„ გიორგი კვირიკაშვილსაც ვეუბნებოდი,რომ გზების მშენებლობა შესაძლებელია მხოლოდ კარგი მენეჯმენტის შემთხვევაში -  ეს ჩინოვნიკები რაში იღებენ პრემიებს?“

„ გიორგი კვირიკაშვილსაც ვეუბნებოდი,რომ გზების მშენებლობა შესაძლებელია მხოლოდ კარგი მენეჯმენტის შემთხვევაში - ეს ჩინოვნიკები რაში იღებენ პრემიებს?“

access_time2019-06-14 09:00:43


ინფრასტრუქტურის სფერო წლებია ეკონომიკის ერთ-ერთ ყველაზე პრობლემურ მიმართულებად რჩება. მიუხედავად მთავრობის წარმომადგენელთა განცხადებებისა, ამ სფეროში ბევრი პრობლემა ამ დრომდე მოუგვარებელია. თავის დროზე, გიორგი კვირიკაშვილის გუნდისთვისაც, ერთ-ერთი მნიშვნელოვანი გამოწვევა სწორედ ინფარასტრუქტურული პროექტების ტემპებისა და ხარისხის გაუმჯობესება იყო. ახალმა პრემიერმა, მამუკა ბახტაძემ კი თანამდებობაზე დანიშვნიდან ძალიან მოკლე პერიოდში დააფიქსირა საკუთარი აზრი, რომ ინფრასტრუქტურული პროექტების შესრულების „ტრადიცია და წესები ცვლილებებს საჭიროებს“. და მაინც, „მსოფლიო ეკონომიკური ფორუმის“ გზების ხარისხის მიხედვით გლობალური კონკურენტუნარიანობის ინდექსში, ბოლო მონაცემებით,  საქართველო 82-ე ადგილზეა და სამხრეთ აფრიკაში მდებარე ბოტსვანის რესპუბლიკისა და ცენტრალური ამერიკის სახელმწიფო ჰონდურასის გვერდით აღმოჩნდა.


გუშინ  ფინანსთა მინისტრის მოადგილემ გიორგი კაკაურიძემ, შეუსრულებელ ინფრასტრუქტურულ პროექტებთან დაკავშირებით, საპარლამენტო ტრიბუნიდან განაცხადა: 


„800 კმ გზა რომ დაგებულიყო 2020 წლამდე, მაგ შემთხვევაში სხვანაირად უნდა დაგეგმილიყო 2017, 2018 და 2019 წლების ბიუჯეტი. როდესაც დაიგეგმა 2019 წლის ბიუჯეტი, იქ არაერთხელ იქნა განმარტებული, რომ 2020 წელს ეს პროექტები ვერ დასრულდება. ყველა პროექტის დასრულებას, დაწყებიდან 4 წელი მაინც დასჭირდება. დიახ, თქვა პრემიერმა, რომ 2020 წლამდე მოესწრებაო, მაგრამ ვერ მოესწრო. რა ვქნა ახლა.“


რატომ ვერ სრულდება დროულად მსხვილი ინფრასტრუქტურული პროექტები და  ამ კუთხით, ბიუჯეტის შეუსრულებლობის შემთხვევაში უნდა დადგეს თუ არა საჯარო მოხელეების პასუხისმგებლობის საკითხი?


მსხვილი ინფრასტრუქტურული პროექტების განმახორციელებელი კომპანიაკავკაზუს როუდ პროჯექტისხელმძღვანელი პაატა ტრაპაიძე  აცხადებს, რომ დღეს გზების მშენებლობაში ჩამორჩენა საკმაოდ სერიოზულია. ამიტომ, მისი პროგნოზით, ავტობანის 2020 წლამდე კი არა, 2025 წლამდე დასრულება რომ მოხდეს, კარგი იქნება.  


