პაატა ცაგარეიშვილი: „საქართველოს ნავსადგურებში, საბორნე გემების დამუშავებაზე მაღალი ტარიფებია“

პაატა ცაგარეიშვილი: „საქართველოს ნავსადგურებში, საბორნე გემების დამუშავებაზე მაღალი ტარიფებია“

access_time2019-10-04 17:00:48

რუსეთ - უკრაინის დაპირისპირების შედეგად, რუსეთის გვერდის ავლით, უკრაინიდან   საქართველოზე გამავალი სატრანსპორტო დერეფნით   ექსპორტს ცენტრალური აზიის ქვეყნებში ასევე უკუმიმართულებით იმპორტს უკრაინაში მნიშვნელოვანი პერსპექტივები გაუჩნდა. პირველ რიგში განიხილება შავ ზღვაზე საბორნე გემების გამოყენებით საქართველოს ნავსადგურებების და რკინიგზის ინფრასტრუქტურის გამტარუნარიანობის მაღალი დატვირთვით გამოყენება. საბორნე გადაზიდვების პრობლემებთან დაკავშირებით, „კომერსანტს“ საკუთარ მოსაზრებას უზიარებს HUB Georgia- ს ექსპერტი - პაატა ცაგარეიშვილი.


 

 მისი განმარტებით, სურათის სრულად წარმოსადგენად უნდა აღინიშნოს, რომ სადღეისოდ ბალტიის  ზღვის აუზის არეალში ფუნქიონირებს საავტომობილო, სარკინიგზო და საკრუიზო ბორნების -  54  რეგულარული მარშრუტი. შედარებისათვის შავი ზღვის აუზის ქვეყნებში ასეთი რეგულარული მარშრუტების რაოდენობა მხოლოდ 11 ია. ბალტიისა და შავი ზღვის აუზის რეგიონის ქვეყნების ეკონომიკური პოტენციალის  მნიშვნელოვანი დისბალანსის  მიუხედავად,  შავი ზღვის აუზის ქვეყნები, საბორნე გადაზიდვების პოტენციალურ შესაძლებლობებს დაბალი  დატვირთვით იყენებენ, მაგალითისათვის, უკრაინის საბორნე კომპლექსის - ჩერნომორსკის  ტვირთების გატარების შესაძლებლობა, საიდანც ხორციელდება საქართველოს ნავსადგურებისკენ გადაზიდვები, წელიწადში  4.5 მლნ ტონას შეადგენს, მისი გამტარუნარიანობა კი მხოლოდ 20% -ით არის ათვისებული.


 

მიზეზებს შორის, შავი ზღვის ქვეყნებში და, პირველ რიგში  საქართველოს ნავსადგურებში, საბორნე გემების დამუშავების  ხანგრძლივობა და მაღალი ტარიფებია, შედარებისათვის, საქართველოს ნავსადგურებში ბორნის დამუშავებას 15 საათი ესაჭიროება, როცა ანალოგიური პროცედურის ჩატარებას ბალტიის ზღვაზე 5 საათი სჭირდება. საბორნე გემის ბუნკირებისას (საწვავის შევსება) მოცდენის საშუალო ხანგრძლივობა წელიწადში  შავ ზღვაზე, საშუალოდ  9 -10  დღე - ღამეა, მარტივი განმარტებით 10 დაკარგული რეისი წელიწადში, ბალტიის ზღვაზე კი ეს პარამეტრი  პრაქტიკულად ნულია.


 როგორც ცაგარეიშვილი აცხადებს, საბორნე გადაზიდვების ეფექტიანობას, განსაზღვრავს ნავსადგურის მოსაკრებლის ჯამური ოდენობა, რომელიც შავი ზღვის აუზის ქვეყნებში  5 ჯერ აღემატება ბალტიის ნავსადგურის ანალოგიურ ტარიფებს. აქ გამოსაყოფია, შავ ზღვაზე  საქართველოს ნავსადგურებში მომსახურების ყველაზე მაღალი ტარიფები.


 

      შავი ზღვის აუზში სანავსადგურე მოსაკრებელების მაღალი ტარიფების ოდენობა აისახება  ვაგონების და ავტომობილების ბორნით გადაზიდვების გაზრდილ  ღირებულებაზე. უკრაინიდან საქართველოს ნავსადგურებში   ვაგონის ღირებულება უკან ცარიელის დაბრუნებით 3450 აშშ დოლარს შეადგენს, ავტომობილით -1600 აშშ დოლარს.


      ბუნებრივია, ისმის ლოგიკური კითხვა, რამ განაპირობა ბალტიის ზღვის აუზის ნავსადგურებში, 5 ჯერ  დაბალი საბორნე  ტარიფები?  რა თქმა უნდა ტარიფების უთანაბრობას გააჩნია თავისი ახსნა, კერძოდ, რუსეთის ნავსადგურების გამოკლებით ბალტიის ზღვის ნავსადგურებში, მოქმედებს ტარიფების ფასდაკლების პროგრესული სიტემა, რომელიც დამოკიდებულია საბორნე გემის ნავსადგურში გემთშემოსვლების რაოდენობაზე და მოზიდული ტვირთნაკადების მოცულობაზე.


         სანავსადგურე ტარიფების ანალოგიური მოდელის დანერგვა უკრაინა - საქართველოს საბორნე მარშრუტზე პირველ რიგში ხელს შეუწყობს საქართველოზე გამავალი დერეფნით დამატებითი ტვირთების მოზიდვას.


