ოთარ ნადარაია - სავარაუდოდ ინფლაციის მაჩვენებელი წლის ბოლოსთვის ორ პროცენტამდე ჩამოვა

ოთარ ნადარაია - სავარაუდოდ ინფლაციის მაჩვენებელი წლის ბოლოსთვის ორ პროცენტამდე ჩამოვა

access_time2020-02-06 08:50:18

ინფლაციის მაჩვენებელი წლის ბოლოსთვის შესაძლოა მიზნობრივ სამ პროცენტზე დაბლა დაეშვას და ორი პროცენტი შეადგინოს, – ამის შესახებ „თიბისი ბანკის“ მთავარმა ეკონომისტმა, ოთარ ნადარაიამ საქართველოს პირველი არხის გადაცემა „ბიზნესპარტნიორში“ განაცხადა.



გადაცემაში ქვეყნის მაკროეკონომიკური გარემო და შესაძლო საგარეო შოკები, მათ შორის კორონავირუსის ეფექტი განიხილეს, რაც მაკროეკონომიკურ ფაქტორებს გარკვეულ რისკებს უქმნის.



დისკუსიის დროს ნადარაიამ აღნიშნა, რომ საერთაშორისო საფინანსო ინსიტუტებისა და ექსპერტების პროგნოზების მიხედვით, კორონავირუსის ფაქტორის გამო, გლობალური ეკონომიკის დონეზე განსაკუთრებულ ნეგატიურ გავლენა მოსალოდნელი არ არის.



„იმ პროგნოზით რაც დღეს ბაზრებზე არის, ვფიქრობთ რომ ეფექტი დიდი არ იქნება“, – განაცხადა ნადარაიამ.




„თიბისი ბანკის“ მთავარი ეკონომისტის განმარტებით, გასულ წელს ბიზნესსესხების მოცულობა რეკორდულად გაიზარდა და ფიზიკური პირების სესხებს გადააჭარბა, თუმცა ბიზნესის ვალის ტვირთი საგანგაშო ნიშნულზე არ დგას და წელს სავარაუდოდ მისი მოცულობა დაიკლებს.



„2019 წელს ბიზნესსესხები ჭარბობდა. კორპორატიულმა დაკრედიტებამ ყველა რეკორდი მოხსნა. მართალია, ვალის ტვირთის ზრდა ბიზნესსექტორში შეინიშნება, თუმცა ჩვენი აზრით, მართვადია და სახიფათო დონეზე არ დგას, მაგრამ საყურადღებო ტენდენციაა, რომ არ გაიზარდოს. 2020-ში ჩვენი აზრით ბიზნესდაკრედიტება ნორმალურ დონეზე დადგება, წელს უფრო შემცირდება“, – განაცხადა ნადარაიამ.



რაც შეეხება ინფლაციურ წნეხს, რომელიც გასულ წელს მკვეთრად გაიზარდა, ნადარაიას მოსაზრებით, წელს ინფლაცია დაიკლებს და წლის ბოლოს შესაძლოა მიზნობრივ მაჩვენებელზე დაბლაც ჩავიდეს.



„ინფლაცია პრობლემაა და ეს ყველამ ვიცით, თუმცა ცალსახაა, რომ ინფლაციის ზრდის მაჩვენებელი შენელდა და უკვე შემცირება დაიწყო. თვე-თვეზე თუ შევხედავთ, გასული წლის დეკემბერშიც დაბალი იყო, ასევე მიმდინარე წლის იანვარში. შეგვიძლია ვთქვათ, რომ ინფლაციამ შემცირება დაიწყო. თუმცა აღსანიშნავია, რომ ფასების ზრდის ტემპმა დაიწყო შემცირება და არა თავად ფასებმა დაიწყო საშუალოდ კლება. ამ დინამიკასთან ერთად მნიშვნელოვანია, რომ სასაქონლო პროდუქტებზე ნავთობსა და სხვა პროდუქტებზე საერთაშორისო დონეზე ფასები შემცირდა. ფასების ეს კლებაც დაღმავალი მიმართულებით მოახდენს გავლენას. წელს ველოდებით მიზნობრივზე უფრო დაბალ ინფლაციას წლიურ გამოხატულებაში. დეკემბერში სავარაუდოდ, ორი პროცენტი ან ცოტა ნაკლებიც იქნება“, – განაცხადა ნადარაიამ.