„ჩვენი დამკვეთია გზების დეპარტამენტი, მაგრამ ჩვენ თუ რამე ვერ შევასრულეთ, გვაჯარიმებენ და ყოველ გადაცილებულ დღეზე სერიოზულ საურავებს გვაკისრებენ. სახელმწიფო ჩინოვნიკი არის ჩვენი დანიშნული და ამ შემთხვევაში ჩვენ ვართ დამკვეთი, რომ არ შეასრულა დანაპირები, ჯარიმდება? არა ხო?  პრემიას მაინც ხომ იღებს? არადა, პრემია დამოკიდებულია კარგად შესრულებულ სამუშაოებზე? ეს ჩინოვნიკები რაში იღებენ პრემიებს? ბატონ გიორგი კვირიკაშვილს, მაშინდელ პრემიერ-მინისტრს  2016 წელს ვეუბნებოდი, რომ ის, რისი გაკეთების სურვილიც მას ჰქონდა, შესაძლებელია მხოლოდ კარგი მენეჯმენტის შემთხვევაში,“-აცხადებს ტრაპაიძე.



მისი განმარტებით, საერთოდ, ის რაც ქვეყანაში ხდება, ყველაფერი  დისმენეჯმენტის ბრალია. როგორც ტრაპაიძე განმარტავს, ინფრასტრუქტურის სამინისტროში რადიკალური რეფორმების გარეშე ჩვენ ტემპს რეალურად ვერ გავზრდით. გარდა ამისა, იგი ეჭვობს, რომ ინფრასტრუქტურის დღევანდელმა სამინისტროს შემადგენლობამ თავისი რესურსებით შეძლოს ამის მენეჯმენტის სათანადოდ განხორციელება.


ჩვენ საქართველოში ზოგადად გვაკლია ევროპულიდასავლური ყაიდის მენეჯმენტის მქონე სპეციალისტებიდავანგრიეთ საბჭოთა კავშირი და არ დაგვინგრევია საბჭოთა მენტალიტეტი. დავდევთ 10 თეთრს, 100 ლარს და არ ვასრულებთ პირობითად, 800 მილიონი ლარის  სამუშაოებს. არადა, არ იციან, რომ დრო არის ყველაზე დიდი ღირებულება,“-აცხადებს ტრაპაიძე.


რაც შეეხება თანამდებობის პირების პასუხისმგებლობას, ტრაპაიძე აცხადებს, რომ ის პრემიერ-მინისტრი, ვინც ეს დაგეგმა, აღარ არის თანამდებობაზე.


„ვის მოსთხოვონ პასუხი, რა ქნან? ის გუნდი აღარ არის. ამისთვის არსებობს ერთადერთი პასუხისმგებლობა-პოლიტიკური. სხვა პასუხისმგებლობა ასეთ სისტემებში არ არსებობს,“ აღნიშნავს ტრაპაიძე.


მისი განმარტებით, მნიშვნელოვანია, რომ  ქვეყანაში მოტივაციის სხვანაირი თეორია არსებობდეს და ის სახელმწიფო მენეჯმენტში შევიდეს.


 „მსოფლიო განიცდის მენეჯერების ნაკლებობას, მარტო საქართველო კი არა. ჩვენ გვჭირდება დიდი, სერიოზული, უცხოური კომპანიები, რომლებიც ქართველ ხალხს დაატრეინინგებენ. ჩვენთან ყველაფერი ფასზეა აწყობილი, ეს კი ყველაზე დამანგრეველია. ჩინურ  კომპანიას გამოუცხადეს სრული დისკვალიფიკაცია, მაგრამ ამათი სამუშაო ხომ გაჩერდა, ამით ქართულმა სახელმწიფომაც ხომ წააგო, რამდენი უმუშევარი ქართველი დარჩა? ევროკავშირისკენ მივდივართ და აქ არცერთი ევროპული წესიერი კომპანია არ ოპერირებს. მუშაობენ ჩინური, თურქული კომპანიები. ჩინელებს სხვათა შორის ჩინეთში ძალიან კარგი რამეები აქვთ აშენებული. კარგი კომპანიები  იქ რჩება, დაბალი კვალიფიკაციისას აქეთ უშვებენ,“-აცხადებს ტრაპაიძე.


