P delivery - პანდემიის დროს ამოქმედებული მიტანის ახალი სერვისია, რომელსაც მსჯავრდებულებისთვის საჭირო ნივთები და საკვები პენიტეციურ დაწესებულებაში მიაქვს. P delivery სამი მიმართულებით მუშაობს — ესენის, ქსნის, რუსთავის და გლდანის კოლონიები.
კომერსანტი დეტალებისთვის პროექტის ხელმძღვანელს ნათია მგალობლიშვილს დაუკავშირდა, მისი განმარტებით სტარტაპის იდეა მის შვილს ეკუთვნის და პანდემიის დროს, ვირუსის გავრცელების პრევენციისთვისაც ძალიან მოსახერხებელია.
ეს იდეა ჩემს შვილს გაუჩნდა, რომელსაც მამა პატიმარი ჰყავდა და ნივთების შესაგზავნად პენიტეციურ სისტემაში ვიზიტი თითქმის ყოველ კვირას უწევდა. ერთ-ერთი ასეთი ვიზიტიდან დაბრუნებულმა უკვე ჩამოყალიბებული და დალაგებული იდეა გამიზირა, ბევრი ვისაუბრეთ, თუ როგორ შეიძლებოდა ეს იდეა რეალობად გვექცია ისე, რომ გარკვეული საფრთხეებისთვის , უსიამოვნებითვის და რისკებისთვის თავი აგვერიდებინა. მოგეხსენებათ ალბთობა იმისა, რომ პენიტეციურ სისტემაში ვინმემ რამის შეგზავნა მოინდომოს არსებობს. ამ ყველაფერზე ერთად ვიფიქრეთ და დავიწყეთ P delivery, რომელიც უკვე პოპულარული გახდა და ბევრი ადამიანი გვიკავშირდება, ძირითადად ჩვენი სერვისის გაცნობის პროცესში არიან, თუმცა 4 დღეა ვმუშაობთ და უკვე სამი შეკვეთა გავაგზავნეთ,- აღნიშნა ნათია მგალობლიშვილმა.
პენიტეციურ სისტემაში მხოლოდ გარკვეული ნივთების შეგზავნა არის დაშვებული, იქნება ეს თეთრეული, სპორტული ტანსაცმელი, პირადი მოხმარების ნივთები, არაფერადი სასმელი , პროდუქტი, ხილი და სხვა. ეს ყველაფერი P delivery-ს წინასწარ მომზადებული და დასაწყობებული აქვს. შეკვეთის შემდეგ კი სპეციალურად ილუქება და კურიერს მსჯავრდებულამდე მიაქვს, ნათია მგალობლიშვილის განმარტებით P delivery მომხმარებელს პროდუქტს ბაზარზე არსებულ ფასად სთავაზობს, ხოლო ადგილზე მიტანის საფასური 15 ლარია.
ჩვენი სერვისი ძალიან კომფორტული მგონია, რადგან პენიტეციურ სისტემასთან ყოველთვის ძალიან დიდი რიგები დგას, ფაქტობრივად ადამიანს ნივთის შესაგზავნად მთელი დღე ეკარგება.
პანდემიის დროს კი, რიგების შემცირება კარგი იქნება, მხოლოდ ერთი კურიერი მიიტანს რამდენიმე ამანათს და ვირუსის გადადების რისკიც ნაკლები იქნება - აღნიშნა ნათია მგალობლიშვილმა
P delivery ამ ეტაპზე აპლიკაციაზე მუშაობს, რომლის მეშვეობითც მსჯავრებულის ოჯახის წევრები და ახლობლები შეძლებენ უფრო მარტივად შეუკვეთონ და გაგზავნონ სასურველი ნივთი, მანამდე კი შეკვეთა ტელეფონით არის შესაძლებელი.
ნათია მგალობლიშვილმა აღნიშნა, რომ სტარტაპი მან და მისმა შვილმა საკუთარი სახსრებით დაიწყეს, რაც საწყის ეტაპზე საკმარისი აღმოჩნდა.
გვყავს მანქანა კომბო, რომელშიც საკმოდ ბევრი ამანათი თავსდება, თუ საჭირო იქნება მეორე მანქანასაც დავამატებთ, რაგან ერთი ქსანის, მეორე რუსთავის მიმართულებით წავიდეს.
ჩვენი მიზანია, რომ ამანათს, რომელსაც დღეს შეგვიკვეთავენ ხვალ მსჯავრდებულს ჩაბარდეს, - აღნიშნა ნათია მგალობლიშვილმა
კომპანია ჟვანიას ორ ნომერში მდებარეობს, თუმცა ოფისი ყიფშიძის ქუჩაზე ექნებათ, საიდანაც ნივთების გატანა მოხდება, P delivery -ში ამ ეტაპზე მხოლოდ 4 ადამიანია დასაქმებული.
რაც შეეხება სამომავლო გეგმებს, ნათია მგალობლიშვილი აღნიშნავს, რომ მომავალში სურს ნივთების სახლიდან მსჯავრდებულამდე მიტანის სერვისიც დაამატონ.
'სამომავლოდ, გვსურს, რომ ახალი სერვისი დავამატოთ, ოჯახის წევრი რომელსაც ენდომება, რომ არა ნაყიდი არამედ მისი ან მსჯავრდებულის პირადი ნივთი გააგზავნოს, შესაძლებლობა ექნება, რომ ჩვენი კურიერი გამოიძახოს , ნივთები ადგილზე შემოწმდება, გამგზავნის თვალწინ დაილუქება და შემდეგ წაიღებენ პენიტეციურ სისტემაში, - აღნიშნა ნათია მგალობლიშვილმა
თაკო კვაჭანტირაძე