმარებლებს მთელი საქართველოს მასშტაბით.“- აღნიშნავს თამარ ქვილითაია.
როგორც Extra.ge – ს მიერ ჩატარებულმა კვლევებმა აჩვენეს „მაღაზიის კონსულტანტის“ ფაქტორი იმდენად მნიშვნელოვანი იყო მომხმარებლისთვის, რომ ხშირ შემთხვევაში სწორედ ეს ქმნიდა ონლაინ შოპინგისგან თავის შეკავების საფუძველს.
„გვეამაყება, რომ გვყავს ერთ-ერთი ყველაზე კვალიფიციური მომხმარებელთა მხარდაჭერის ცენტრი და ვართ პირველი კომპანია, რომელიც ონლაინ/სატელეფონო კონსულტაციას უწევს მომხმარებელს სასურველი ნივთის შერჩევის პროცესში. აღნიშნული კონსულტაცია არის მინიმუმ იმავე ხარისხის, როგორსაც სხვადასხვა ფიზიკურ მაღაზიაშია მიჩვეული მომხმარებელი. სწორედ ამიტომ, მუდმივად მიმდინარეობს ტრეინინგი თანამშრომლებისათვის და მომსახურების ხარისხის კიდევ უფრო ამაღლება. გვიხარია, რომ მომხმარებლის კმაყოფილებაც, ამ მხრივ, საგრძნობლად გაიზარდა.“- თამარ ქვილითაია.
როგორც extra.ge - ში აღნიშნავენ იმ შემთხვევაში თუ ვირუსის მეორე ტალღის სახით იქნება, Extra.ge მზად არის, რომ ყველაზე რთულ პერიოდსაც გაუმკლავდეს.
თაკო კვაჭანტირაძე