„ეკონომიკის 4,6 პროცენტიანი ზრდა მიმდინარე პროცესების გათვალისწინებით, საკმაოდ პოზიტიურია“

„ეკონომიკის 4,6 პროცენტიანი ზრდა მიმდინარე პროცესების გათვალისწინებით, საკმაოდ პოზიტიურია“

access_time2018-08-30 14:30:33

„საქსტატის მიერ გამოქვეყნებული მაჩვენებლები, რომლებიც დაკავშირებულია ეკონომიკური ზრდის შეფასებასთან არის საკმაოდ პოზიტიური მიმდინარე პროცესების გათვალისწინებით, რადგან, 2018 წლის ივლისის თვის 4,6%-ით ზრდა და შვიდი თვის საშუალო 5,5% ასახავს იმ ობიექტურ ფაქტორებს რომელიც არის ჩვენს ეკონომიკაში, - განაცხადა თსუ ანალიზისა და პროგნოზირების ცენტრის გამგეობის თავმჯდომარემ ოთარ ანგურიძემ „საქსტატის“ მიერ გამოქვეყნებული 2018 წლის ივლისის ეკონომიკური ზრდის წინასწარი შედეგების შეფასებისას.


ოთარ ანგურიძის განცხადებით, ეკონომიკის გაუმჯობესებაზე მეტყველებს რამდენიმე ძალიან მნიშვნელოვანი პარამეტრი: იანვარ-ივლისში ექსპორტის 28,8%-იანი ზრდა წინა წლის შესაბამის პერიოდთან შედარებით, იმპორტის 22,9%. ჯამურად, საგარეო ვაჭრობის ბრუნვა გაზრდილია 24,4%-ით და დღგ-ს გადამხდელთა 11,8%-ით ზრდა. ეს კი დასტურია, იმისა, რომ ქვეყანაში გაზრდილია მოხმარება და ადგილობრივი წარმოება. მისი თქმით, ასევე, ნიშანდობლივია ის გარემოებაც, რომ საერთაშორისო სავალუტო ფონდის მისიამ მაღალი ეკონომიკური აქტივობის გამო 2018 წლის ზრდის ეკონომიკური პროგნოზი 5,5%-მდე აწია და პოზიტიურად შეაფასა ეკონომიკაში მიმდინარე რეფორმები. „საქართველოს ეკონომიკამ მოახდინა რეგიონში სტაბილური ეკონომიკური ზრდის შენარჩუნება.



იმ ფონზე, როდესაც საგარეო შოკები და რეგიონში მიმდინარე ეკონომიკური და პოლიტიკური რისკები ჩვენი ეკონომიკის თანმდევ პროცესად იქცა,“ - განაცხადა თსუ ანალიზისა და პროგნოზირების ცენტრის გამგეობის თავმჯდომარემ ოთარ ანგურიძემ.


„საერთაშორისო საფინანსო ინსტიტუტების და სუვერენული სარეიტინგო კომპანიების პოზიტიური შეფასებები საქართველოს ეკონომიკურ განვითარებისა და მიმდინარე რეფორმათა მიმართ ქმნის იმ პოზიტიურ ტრენდს, რაზეც შესაძლებელია ბიზნესის, საზოგადოებისა და ინვესტორების მხრიდან სერიოზული იმედებისა და მეტი ოპტიმიზმის დამყარება“, - განაცხადა ეკონომიკის ექსპერტმა სოსო არჩვაძემ „საქსტატის“ მიერ 2018 წლის ივლისის ეკონომიკური ზრდის პროგნოზისა და აგრეთვე საერთაშორისო სავალუტო ფონდისა და სუვერენული სარეიტინგო კომპანიის “Fitch”-ის გადაწყვეტილებების შეფასებისას.