1tv.ge




თეგები:
ინფლაცია



12:20 საათის მონაცემებით, Bloomberg-ზე ერთი დოლარი 3.3600 ლარად ივაჭრება, ბანკებში კი 1 დოლარი 3.3710 ლარი ღირს

12:20 საათის მონაცემებით, Bloomberg-ზე ერთი დოლარი 3.3600 ლარად ივაჭრება, ბანკებში კი 1 დოლარი 3.3710 ლარი ღირს
access_time2020-09-25 12:40:15
Bloomberg-ის სავაჭრო პლატფორმაზე 12:20 საათისთვის ერთი დოლარი 3.3600 ლარად ივაჭრება. პლატფორმაზე ვაჭრობა დღეს 3.3175 კურსით დაიწყო. საქართველოს ეროვნული ბანკის მიერ გუშინ დადგენილი კურსით, ერთი აშშ დოლარის ოფიციალური ღირებულება 3.2897 ლარია. შედარებით განსხვავებულია კომერციულ ბანკებში არსებული კურსი. „თიბისი ბანკში“ 1 აშშ დოლარის ყიდვა 3.3700 ლარადაა შესაძლებელი, ხოლო მისი გაყიდვა - 3.2700 ლარად. „საქართველოს ბანკში“ 1 დოლარის ყიდვა 3.3710 ლარადაა...

წინანდლის კლასიკური მუსიკის რიგით მეორე ფესტივალი დასრულდა

წინანდლის კლასიკური მუსიკის რიგით მეორე ფესტივალი დასრულდა
access_time2020-09-25 09:55:39
წინანდლის მამულში 4 დღის განმავლობაში კლასიკური მუსიკის საერთაშორისო ფესტვივალი ჩატარდა.  2020 წელს შექმნილი...

ჯანდაცვა ბიზნესია და ეს სისტემა უნდა დაიგეგმოს - ინტერვიუ დავით სერგეენკოსთან ჯანდაცვის პოლიტიკაზე

ჯანდაცვა ბიზნესია და ეს სისტემა უნდა დაიგეგმოს - ინტერვიუ დავით სერგეენკოსთან ჯანდაცვის პოლიტიკაზე
access_time2020-09-25 12:00:07
ჯანდაცვის ყოფილი მინისტრი დავით სერგეენკო „ქართული ოცნების“ ხელისუფლებაში მოსვლიდან 7 წლის განმავლობაში მინისტრის თანამდებობას იკავებდა, დღეს კი დავით სერგეენკო „ქართულმა ოცნებამ“ საბურთალოს მაჟორიტარობის კანდიდატად წარადგინა. „კომერსანტთან“ ექსკლუზიურ ინტერვიუში ჯანდაცვის ყოფილი მინისტრი ჯანდაცვის პოლიტიკაზე, გატარებულ რეფორმებზე, 520-ე დადგენილებაზე, საყოველთაო დაზღვევაზე ისაუბრა.   -როგორ შეაფასებთ განვლილ...

„ვისოლი“ Smart Pay ფორმატის ავტოგასამართი სადგურების ქსელს ავითარებს

„ვისოლი“ Smart Pay ფორმატის ავტოგასამართი სადგურების ქსელს ავითარებს
access_time2020-09-25 09:55:07
„ვისოლმა“ რუსთავში, შარტავას ქ. #4-ში Smart Pay ფორმატის ავტოგასამართ სადგურ “სმარტის” სუპერმარკეტთან ერთად გახსნა და ქალაქში მომხმარებელს მგზავრობის და საწვავის ღირებულების გადახდის ახალ ფორმა შესთავაზა. რუსთავის კომპლექსი, უკვე მეოთხე ობიექტია საგურამოში, ქუთაისსა და ოქროყანაში გახსნილი „ვისოლის“ მომსახურების ცენტრების შედგომ, სადაც მომხმარებელი საწვავის შეკვეთასა და მისი ღირებულების გადახდას „სმარტში“ სასურველი პროდუქტების შეძენასთან ერთად ახერხებს ორმაგი დატვირთვის გარეშე. Smart Pay...

24 სექტემბერი - რეგიონის ვალუტებს შორის ქართული ლარი რეკორდული სისწრაფით უფასურდება

24 სექტემბერი - რეგიონის ვალუტებს შორის ქართული ლარი რეკორდული სისწრაფით უფასურდება
access_time2020-09-24 18:10:43
კორონავირუსის უარყოფითი ეფექტი რეგიონში ყველაზე მკვეთრად ქართული ლარის კურსზე აისახა, მარტის თვეში, ლარი რეკორდულად 22%-ით გაუფასურდა. წლის განმავლობაში, ქართული ლარი აშშ დოლართან მიმართებაში - 12%-ით გაუფასურდა. შედარებისთვის, დაახლოებით 16%-ით არის შემცირებული თურქული ლირა, სომხური დრამი და აზერბაიჯანული მანათი კი 2%-ის ქვემოთ მერყეობს. გუშინ გამართულ საქართველოს ეროვნული ბანკის სავალუტო აუქციონზე სებ-მა 40 000 000 აშშ დოლარი გაყიდა, თუმცა მიუხედავად ამისა 24...


მსგავსი სიახლეები

up