“საქართველოს მთავრობა
დღეს პრემიერის პრესსპიკერმა კიდევ ერთხელ გამოხატა „მზრუნველობა“ და კვირის ბოლომდე დაანონსებული საავტომობილო შეზღუდვა მომდევნო კვირის დასაწყისამდე გაგვიხანგრძლივა. თუმცა, სამწუხაროდ, ისევ ვერ მოვისმინეთ, თუ რას ემსახურება კონკრეტულად ეს შეზღუდვა, გარდა ჩვენი მოქალაქეების ცხოვრების გართულებისა. თუმცა, ეს სხვა თემაა და ახლა ამაზე დროს არ წაგართმევთ.
პრემიერის პრეს-სპიკერმა დღეს გვაცნობა, იმ სფეროთა ჩამონათვალი, ვისაც სამსახურეობრივი მდგომარეობის გათვალისწინებით, გადაადგილება არ ეზღუდება.
ამ ჩამონათვალში ასევე მოხვდა მედიაც და თანაც, ამ ჩვენზე მზრუნველმა ბატონმა აგვიხსნა, თუ რაოდენ მნიშვნელოვანია, ასეთ დროს მედიის შეუფერხებელი ფუნქციონირება.
საქმე ის გახლავთ, რომ მაგალითად, მე პირადად, ორ სხვადასხვა მედიასაშუალებაში ვმუშაობ და სამსახურში მისვლა მაინც ფეხით მიწევს. თუმცა, ესეც მეორეხარისხოვანია. მთავარი ის არის, რომ ზემოთხსენებული შეზღუდვებიდან გამომდინარე, რიგი მედიასაშუალებები საერთოდ ვერ აგრძელებენ მუშაობას, არამცთუ შუფერხებლად, როგორც ეს ბატონმა ჩიქოვანმა განაცხადა.
ბატონო გიორგი გახარია ! გახარია • Gakharia ბატონმა ირაკლი ჩიქოვანმა, (ვერ ვნიშნავ) თქვენმა პრეს-სპიკერმა, ბრძანა, რომ მედია აგრძელებს საქმიანობას. გაზეთი „ბანკები და ფინანსები“ და ვებგვერდი bfm.ge ვერ აგრძელებს მუშაობას. ონლაინ რეჟიმი ამას ვერ უზრუნველყოფს. ფუნქციონირებისთვის საჭიროა მინიმუმ 4 თანამშრომლისა და ორი ავტომანქანის საშვი, რომ არ გავჩერდეთ. მივმართეთ ვისაც ჯერ-არს და მივიღეთ კატეგორიული უარი.
რატომ?
მედია საშუალებები დახარისხებულია?!
ვინ დაახარისხა ?! რა პრინციპით ?
თუ „მთავარ არხს“, „ფორმულას“ ან „პრესა.გე“-ს გააჩერებთ, მათ ამერიკის საელჩო დაიცავს და შესაბამისად, ამას ვერ იზამთ.
ჩვენ ვინ დაგვიცავს? არც გვჭირდება!
ჩვენ თქვენ უნდა მოგვცეთ მუშაობის გაგრძელების საშუალება. სხვას არფერს ვითხოვთ!
ეს მედიასაშუალებები – გაზეთი „ბანკები და ფინანსები“ და bfm.ge რადგან ობიექტურები და ობიექტურად კრიტიკულები ვართ და არ ვართ ოპოზიციურები, ჩვენი გაჩერება შეიძლება?..
არ არის ეს სწორი და სამართლიანი.
გთხოვთ, სასწრაფოდ გამოასწოროთ ეს მიუღებელი რეალობა.
პ.ს. პირადად ჩემთვის ეს არაფერია, თუ არა შერჩევითობა და მედიის შეზღუდვა. ასე არ შეიძლება ბატონებო, არა!”, – წერს ანალიტიკოსი და ტელეწამყვანი პაატა ბაირახტარი.
ბანკები და ფინანსები