ოთარ ანგურიძე: „იმის ნაცვლად, რომ ზრდის ტემპი  20% მაინც გვქონოდა, როგორი გათვლაც გვქონდა, ამის ნაცვლად მივიღეთ ზრდის პრაქტიკულად გაჩერება“

ოთარ ანგურიძე: „იმის ნაცვლად, რომ ზრდის ტემპი 20% მაინც გვქონოდა, როგორი გათვლაც გვქონდა, ამის ნაცვლად მივიღეთ ზრდის პრაქტიკულად გაჩერება“

access_time2019-08-05 21:20:11

ეკონომიკის ექსპერტი ოთარ ანგურიძე სოციალურ ქსელ Facebook-ზე ტურიზმის დეპარტამენტის მიერ გამოქვეყნებული სტატისტიკა ეხმაურება. „კომერსანტი“ ტექსტს უცლელად გთავაზობთ:


„ტურიზმის დეპარტამენტის მიერ გამოქვეყნებული სტატისტიკა ცხადჰყოფს, რომ ოპოზიციის კიჟინი ტურიზმის რუსულ ბაზარზე მიბმის შესახებ მხოლოდ უპასუხისმგებლო და დესტრუქციული პოლიტიკური განცხადებები იყო.


სამწუხაროდ, დღეს გამოქვეყნებული სტატისტიკა აჩვენებს, რომ გვაქვს ზრდის ტემპის სრული შეჩერება და ტურისტული ვიზიტების ჯამური ზრდა მხოლოდ 1%_ს შეადგენს, რაც წინა თვეების ინერციის დამსახურებაა. 2019 წელს ჩვენ გვქონდა უპრეცედენტოდ მაღალი ზრდის ტემპი, რომლითაც ხასიათდებოდა ტურიზმის სექტორი.


იმის ნაცვლად, რომ ზრდის ტემპი გვქონოდა 20% მაინც, როგორი გათვლაც გვქონდა, რადგანაც ივლისიდან იწყებოდა პიკური სეზონი, ამის ნაცვლად მივიღეთ ზრდის პრაქტიკულად გაჩერება.


განსაკუთრებით ეს შესამჩნევია აჭარაში, სადაც ვიზუალურადაც მკაფიოდ ჩანს ტურისტის შემცირება. აჭარაში ივნისთან შედარებით ივლისში ექვსჯერ შემცირდა ტურისტების რაოდენობის ზრდის ტემპი, განსაკუთრებით რუსეთიდან.


ყურადსაღებია ივნისის მონაცემები, რადგანაც ამ თვის სტატისტიკა ყველაზე კარგად გვაჩვენებს ტურიზმის ზრდის დინამიკას სანქციებამდე. 2018 წელთან შედარებით 2019 წლის ივნისის მონაცემები აჭარაში გაზრდილია 40 პროცენტით. 140 ათასი ვიზიტორი ჩამოვიდა აჭარაში 2018 წლის ივნისში, ხოლო 2019 წლის ივნისში გვყავდა 195 ათასი ვიზიტორი (სარფი და ბათუმის აეროპორტი).


სეზონის პიკი იწყება ივლისიდან, როცა 2018 წელს აჭარაში გვყავდა 220 ათასი ვიზიტორი. 40 პროცენტიანი თეორიული ზრდის შემთხვევაში 2019 წლის ივლისში აჭარაში პირდაპირ ჩასული ტურისტების რაოდენობა 300 ათასს გადააჭარბებდა. ამის ნაცვლად კი 2019 წლის ივლისში მივიღეთ მხოლოდ 234 ათასი ტურისტი, რომელიც აჭარაში ჩავიდა. ცხადია, რომ ეს შემცირება ვიზუალურადაც შესამჩნევია და ფინანსურადაც.
მნიშვნელოვანია, რომ ტურისტული სექტორის შემცირება იწვევს შემოსავლების კლებას, რაც ყველაზე მწვავედ აისახება მოსახლეობაზე. დაკარგული შემოსავლები ქმნის ნეგატიურ მოლოდინს და ეს აისახება მათ შორის ლარის კურსზეც.


მნიშვნელოვანია, რომ სტატუს-კვო აღდგეს და მოიხსნას ის სანქციები და ნეგატიური ფონი, რაც აკარგინებს საქართველოს ტურისტებსა და შემოსავლებს“, წერს ოთარ ანგურიძე. 