გუშინ სავალუტო ფონდის ვებგვერდზე გამოქვეყნებული რელიზის თანახმად, ფონდის მისიამ საქართველოს ეკონომიკის 2018 წლის ზრდის პროგნოზი წლიურ 5,5 პროცენტამდე აწია, მოსალოდნელზე მაღალი ეკონომიკური აქტივობის გამო. გასული კვირის ბოლოს კი საერთაშორისო სარეიტინგო კომპანიამ Fitch-მა დადებითად შეაფასა საბანკო სექტორში არსებული მდგომარეობა და თავის დასკვნაში სახი გაუსვა სავალუტო ფონდთან პროგრამის ფარგლებში საბანკო სექტორის სტრუქტურული მაჩვენებლების მიღწევის მიზნით ქვეყანაში მიმდინარე პროგრესს. სოსო არჩვაძის განცხადებით, საერთაშორისო სავალუტო ფონდის მიერ საქართველოს ეკონომიკური ზრდის პროგნოზის ორგზის გაზრდა პირდაპირ ნიშნავს საქართველოს ეკონომიკური ზრდის პოზიტიურ ტრენდს საშუალო და გრძელვადიან პერიოდში, რაც კარგი გზავნილია პოტენციური ინვესტორებისთვის. მისი თქმით, ასევე აღნიშვნის ღირსია ის გარემოება, რომ სავალუტო ფონდმა, თავის შეფასებაში, ცალსახად მიუთითა, რომ ეკონომიკური ზრდის გაზრდილ პროგნოზზე გავლენა მოახდინა ქვეყნის აღმასრულებელი ხელისუფლების მიერ განხორციელებულმა ეკონომიკურმა პოლიტიკამ და საბანკო სექტორში არსებულმა ვითარებამ.



„ეს ზრდა კონკრეტულ ციფრებში რომ გადავიყვანოთ, გამოვა 1.3 პროცენტული პუნქტი, რომელიც თანხობრივად აჭარის რეგიონისთვის გამოყოფილი იმ ფინანსური რესურსის ტოლია, რაც გერმანიამ, კანცლერ ანგელა მერკელის ვიზიტის დროს გამოგვიყო. ამდენად, მნიშვნელოვანია, რომ მთავრობას შეეძლება ამ თანხა სხვა ეკონომიკური და სოციალური მიზნებისთვის გამოყენება,“ - განაცხადა ეკონომიკის ექსპერტმა.



სოსო არჩვაძემ ასევე აქცენტი გააკეთა პოზიტიურ ზრდას ეკონომიკის რეალურ სექტორში. კერძოდ, დღგ-ს გადამხდელ საწარმოთა ბრუნვის ზრდამ თითქმის 12-პროცენტიან ნიშნულზე დაფიქსისრდა, რაც ასევე ძალიან კარგი მაჩვენებელია. მისი თქმით, ასევე საგულისხმოა ის გარემოება, რომ 21 აგვისტოს სარეიტინგო კომპანია Fitch-მა დადასტურა საქართველოს სუვერენული საკრედიტო რეიტინგის პერსპექტივის გაუმჯობესება სტაბილურიდან პოზიტიურის მიმართულებით. მათი შეფასებით ქვეყანაში უზრუნველყოფილია ხელსაყრელი ბიზნეს და მმართველობითი გარემო და რეგიონში არსებული შოკების პირობებში შენარჩუნებულია მაკროეკონომიკური მდგრადობა. ეკონომიკის ექსპერტის განცხადებით, ასევე მნიშვნელოვანია, რომ რეგიონში მიმდინარე მოვლენების ფონზე საქართველოს ეკონომიკა ინარჩუნებს მდგრადობას, რისი საფუძველიც მთავრობის მიერ გატარებული რეფორმებია. მისი თქმით, მიმდინარე და დაგეგმილი რეფორმების განხორციელება კიდევ უფრო შეუწყობს ხელს მაღალ და ინკლუზიურ ეკონომიკურ ზრდას და გაზრდის ეკონომიკის მდგრადობას საგარეო შოკების მიმართ.



„კომერსანტი“ 





24 სექტემბერი - რეგიონის ვალუტებს შორის ქართული ლარი რეკორდული სისწრაფით უფასურდება

24 სექტემბერი - რეგიონის ვალუტებს შორის ქართული ლარი რეკორდული სისწრაფით უფასურდება
access_time2020-09-24 18:10:43
კორონავირუსის უარყოფითი ეფექტი რეგიონში ყველაზე მკვეთრად ქართული ლარის კურსზე აისახა, მარტის თვეში, ლარი რეკორდულად 22%-ით გაუფასურდა. წლის განმავლობაში, ქართული ლარი აშშ დოლართან მიმართებაში - 12%-ით გაუფასურდა. შედარებისთვის, დაახლოებით 16%-ით არის შემცირებული თურქული ლირა, სომხური დრამი და აზერბაიჯანული მანათი კი 2%-ის ქვემოთ მერყეობს. გუშინ გამართულ საქართველოს ეროვნული ბანკის სავალუტო აუქციონზე სებ-მა 40 000 000 აშშ დოლარი გაყიდა, თუმცა მიუხედავად ამისა 24...

