პაატა სალიას პასუხი რუსთავი 2-ის ჟურნალისტებს, რომლებიც კუთვნილ ხელფასს ითხოვენ-.

პაატა სალიას პასუხი რუსთავი 2-ის ჟურნალისტებს, რომლებიც კუთვნილ ხელფასს ითხოვენ-. "მე მათ ვუთხარი, რომ ხელფასებს მიიღებენ, ხელფასებით მანიპულირებას არ ვაპირებ“

access_time2019-08-23 18:00:26

სამაუწყებლო კომპანია „რუსთავი 2“-ის ჟურნალისტმა ეკა კვესიტაძემ სახალხო დამცველის ანტი-დისკრიმინაციულ მექანიზმში საჩივარი შეიტანა. ის მისი საქმის შესწავლას და დისკრიმინაციის ფაქტის დადგენას ითხოვს. ეკა კვესიტაძის ინტერესებს საქართველოს „ახალგაზრდა იურისტთა“ ასოციაცია იცავს.


საიას განცხადებით, ეკა კვესიტაძესთან ამ დრომდე ,,რუსთავი 2“-ს შრომითი ხელშეკრულება არ შეუწყვეტია, თუმცა მას დაუსაბუთებლად ეზღუდება კუთვნილი ხელფასის მიღება.


„წარდგენილი საჩივრით ეკა კვესიტაძე ითხოვს მის მიმართ განსხვავებული მოსაზრებების გამო დისკრიმინაციული მოპყრობის დადგენას, რაც ამ ეტაპზე მისთვის კუთვნილი ხელფასის გაუცემლობაში ვლინდება. შესაბამისად, ეკა კვესიტაძე წარდგენილ საჩივარში სახალხო დამცველს სთხოვს მისი საქმის დაჩქარებულ ვადაში შესწავლას და დისკრიმინაციის აღმოსაფხვრელად რეკომენდაციის გამოცემას“,- ნათქვამია „ახალგაზრდა იურისტთა ასოციაციის“ განცხადებაში.


ეკა კვესიტაძე ივლისის თვის სახელფასო ანაზღაურებას მოითხოვს. როგორც ის ეუბნება რადიო თავისუფლებას, დისკრიმინაციულია კომპანიის მენეჯმენტის გადაწყვტლება მის მიმართ, ვინაიდან, ივლისის თვის ანაზღაურება მიღებული აქვს გადაცემაზე მომუშავე ჟურნალისტთა გუნდს, მას კი ანაზღაურება არ ჩარიცხვია.


ეკა კვესიტაძე ამბობს, რომ პაატა სალიასგან პასუხად, მიიღო, რომ ამ თემაზე 9 სექტემბერს დაელეპარაკება, როდესაც ეკა კვესიტაძის შვებულება დასრულდება.


არასამთავრობო ორგანიზაცია „საერთაშორისო გამჭვირვალობა საქართველოს“ ინტერესების დასაცავად უკვე მიმართეს „რუსთავი 2“-ის ყოფილმა ჟურნალისტებმა, ნანუკა ჟორჟოლიანმა და ნოდარ მელაძემ, როგორც ნანუკა ჟორჟოლიანი ეუბნება რადიო თავისუფლებას, თავისი ინტერესების დასაცავად მიმართვას ასევე გეგმავს გიორგი გაბუნიაც.


ნანუკა ჟორჟოლიანის სიტვებით, „რუსთავი 2“-ის გენერალური დირექტორის პაატა სალიასთან მიმოწერის დამადასტურებელი ინფორმაციაც აქვს შენახული, რომლის მიხედვითაც დასტურდება, რომ კუთვნილ ხელფასს მას ტელევიზიის ამჟამინდელი მფლობელის ქიბარ ხალვაშის გადაწყვეტილების საფუძველზე არ უხდიან.