„კომერსანტი“




საცხობების ქსელი ანტრე ლონდონში გაიხსნება

საცხობების ქსელი ანტრე ლონდონში გაიხსნება
access_time2020-02-22 19:10:48
საცხობების ქსელი ანტრე ლონდონში გაიხსნება. ქსელის პირველი კაფე ნოთინგ ჰილ გეითის # 138 ში სტუმრებს 2020 წლის ზაფხულიდან უმასპინძლებს. “ანტრე ლონდონი” კომპანიის საერთაშორისო ექსპანისიის ნაწილია, რომელიც თბილისის და ბაქოს შემდეგ მესამე ქალაქს წარმოადგენს.ანტრე თანამედროვე, ჯანსაღი ცხოვრების მოყვარულთა არჩევანია, რომელმაც რეპუტაცია უმაღლესი ხარისხის ხელნაკეთი პროდუქტების წარმოებით მოიპოვა.“ანტრე ლინდონი” ბრიტანულ ბაზარზე საინტერესო სინთეზით...

„დემნა გვასალიამ თავისი საბჭოური ნოსტალგიით გადაუარა მოდის სფეროს და ჩვენც იგივე შეგვიძლია გავაკეთოთ კულინარიით“

„დემნა გვასალიამ თავისი საბჭოური ნოსტალგიით გადაუარა მოდის სფეროს და ჩვენც იგივე შეგვიძლია გავაკეთოთ კულინარიით“
access_time2020-02-22 18:00:21
თუ გაქვთ სურვილი და, იმავდროულად, თანხაც, თბილისში ახალი ადგილი შექმნათ, სადაც ადამიანები სიამოვნებით ივლიან და გემრიელ კერძებს დააგემოვნებენ, ეს სულაც არ ნიშნავს იმას, რომ ოცნების რეალობად ქცევისთვის ყველა საჭირო ბერკეტს...

ელექტრო სიგარეტების მწარმოებლებს ახალი რეგულაციების დაცვა მოუწევთ

ელექტრო სიგარეტების მწარმოებლებს   ახალი რეგულაციების დაცვა მოუწევთ
access_time2020-02-22 17:00:16
 მშვიდობით, არომატიზირატორებო ტკბილი ბამბის, ხილის ნარევების და კრემ-ბრიულეს გემოთი. ახლო მომავალში, ყველა ეს არომატი, რომელიც ახალისებს ელექტრო სიგარეტების - ვეიპების -  მოხმარებას შტატებში, გავა მოდიდან, ხოლო მწარმოებელ-კომპანიებს  ახალი რეგულაციების დაცვა მოუწევთ.აშშ-ის კვების პროდუქტების და წამლების ხარისხის სანიტარული ზედამხედველობის სამსახურის ბრძანებით, ვეიპების სითხეს უნდა ჰქონდეს  კლასიკური თამბაქოს და მენთოლის გემო, სხვა  ყველაფერი დანარჩენი...

„ხან ერთი ტრანსფორმატორი ფეთქდება, ხან - მეორე“ - მაინინგის გამო ჩაბნელებული სვანეთი

„ხან ერთი ტრანსფორმატორი ფეთქდება, ხან - მეორე“ - მაინინგის გამო ჩაბნელებული სვანეთი
access_time2020-02-22 16:00:15
სვანეთში კრიპტოვალუტის მაინინგის გამო მოსახლეობას ელექტროენერგია შეზღუდვით მიეწოდება. ადგილობრივები პრობლემის მოგვარებას ითხოვენ, თუმცა გამრიცხველიანების წინააღმდეგნი არიან. „ენერგო-პრო ჯორჯიამ“ აღმოაჩინა, რომ შარშან სვანეთში ელექტროენერგიის მოხმარებამ მოულოდნელად მკვეთრად იმატა. კომპანიის ანალიზით, გასული წლის დეკემბერში მესტიის რაიონმა იმდენივე ელექტროენერგია მოიხმარა, რამდენიც ერთად აღებულმა 19 რაიონმა. კომპანიაში განაცხადეს, რომ დენის მოხმარების...

„სქაი ბარი“ პეკინის 3 - სახიფათო ზონა ტურისტებისთვის

„სქაი ბარი“ პეკინის 3 - სახიფათო ზონა ტურისტებისთვის
access_time2020-02-22 14:10:33
ეთნო რალის დამფუძნებელი ალექსანდრე გიორგაძე სოციალურ ქსელში წერს, რომ პეკინის 3 ნომერში განთავსებულ ბარ “სქაიში” მასთან სტუმრად მყოფ ტურისტებს 2 ლუდში 3100 ლარი გადაახდევინეს. „კიდევ ერთი თაღლითური შემთხვევა. 2 ლუდში გადაახდევინეს 3100 ლარი. ამჯერად ჩემს სტუმრებს შეემთხვათ. მესამედ არიან უკვე ჩემთან. ვმეგობრობთ, სიგიჟემდე უყვართ საქართველო. სქემა მარტივი. შევიდნენ ლუდისთვის, მიუჯდა 2 გოგო, სთხოვეს დალევა. ამათ უარი უთხრეს. ცოტა ხანში მოდის შამპანური. ეს გოგონები 5 წუთში...


მსგავსი სიახლეები

up