პაატა კვიჟინაძე ოპოზიციას - მთავრობის დახმარება ფიზიკურ პირებსა და საწარმოებზე 4,5 მილიარდი ლარი გამოდის, ვერ ვხვდები, რა გინდათ

პაატა კვიჟინაძე ოპოზიციას - მთავრობის დახმარება ფიზიკურ პირებსა და საწარმოებზე 4,5 მილიარდი ლარი გამოდის, ვერ ვხვდები, რა გინდათ

access_time2020-05-21 20:00:38

გავიხსენოთ 2008 წელი. არანაკლები კრიზისი იყო, თუ უფრო დიდი არა. გაიხსენეთ, ერთი თეთრი მიუციათ მოსახლეობისთვის? რომელიმე საწარმოსთვის მიუციათ რაიმე სახის დახმარება? ჩვენი მთავრობის დახმარება ოთხ მილიარდ-ნახევარი ლარი გამოდის ფიზიკურ პირებზე და საწარმოებზე და ვერ ვხვდები რა გინდათ, – ასე გამოეხმაურა საქართველოს პარლამენტის საფინანსო-საბიუჯეტო კომიტეტის თავმჯდომარის პირველი მოადგილე, საპარლამენტო უმრავლესობის წევრი პაატა კვიჟინაძე ოპოზიციის წარმომადგენელთა კრიტიკულ შეფასებებს პარლამენტის საგანგებო სესიის პლენარულ სხდომაზე.

 

„ეს არის პატარა ნაწილი იმ დიდი დახმარებისა, რაც მთავრობამ და პარლამენტმა უნდა გასცეს საქართველოს მოსახლეობისთვის და ამ პატარა კანონშიც რატომღაც ყველამ გაამახვილა ყურადღება საშემოსავლო გადასახადზე, როცა იქ სხვა გადასახადებიც არის ნახსენები. ოპოზიცია ყოველთვის გვეუბნებოდა, დატოვეთ ეკონომიკაში თანხა. რჩება 235 მილიონი. რა გნებავთ, ვერ გავიგე. ამასთან, ხდება სამუშაო ადგილების შენარჩუნება. ამის გარდა, აქ საუბარი იყო თანხის მიღებაზე. ერთ-ერთმა პირველმა, საქართველომ მოახერხა შეთანხმება საერთაშორისო ფინანსურ ორგანიზაციებთან. ერთ-ერთი ყველაზე დიდი თანხა მოაქვს საქართველოს. სავალუტო ფონდმა გააკეთა ამაზე განცხადება. თვითონ ის ფაქტი, რომ სავალუტო ფონდი ამბობს, მიეცით საქართველოს ეს თანხები, ეს უკვე არის უზარმაზარი წარმატება. ამას ვერ აღწევს ქვეყნების 90 პროცენტი“, – განაცხადა პაატა კვიჟინაძემ.

 

კვიჟინაძის განცხადებით, მიუხედავად ეკონომიკური ვარდნისა, რომელიც შექმნილი ვითარების ფონზე გარდაუვალია, ბიუჯეტი იქნება რეალური და მასში ყველაფერი შესაბამისად იქნება ასახული.


 

„ბიუჯეტი აუცილებლად შემოვა, მაგრამ ხომ ვიცით, რომ აპრილი იქნება ყველაზე რთული თვე, იმიტომ, რომ გაჩერებული იყო ყველაფერი. ეკონომიკური ვარდნა თავისთავად იქნება და ხომ უნდა ვნახოთ, რამდენი იყო ეკონომიკური ვარდნა? მაისის ბოლო რიცხვებში გამოქვეყნდება ეკონომიკური ზრდის მაჩვენებელი, ხომ უნდა შევხედოთ, დავინახოთ, რა უნდა ჩაიწეროს იქ, მერე იტყვით, არარეალური ბიუჯეტი იყოო. ამიტომ ბიუჯეტი აუცილებლად შემოვა და იქ იქნება ყველაფერი ჩაწერილი, რაც საჭიროა. რაც შეეხება დახმარებებს, დახმარებების გაცემა უკვე მომავალი კვირიდან დაიწყება, ამასობაში ბიუჯეტიც დაეწევა და ყველა დახმარება, რაც იყო ნათქვამი, გაიცემა“, – განაცხადა პაატა კვიჟინაძემ.

 

ინფორმაციას საქართველოს პარლამენტის პრესსამსახური ავრცელებს.





„მომავალ შაბათს რომ საპარლამენტო არჩევნები ტარდებოდეს – ოცნება 19%, ენმ 14%, გახარია 3%“ – IRI

„მომავალ შაბათს რომ საპარლამენტო არჩევნები ტარდებოდეს – ოცნება 19%, ენმ 14%, გახარია 3%“ – IRI
access_time2023-04-25 14:00:33
საერთაშორისო რესპუბლიკური ინსტიტუტი (IRI) საზოგადოების აზრის კვლევას აქვეყნებს. კითხვაზე, ვის მისცემდნენ ხმას, საპარლამენტო არჩევნები მომავალ შაბათს რომ ტარდებოდეს, 19% ქართულ ოცნებას ასახელებს, 14% ერთიან ნაციონალურ მოძრაობას.  მოქალაქეებს დაუსვეს კითხვა - საპარლამენტო არჩევნები რომ მომავალ შაბათს ტარდებოდეს, რომელ პარტიას მისცემდით ხმას? (თუ მისცემდით) / თქვენ მიერ არჩეული პარტია რომ ბიულეტენზე არ ყოფილიყო, სანაცვლოდ ვის მისცემდით ხმას? (თუ...