20 ივნისს რუსთავი 2-ის საინფორმაციო სამსახურის ყოფილმა უფროსმა ნოდარ მელაძემ თქვა, რომ, მას არ აქვს აღებული ივნისის ხელფასი.


„პაატა სალიამ მიიღო გადაწყვეტილება ქიბარ ხალვაშის დავალებით და გაყინა ჩემი ხელფასი. მე ამ დროისათვის ივნისის ხელფასიც არ მაქვს აღებული. მათგან პასუხებს ვიღებდი, რომ ხელფასი იქნებოდა დღეს-ხვალ და ა.შ.“


პაატა სალია რადიო თავისუფლებას ეუბნება, რომ ჯერ ეკა კვესიტაძის სამსახურიდან გათავისუფლების ბრძანება დაწერილი არ არის და ეკა კვესიტაძე მის კუთვნილ ხელფასს მიიღებს, როდესაც ის შვებულებიდან დაბრუნდება და საბოლოო ანგარიშწორება მოხდება. ასევე ხელფასს მიიღებს ნანუკა ჟორჟოლიანიც.


„სიმართლე არ არის, რომ რამდენიმე ადამიანს არ აქვს ხელფასი აღებული, ბევრი ადამიანია, ვისაც ხელფასი არ აუღია, კომპანიაში არსებული ფინანსური მდგომარეობის გათვალისწინებით. საკმარისი თანხები არ იყო. მე მათ ვუთხარი, რომ ხელფასებს მიიღებენ, ხელფასებით მანიპულირებას არ ვაპირებ“,- ამბობს პაატა სალია.


მისი თქმით, ჯერ გასარკვევია მიიღებენ თუ არა ხელფასებს ნოდარ მელაძე და გიორგი გაბუნია. პაატა სალიას თქმით, ამ ადამიანებს, შეიძლება კომპანიის მიმართ ჰქონდეთ ფინანსური ვალდებულება, რასთან დაკავშირებითაც სამოქალაქო დავის დაწყებას გეგმავს კომპანიის მენეჯმენტი.


„ეს უკვე კომპანიის უფლებამოსილებაა შეუჩეროს დროებით ხელფასები და იდაოს. თუმცა, ამასთან დაკავშირებით გადაწყვეტილება ჯერ არ გვაქვს მიღებული. შეიძლება მივცეთ ხელფასები და ისე ვიდაოთ. საბოლოო გადაწყვეტილება მიღებული არ არის. ვისაც ეკუთვნის ხელფასი აუცილებლად მიიღებს, არავის არ აქვს დისკრიმინალური განწყობები“,- აცხადებს პაატა სალია.



რადიო თავისუფლება





საცხობების ქსელი ანტრე ლონდონში გაიხსნება

საცხობების ქსელი ანტრე ლონდონში გაიხსნება
access_time2020-02-22 19:10:48
საცხობების ქსელი ანტრე ლონდონში გაიხსნება. ქსელის პირველი კაფე ნოთინგ ჰილ გეითის # 138 ში სტუმრებს 2020 წლის ზაფხულიდან უმასპინძლებს. “ანტრე ლონდონი” კომპანიის საერთაშორისო ექსპანისიის ნაწილია, რომელიც თბილისის და ბაქოს შემდეგ მესამე ქალაქს წარმოადგენს.ანტრე თანამედროვე, ჯანსაღი ცხოვრების მოყვარულთა არჩევანია, რომელმაც რეპუტაცია უმაღლესი ხარისხის ხელნაკეთი პროდუქტების წარმოებით მოიპოვა.“ანტრე ლინდონი” ბრიტანულ ბაზარზე საინტერესო სინთეზით...