„ელექტროენერგიის იმპორტის ჩანაცვლება ნებისმიერ ფასად არ გვაწყობს“-ფინანსთა მინისტრის იდეებს ენერგეტიკოსები არ ეთანხმებიან

„ელექტროენერგიის იმპორტის ჩანაცვლება ნებისმიერ ფასად არ გვაწყობს“-ფინანსთა მინისტრის იდეებს ენერგეტიკოსები არ ეთანხმებიან
access_time2020-02-21 12:29:41
„გარანტირებულ შესყიდვებზე ხელსაყრელი ელექტროენერგიის იმპორტია და ეს პრაქტიკა წარსულს უნდა ჩაბარდეს“- ფინანსთა მინისტრი ახალი ინიციატივით გამოვიდა, მაგრამ თუ რას შეცვლის იგი ელექტროსისტემაში ეს გაუკვეველია. მინისტრის პოზიცია ცალსახაა, იმპორტული ელექტროენერგიის ადგილობრივით ჩანაცვლება ნებისმიერ ფასად არ ღირს. 2019 წელს საქართველომ ელექტროენერგიის იმპორტზე...

პროგრამის „დანერგე მომავალი“ ფარგლებში 50 379 477 ლარი იქნა ათვისებული - გაამართლა თუ არა სახელმწიფო პროგრამამ?

პროგრამის „დანერგე მომავალი“ ფარგლებში 50 379 477 ლარი იქნა ათვისებული - გაამართლა თუ არა სახელმწიფო პროგრამამ?
access_time2020-02-21 10:45:38
 სოფლისა და სოფლის მეურნეობის განვითარების სააგენტო სახელმწიფო ბიუჯეტის დაფინანსებით 2015 წლიდან ახორციელებს პროექტს „დანერგე მომავალი“, რომლის მიზანიცაა  საქართველოში არსებული სასოფლო-სამეურნეო მიწების ეფექტურ გამოყენება მრავალწლოვანი კულტურების გაშენების გზით. საქართველოს მთავრობა აღნიშნული პროექტით ცდილობდა იმპორტირებული პროდუქცია ჩაენაცვლებინა და გაეზრდა საექსპორტო პოტენციალი, რის შემდეგაც სოფლად მოსახლეობის სოციალურ-ეკონომიკური მდგომარეობა...

2024 წლიდან ახალ შენობებს, ენერგოეფექტურობის მოთხოვნების დაკმაყოფილების ვალდებულება დაეკისრებათ

2024 წლიდან ახალ შენობებს, ენერგოეფექტურობის მოთხოვნების დაკმაყოფილების ვალდებულება დაეკისრებათ
access_time2020-02-20 18:00:17
2024 წლიდან ახალ შენობებს, ასევე იმ შენობებს, რომელთაც მნიშვნელოვანი რეკონსტრუქცია უტარდებათ, ენერგოეფექტურობის მინიმალური მოთხოვნების დაკმაყოფილების ვალდებულება დაეკისრებათ. პარლამენტმა პირველი მოსმენით მხარი დაუჭირა „შენობების ენერგოეფექტიანობის შესახებ“ კანონპროექტს. ახალი კანონპროექტის მიხედვით, ახალი შენობები ან მათი ნაწილები, ასევე არსებული შენობები, რომლებიც იყიდება, ქირავდება ან იჯარით გაიცემა, დაექვემდებარება სერტიფიცირებას, ხოლო სერთიფიკატის...

კრიპტოვალუტით გამდიდრებული მილიარდერები

კრიპტოვალუტით გამდიდრებული მილიარდერები
access_time2020-02-20 20:00:11
კრიპტოვალუტებმა მსოფლიო ბაზარზე  ადგილი  საბოლოოდ დაიმკვიდრეს. მართალია ბიტკოინი 10 000 დოლარამდე გაიაფდა, თუმცა, ვირტუალური ფულისთვის ასეთი რყევა უცხო არ არის. დღეს ბიტკოინი 9800 დოლარი ღირს, გასულ კვირაში კი კურსი 10 430-მდე იყო გაზრდილი. ეთერიუმის ფასი რამდენიმე დღის წინ  270 დოლარამდე გაიზარდა, დღეისათვის კი 252 დოლარს...

„ავტობუსის მძღოლების ზეგანაკვეთური სამუშაო, მძღოლების მოთხოვნითაა განპირობებული“ - თბილისის სატრანსპორტო კომპანია

„ავტობუსის მძღოლების ზეგანაკვეთური სამუშაო, მძღოლების მოთხოვნითაა განპირობებული“ - თბილისის სატრანსპორტო კომპანია
access_time2020-02-20 17:00:17
სახელმწიფო აუდიტის სამსახურის ინფორმაციით, თბილისის სატრანსპორტო კომპანია ავტობუსების მძღოლებს ზეგანაკვეთურად ამუშავებს და ამით მოქალაქეებს საფრთხეს უქმნის. მონიტორინგი 2017 და 2018 წლების პერიოდს მოიცავს და აღნიშნულია, რომ უმრავლეს შემთხვევაში, დარღვეულია მძღოლების ზეგანაკვეთურად მუშაობის ზედა ზღვარიც (48სთ).   უმაღლეს აუდიტორულ  ორგანოში ამბობენ, რომ 2017...


მსგავსი სიახლეები

up