2016 წელს შემუშავებული მთავრობის ოთხპუნქტიანი გეგმის მიხედვით, 2020 წლამდე 800 კილომეტრზე მეტი სიგრძის, 3.5 მილიარდი აშშ დოლარის ღირებულების საგზაო ინფრასტრუქტურა უნდა დაგებულიყო და უნდა დასრულებულიყო აღმოსავლეთ-დასავლეთის ავტობანის მშენებლობა.


ქვეყნის სივრცითი მოწყობის პრეზენტაციაზე, მაშინდელმა პრემიერ-მინისტრმა გიორგი კვირიკაშვილმა, 2020 წლამდე დაგეგემილ საგზაო ინფრასტრუქტურაზე  დაწვრილებით ისაუბრა და აღნიშნა: „მთლიანობაში, 2020 წლის ჩათვლით, დაგეგმილია 1 000 კილომეტრი გზის მშენებლობა-რეაბილიტაცია, რომლის სავარაუდო ღირებულება 3.5 მილიარდი დოლარი იქნება. დასრულდება 550 კილომეტრი მაგისტრალის მშენებლობა, აშენდება 300 ხიდი (100 რიკოთის გზის ფარგლებში) და 50 საავტომობილო გვირაბი (40 რიკოთის გზის ფარგლებში)“.


2017-2018 წლებში სულ 66.7კილომეტრი ახალი გზა აშენდა, აქედან 45 კილომეტრი ავტობანი. რეკონსტრუქცია ჩაუტარდა 426.6 კილომეტრ გზას, აშენდა 25 ახალი ხიდი და 3 გვირაბი, მათ შორის ყველაზე გრძელი ხიდი და გვირაბი. დაპირების შესასრულებლად, მიმდინარე და მომდევნო წელს  ხელისუფლებამ 733.3 კილომეტრი გზა (მათ შორის 505 კილომეტრი ავტობანი) უნდა ააშენოს, რაც წარმოუდგენელია.

 

სოფო ქსოვრელი 




ანა დოლიძე: „შეშფოთებული ვარ იმ მწარე სილით, რომელიც „ქართულმა ოცნებამ“ საზოგადოებას გააწნა“

ანა დოლიძე: „შეშფოთებული ვარ იმ მწარე სილით, რომელიც  „ქართულმა ოცნებამ“ საზოგადოებას გააწნა“
access_time2019-11-14 14:56:47
„შეშფოთებული ვარ იმ ამბებით,რაც მომდის საქართველოდან. ამ წუთებში ვიმყოფები ყაზახეთში, ვატარებ რამდენიმე საჯარო ლექციას, დღეს შეხვედრა მქონდა უზენაეს სასამართლოში. შეშფოთებული ვარ იმ მწარე სილით,რომელიც გააწნა „ქართულმა ოცნებამ“ საზოგადოებას“-ამის შესახებ იურისტმა ანა დოლიძემ პროპორციულ სისტემაზე გადასვლასთან დაკავშირებით პარლამენტში მიმდინარე მოვლენების შეფასებისას განაცხადა. მისი განცხადებით, სიმწრით მოპოვებული პროპორციული არჩევნები დღეს სახელდახელოდ...

ლევან კობერიძე „ოცნებიდან“ დეპუტატების წასვლაზე: გრძელდება სპექტაკლი? არ დამთავრებულა?

ლევან კობერიძე „ოცნებიდან“ დეპუტატების წასვლაზე: გრძელდება სპექტაკლი? არ დამთავრებულა?
access_time2019-11-14 13:55:16
“გრძელდება სპექტაკლი? არ დამთავრებულა? ეტყობა დამატებითი მოქმედება არის. თუ დატოვება უნდოდათ და ასეთი მკვეთრი განცხადებების გაკეთება, ჩვენ როდესაც რამეს ვაპროტესტებდით, ვინც დავტოვეთ თავის დროზე უმრავლესობა.. ვერ გეტყვით, გავარკვევ რა ვითარებაა, მაგრამ სპექტაკლის ნაწილი მეჩვენება ” უთხრა დეპუტატმა ლევან კობერიძემ ტელეკომპანია პირველს მას შემდეგ, რაც პარლამენტმა პროპორციულ სისტემაზე გადასვლის შესახებ პროექტი ჩააგდო, უმრავლესობა კი რამდენიმე დეპუტატმა...