IRI-ის კვლევის მიხედვით, გამოკითხულთა 91%-ს ყველაზე მეტად პატრიარქი, 52%-ს კახა კალაძე, ხოლო 48%-ის სალომე ზურაბიშვილი მოსწონს

IRI-ის კვლევის მიხედვით, გამოკითხულთა 91%-ს ყველაზე მეტად პატრიარქი, 52%-ს კახა კალაძე, ხოლო 48%-ის სალომე ზურაბიშვილი მოსწონს
access_time2023-04-25 13:30:40
„საერთაშორისო რესპუბლიკური ინსტიტუტის (IRI)“ ახალი კვლევის თანახმად, გამოკითხულთა 91%-ს ყველაზე მეტად საქართველოს პატრიარქი ილია მეორე მოსწონს.   ამავე კვლევის თანახმად, რეიტინგში მეორე ადგილს თბილისის მერი კახა კალაძე იკავებს, რომელიც გამოკითხულთა 52%-ს მოსწონს, 48%-ით მესამე ადგილზეა საქართველოს პრეზიდენტი, სალომე ზურაბიშვილი, რომელსაც მოსდევს პრემიერ-მინისტრი ირაკლი ღარიბაშვილი 43%-ით.   ცნობისთვის, IRI-ის კვლევა 2023 წლის 4-23 მარტის პერიოდში...

უკრაინამ სუდანიდან 138 ადამიანის ევაკუაცია წარმატებით განახორციელა, მათ შორის არიან საქართველოს მოქალაქეებიც

უკრაინამ სუდანიდან 138 ადამიანის ევაკუაცია წარმატებით განახორციელა, მათ შორის არიან საქართველოს მოქალაქეებიც
access_time2023-04-25 12:50:16
უკრაინამ წარმატებით ჩაატარა სამაშველო ოპერაცია სუდანის ტერიტორიიდან მოქალაქეების ევაკუაციის მიზნით. სულ გამოიყვანეს 138 ადამიანი, მათ შორის უცხოელები. ამის შესახებ უკრაინული მედია თავდაცვის სამინისტროს მთავარი სადაზვერვო სამმართველოს პრესსამსახურზე დაყრდნობით იუწყება. აღნიშნულია, რომ ოპერაცია უკრაინის პრეზიდენტის აპარატთან და საგარეო საქმეთა სამინისტროსთან კოორდინაციით დაზვერვის მთავარმა დირექტორატმა განახორციელა. „წარმატებული...

რომელ პარტიას არ მისცემდით ხმას: 39% „ნაციონალურ მოძრაობას“, 34 % კი „ქართულ ოცნებას“ ასახელებს“ - IRI

რომელ პარტიას არ მისცემდით ხმას: 39% „ნაციონალურ მოძრაობას“, 34 % კი „ქართულ ოცნებას“ ასახელებს“ - IRI
access_time2023-04-25 13:15:07
IRI-ს კვლევის მიხედვით, გამოკითხულთა 39 პროცენტი აცხადებს, რომ ნებისმიერ გარემოებაში ხმას არ მისცემდა „ერთიან ნაციონალურ მოძრაობას“.   კითხვაზე რომელ პარტიას არ მისცემდით ხმას, ნებისმიერ გარემოებაში, შედეგები შემდეგნაირად გადანაწილდა, „ერთიანი ნაციონალური მოძრაობა – 39%; „ქართული ოცნება“ – 34%; „კონსერვატიული მოძრაობა – ალტ-ინფო“ -16%; „გირჩი მეტი თავისუფლება – ზურაბ გირჩი ჯაფარიძე“ – 13%; „პატრიოტთა ალიანსი, დავით თარხან-მოურავი და ირმა ინაშვილი“ – 13%; „გირჩი“ -13%;...

მიხეილ ლომთაძის Kaspi.kz-მა აშშ-ში ფასიანი ქაღალდების განთავსებისთვის მზადება დაიწყო

მიხეილ ლომთაძის Kaspi.kz-მა აშშ-ში ფასიანი ქაღალდების განთავსებისთვის მზადება დაიწყო
access_time2023-04-25 12:30:09
მიხეილ ლომთაძის Kaspi.kz-მა შეერთებულ შტატებში შესვლისთვის მზადება დაიწყო. ამის შესახებ ნათქვამია კომპანიის 2023 წლის პირველი კვარტლის ანგარიშში, რომელიც გამოქვეყნდა ორშაბათს, 24 აპრილს. ანგარიშის მიხედვით, ყაზახური ფინტექი მომზადების „ადრეულ ეტაპზეა“, „რადგან ნებისმიერი ტრანზაქცია, რა თქმა უნდა, ბაზრის პირობებზეა დამოკიდებული. ჩვენ ვხედავთ ბევრ პოტენციურ სარგებელს აშშ-ს სიაში, მათ შორისაა გაფართოება, უფრო მრავალფეროვანი აქციონერთა ბაზა და გაზრდილი სავაჭრო ლიკვიდობა“, -...


მსგავსი სიახლეები

up