ოთარ კახიძე - ივანიშვილი გადასულია პოლიტიკურ რეპრესიებზე და  მედიასივრცის მონოპოლიზებას ცდილობს

ოთარ კახიძე - ივანიშვილი გადასულია პოლიტიკურ რეპრესიებზე და მედიასივრცის მონოპოლიზებას ცდილობს

access_time2019-08-22 12:55:18

ეს საქმე კიდევ ერთხელ ცხადყოფს, რომ ივანიშვილი გადასულია სრულფასოვან პოლიტიკურ რეპრესიებზე და ცდილობს მედიასივრცის მონოპოლიზებას, - ამის შესახებ „ინტერპრესნიუსს“ „ევროპული საქართველოს“ წევრმა ოთარ კახიძემ განუცხადა, რითაც გამოეხმაურა ბიზნესმენ ავთანდილ წერეთლისთვის ბრალის წარდგენას.


კახიძის შეფასებით, ბიძინა ივანიშვილი პოლიტიკურად გაკოტრებულია და ამ ნაბიჯებით ცდილობს, 2020 წლის არჩევნებზე გარდაუვალი მარცხი თავიდან აიცილოს. კახიძის განცხადებით, ბიძინა ივანიშვილის ეს მცდელობები მაინც განწირულია.


„ეს საქმე კიდევ ერთხელ ცხადყოფს, რომ ივანიშვილი გადასულია სრულფასოვან პოლიტიკურ რეპრესიებზე და ცდილობს მედიასივრცის მონოპოლიზებას. ის პოლიტიკურად გაკოტრებულია, განსაკუთრებით გავრილოვის ღამის შემდეგ და ცდილობს 2020 წლის საპარლამენტო არჩევნებზე გარდაუვალი მარცხი მსგავსი ნაბიჯებით თავიდან აიცილოს. თუმცა ეს მცდელობები განწირულია, ვინაიდან საზოგადოება ძალიან კარგად ხედავს ყველაფერს. შესაბამისად, ამ ნაბიჯებით ის ვერც „ტვ პირველის“ გაჩუმებას შეძლებს და ვერც საზოგადოებრივი აზრის ცვლილებას მის სასარგებლოდ. 2020 წელს ძალიან მწარედ დამარცხდება, ვინაიდან ასეთ რეპრესიებზე მას ამომრჩეველი აუცილებლად მოსთხოვს პასუხს,“ - განაცხადა ოთარ კახიძემ.


მისივე შეფასებით, საქმე, რომლის მიხედვითაც პროკურატურა მამუკა ხაზარაძესა და ბადრი ჯაფარიძეს უკანონო შემოსავლის ლეგალიზაციის შედეგად დიდი ოდენობით შემოსავლის მიღებას ედავება, ავთანდილ წერეთელს კი ამ საქმეში დახმარებას და ასევე, დიდი ოდენობით შემოსავლის მიღებას, თეთრი ძაფით არის ნაკერი.


კახიძე დარწმუნებულია, რომ ამ ბრალდების დამკვეთი ბიძინა ივანიშვილია, პროკურორები კი - დაკვეთის შემსრულებლები. მისივე თქმით, „დაკვეთის შემსრულებლები თავის დროზე მართლმსაჯულების წინაშე წარსდგებიან.



„ამ საქმის იურიდიულ დეტალებში შესვლა არაფრის მომცემია, რადგან სრულიად უშინაარსო საქმეა. თუ ადამიანი საკუთარი ბანკიდან ფულს გამოიტანს, ეს ფულის გათეთრებად ვერ ჩაითვლება. რაც შეეხება ამ საქმის დაზარალებულს, ამ ბანკის მთავარი აქციონერები სწორედ ხაზარაძე და ჯაფარიძე იყვნენ. ამიტომ სრულიად აბსურდულია ეს ბრალდება მათ მიმართ. რაც შეეხება ავთანდილ წერეთელს, რაც ჩემთვის არის ცნობილი, მან ფული ისესხა „თიბისი ბანკისგან“ საკრედიტო ხაზის ფარგლებში და ამ ფულს შემდგომ თავად როგორ განკარგავდა, მხოლოდ და მხოლოდ მისი გადასაწყვეტი იყო. შესაბამისად, პროკურატურას იქ არაფერი ესაქმება. თუმცა ამ საქმის დეტალებში შესვლა სრულიად უაზრობაა, იმდენად აბსურდულია პროკურატურის მიერ ამოქექილი 11 წლის წინანდელი საქმე იმიტომ, რომ სხვა ვერაფერი ვერ ნახა ამ პირებთან სადავო.


ამ ბრალდების დამკვეთი ვინც არის გასაგებია, ივანიშვილის სახით, მაგრამ ამ დაკვეთის შემსრულებლებიც კი თავის დროზე მართლმსაჯულების წინაშე წარდგებიან იმიტომ, რომ არ შეიძლება საპროკურორო პრეროგატივის გამოყენება ასე პოლიტიკური მიზნებისა და კანონის საწინააღმდეგოდ,“ - განაცხადა ოთარ კახიძემ.