დღის Top 10 საინტერესო ამბავი

დღის Top 10 საინტერესო ამბავი
access_time2020-09-24 21:30:36
დღის Top 10 საინტერესო ამბავი:   1. კრედიტების გაიაფების იდეას მივესალმები, რადგან ყოფილ ბანკირს უკეთესად ესმის ეს საკითხი - კახა ოქრიაშვილი ხაზარაძის ინიციატივას ემხრობა „კრედიტების გაიაფების იდეას მივესალმები, რადგან ყოფილ ბანკირს უფრო ესმის ეგ საკითხი. ჯობია ბევრი კრედიტი გასცე და...

ლარი იმ კრიტიკულ ნიშნულს უკვე გადასცდა, რის შემდეგაც, პროდუქციის გაძვირება იწყება

ლარი იმ კრიტიკულ ნიშნულს უკვე გადასცდა, რის შემდეგაც, პროდუქციის გაძვირება იწყება
access_time2020-09-24 17:15:01
ლარის გაუფასურების გამო, იმპორტირებული პროდუქციის ფასის ზრდა გარდაუვალია - ამის შესახებ „ბიზნესპრესნიუსს“იმპორტიორთა კავშირის ხელმძღვანელმა, ივა ჭყონიამ განუცხადა. მისივე თქმით, გაძვირების პროცესი უკვე ოქტომბრიდან დაიწყება.   Bloomberg-ის სავაჭრო პლატფორმაზე 16:03 საათისთვის ერთი დოლარი 3.3200 ლარად ივაჭრება, აღმავალი ტრენდი ბოლო ერთი კვირის განმავლობაში, შეუქცევადია და ლარი, ახალ-ახალ უარყოფით რეკორდულ ნიშნულებს აღწევს.   დისტრიბუტორთა ასოციაციის...

Forbes: რატომ ჩავარდა ბელორუსული სოციალისტური ექსპერიმენტი?

Forbes: რატომ ჩავარდა ბელორუსული სოციალისტური ექსპერიმენტი?
access_time2020-09-24 20:45:59
მასობრივმა საპროტესტო ტალღამ ბელორუსიაში ცხადყო, რომ ლუკაშენკომ თანამემამულეთა უმრავლესობის ნდობა საბოლოოდ დაკარგა, თუმცა, ამავე დროს პოსტ-საბჭოთა სივრცეზე ის თავის პოპულარობას მაინც ინარჩუნებს.  მისი მმართველობა შენარჩუნებულ საწარმოებთან, სოციალურ გარანტიებთან, აყვავებულ სოფლის მეურნეობასთან და გაწკრიალებულ ქალაქებთან ასოცირება.   თუმცა, დეტალური შესწავლის შემთხვევაში ნათელი ხდება, რომ ლუკაშენკოს მიერ აშენებული სისტემა შედარებით მაღალ სოციალურ ...

აჭარაში 22:00 საათიდან რესტორნები იხურება, საზოგადოებრივი ტრანსპორტის გადაადგილება კი შეჩერდება

აჭარაში 22:00 საათიდან რესტორნები იხურება, საზოგადოებრივი ტრანსპორტის გადაადგილება კი შეჩერდება
access_time2020-09-24 14:00:38
აჭარის რეგიონში ხვალიდან, რესტორნები 22:00 საათამდე იმუშავებს, ამაზე დაწესდება შეზღუდვა და ასევე საზოგადოებრივი ტრანსპორტი მთლიანად გაჩერდება, გარკვეული დროით, - ამის შესახებ მთავრობის ადმინისტრაციის უფროსმა ნათია მეზვრიშვილმა უწყებათაშორისი საკოორდინაციო საბჭოს სხდომის შემდეგ გამართულ ბრიფინგზე განაცხადა. მისივე თქმით, აჭარის რეგიონში დღეს არსებული ეპიდვითარებიდან გამომდინარე საჭირო გახდა გარკვეული შეზღუდვების დაწესების აუცილებლობა. „ვსაუბრობდით...


მსგავსი სიახლეები

up