„დემნა გვასალიამ თავისი საბჭოური ნოსტალგიით გადაუარა მოდის სფეროს და ჩვენც იგივე შეგვიძლია გავაკეთოთ კულინარიით“

„დემნა გვასალიამ თავისი საბჭოური ნოსტალგიით გადაუარა მოდის სფეროს და ჩვენც იგივე შეგვიძლია გავაკეთოთ კულინარიით“
access_time2020-02-22 18:00:21
თუ გაქვთ სურვილი და, იმავდროულად, თანხაც, თბილისში ახალი ადგილი შექმნათ, სადაც ადამიანები სიამოვნებით ივლიან და გემრიელ კერძებს დააგემოვნებენ, ეს სულაც არ ნიშნავს იმას, რომ ოცნების რეალობად ქცევისთვის ყველა საჭირო ბერკეტს...

ელექტრო სიგარეტების მწარმოებლებს ახალი რეგულაციების დაცვა მოუწევთ

ელექტრო სიგარეტების მწარმოებლებს   ახალი რეგულაციების დაცვა მოუწევთ
access_time2020-02-22 17:00:16
 მშვიდობით, არომატიზირატორებო ტკბილი ბამბის, ხილის ნარევების და კრემ-ბრიულეს გემოთი. ახლო მომავალში, ყველა ეს არომატი, რომელიც ახალისებს ელექტრო სიგარეტების - ვეიპების -  მოხმარებას შტატებში, გავა მოდიდან, ხოლო მწარმოებელ-კომპანიებს  ახალი რეგულაციების დაცვა მოუწევთ.აშშ-ის კვების პროდუქტების და წამლების ხარისხის სანიტარული ზედამხედველობის სამსახურის ბრძანებით, ვეიპების სითხეს უნდა ჰქონდეს  კლასიკური თამბაქოს და მენთოლის გემო, სხვა  ყველაფერი დანარჩენი...

„ხან ერთი ტრანსფორმატორი ფეთქდება, ხან - მეორე“ - მაინინგის გამო ჩაბნელებული სვანეთი

„ხან ერთი ტრანსფორმატორი ფეთქდება, ხან - მეორე“ - მაინინგის გამო ჩაბნელებული სვანეთი
access_time2020-02-22 16:00:15
სვანეთში კრიპტოვალუტის მაინინგის გამო მოსახლეობას ელექტროენერგია შეზღუდვით მიეწოდება. ადგილობრივები პრობლემის მოგვარებას ითხოვენ, თუმცა გამრიცხველიანების წინააღმდეგნი არიან. „ენერგო-პრო ჯორჯიამ“ აღმოაჩინა, რომ შარშან სვანეთში ელექტროენერგიის მოხმარებამ მოულოდნელად მკვეთრად იმატა. კომპანიის ანალიზით, გასული წლის დეკემბერში მესტიის რაიონმა იმდენივე ელექტროენერგია მოიხმარა, რამდენიც ერთად აღებულმა 19 რაიონმა. კომპანიაში განაცხადეს, რომ დენის მოხმარების...

„სქაი ბარი“ პეკინის 3 - სახიფათო ზონა ტურისტებისთვის

„სქაი ბარი“ პეკინის 3 - სახიფათო ზონა ტურისტებისთვის
access_time2020-02-22 14:10:33
ეთნო რალის დამფუძნებელი ალექსანდრე გიორგაძე სოციალურ ქსელში წერს, რომ პეკინის 3 ნომერში განთავსებულ ბარ “სქაიში” მასთან სტუმრად მყოფ ტურისტებს 2 ლუდში 3100 ლარი გადაახდევინეს. „კიდევ ერთი თაღლითური შემთხვევა. 2 ლუდში გადაახდევინეს 3100 ლარი. ამჯერად ჩემს სტუმრებს შეემთხვათ. მესამედ არიან უკვე ჩემთან. ვმეგობრობთ, სიგიჟემდე უყვართ საქართველო. სქემა მარტივი. შევიდნენ ლუდისთვის, მიუჯდა 2 გოგო, სთხოვეს დალევა. ამათ უარი უთხრეს. ცოტა ხანში მოდის შამპანური. ეს გოგონები 5 წუთში...


მსგავსი სიახლეები

up