შეგახსენებთ, რომ გენერალურმა პროკურატურამ ბიზნესმენ ავთანდილ წერეთელს, თიბისი ბანკის დამფუძნებლების - მამუკა ხაზარაძისა და ბადრი ჯაფარიძის წინააღმდეგ აღძრული სისხლის სამართლის საქმის ფარგლებში, ბრალი წარუდგინა.


შესაბამისი განცხადება უწყებაში გამართულ ბრიფინგზე გაკეთდა.


პროკურატურის განმარტებით, საქმე ეხება „თიბისი ბანკის“ ხელმძღვანელების მიერ უკანონო შემოსავლების ლეგალიზებაში დახმარებას, რასაც თან ახლდა განსაკუთრებით დიდი ოდენობით შემოსავლის მიღება.


IPN





პარლამენტთან საპროტესტო აქცია განახლდა

პარლამენტთან საპროტესტო აქცია განახლდა
access_time2019-11-16 20:14:30
პარლამენტთან ოპოზიციური პარტიების, სამოქალაქო აქტივისტებისა და მოქალაქეების საპროტესტო აქცია...

„არავინ, არც ერთი სერიოზული ადამიანი აქ არ ჩადებს ფულს, მანამ სანამ ხელისუფლებაში გადამგდებები არიან“

„არავინ, არც ერთი სერიოზული ადამიანი აქ არ ჩადებს ფულს, მანამ სანამ ხელისუფლებაში გადამგდებები არიან“
access_time2019-11-16 15:00:31
„გირჩის“ დამფუძნებელი ზურაბ ჯაფარიძე სოციალურ ქსელში მიმდინარე მოვლენებთან დაკავშირებით ვრცელ პოსტს ავრცელებს. მისი აზრით, კანონპროექტის ჩაგდება, არამხოლოდ პოლიტიკურ არასტაბილურობას, არამედ ეკონომიკურ პრობლემებსაც გამოიწვევს, „კომერსანტი ჯაფარიძის პოსტს უცვლელად გთავაზობთ: „რა არის გასაკეთებელი (ბლოკებად დავყოფ რომ ლოგიკა გასაგები იყოს):   ა) გვყავს ფაქტობრივად არალეგიტიმური ხელისუფლება, რომელმაც გადააგდო ყველა, როგორც ქვეყნის შიგნით, ისე ქვეყნის...

ლევან კობერიძე ჯანდაცვის მინისტრის 520-ე დადგენილების სასწრაფოდ შეჩერებას ითხოვს

 ლევან კობერიძე ჯანდაცვის მინისტრის 520-ე დადგენილების სასწრაფოდ შეჩერებას ითხოვს
access_time2019-11-16 14:10:08
დამოუკიდებელი დეპუტატი ლევან კობერიძე ჯანდაცვის სამინისტროს მიერ დადგენილი ახალი ტარიფების საჯარო განხილვას ითხოვს, ის პარლამენტში ჯანდაცვის მინისტრსა და ექიმებს იბარებს. „ძალიან მნიშვნელოვანია, რომ მსგავსი დადგენილების გამოცემის წინ, მოხმდარიყო შეხვედრა, ან ახლა მაინც მოხდეს შეხვედრა ჯანდაცვის კომიტეტში, სადაც მსჯელობის საშუალება მიეცემათ კლინიკის ხელმძღვანელებს, დადგენილი ტარიფები რამდენად არის მისაღები“,-ამბობს კობერიძე.

მიწის რეფორმის ფარგლებში, საკარმიდამო მიწის ნაკვეთებზე საკუთრების უფლების რეგისტრაციის გამარტივება იგეგმება

მიწის რეფორმის ფარგლებში, საკარმიდამო მიწის ნაკვეთებზე საკუთრების უფლების რეგისტრაციის გამარტივება იგეგმება
access_time2019-11-16 13:27:55
მიწის რეფორმის ფარგლებში, საკარმიდამო მიწის ნაკვეთებზე საკუთრების უფლების რეგისტრაციის გამარტივება...

„ქართული ოცნების“ ცენტრალურ ოფისთან დაძაბულობა გრძელდება

„ქართული ოცნების“ ცენტრალურ ოფისთან დაძაბულობა გრძელდება
access_time2019-11-16 12:30:22
„ქართული ოცნების“ ცენტრალური ოფისის წინ დაპირისპირება გრძელდება. აქციაზე მყოფმა ერთ-ერთმა პირმა აქციის მონაწილეებს მოუწოდა „ქართული ოცნების“ ოფისის პიკეტირება მოეხდინათ, რის შემდეგაც დაპირისპირება...


მსგავსი სიახლეები

up