დეპუტატები,რომლებმაც საარჩევნო სისტემის ცვლილებას მხარი არ დაუჭირეს

დეპუტატები,რომლებმაც  საარჩევნო სისტემის ცვლილებას მხარი არ დაუჭირეს
access_time2019-11-14 14:18:29
პარლამენტმა საარჩევნო სისტემის ცვლილებასთან დაკავშირებით კონტიტუციურ კანონში ცვლილებები პირველი მოსმენით ჩააგდო.   პლენარულ სხდომაზე რეგისტრაცია 141-მა დეპუტატმა გაიარა. პროპორციულ საარჩევნო სისტემაზე გადასვლას პირველი მოსმენით 101-მა დეპუტატმა, მათ შორის ოპოზიციონერმა დეპუტატებმა დაუჭირეს მხარი. წინააღმდეგ კი 3 დეპუტატი წავიდა:   ენზელ მკოიანი კახა ოქრიაშვილი დიმიტრი ხუნდაძე   რეგისტრაცია გაიარეს თუმცა კენჭისყრაში...

პარლამენტმა პროპორციულ საარჩევნო სისტემაზე გადასვლასთან დაკავშირებული საკონსტიტუციო ცვლილებები კენჭისყრაზე ჩააგდო

პარლამენტმა პროპორციულ საარჩევნო სისტემაზე გადასვლასთან დაკავშირებული საკონსტიტუციო ცვლილებები კენჭისყრაზე ჩააგდო
access_time2019-11-14 13:18:30
პარლამენტმა საარჩევნო სისტემის ცვლილებასთან დაკავშირებით კონტიტუციურ კანონში ცვლილებები პირველი მოსმენით ჩააგდო.პლენარულ სხდომაზე რეგისტრაცია 141-მა დეპუტატმა გაიარა. პროპორციულ საარჩევნო სისტემაზე გადასვლას პირველი მოსმენით 101-მა დეპუტატმა, მათ შორის ოპოზიციონერმა დეპუტატებმა დაუჭირეს მხარი. წინააღმდეგ კი 3 დეპუტატი წავიდა, თუმცა კვორუმი 113 ხმა იყო, რის გამოც კანონპროექტი ჩავარდა. საპარლამენტო უმრავლესობის 93 დეპუტატის მიერ შემუშავებული კანონპროექტი კონსტიტუციაში...

„აზარტულ თამაშებზე შესაძლოა, რეგულაციები დაწესდეს, რომელიც ორი-სამი წლის პერსპექტივაში დაახლოებით 60%-მდე შეამცირებს მომხმარებელთა რიცხვს“

„აზარტულ თამაშებზე შესაძლოა, რეგულაციები დაწესდეს, რომელიც ორი-სამი წლის პერსპექტივაში დაახლოებით 60%-მდე შეამცირებს მომხმარებელთა რიცხვს“
access_time2019-11-14 13:12:41
დეპუტატთა ჯგუფმა აზარტულ და მომგებიან თამაშებთან დაკავშირებით საკანონმდებლო ინიციატივა დაარეგისტრირა - ამის შესახებ საქართველოს პარლამენტის დამოუკიდებელმა წევრმა ლევან გოგიჩაიშვილმა პარლამენტში გამართულ პრესკონფერენციაზე განაცხადა. მისი განცხადებით, მნიშვნელოვანია აზარტული და მომგებიანი თამაშების სფეროში მკაცრი რეგულაციების დამყარება. „ჩვენ უკვე დავარეგისტრირეთ კანონპროექტი, რომელიც რეკლამის აკრძალვას ეხება. ახლა კი დარეგისტრირდა...


მსგავსი სიახლეები

up