კორონავირუსის პანდემიამ არაერთი მნიშვნელოვანი პროექტი შეაჩერა და გადაავადა, თუმცა პანდემიურ პირობებში 2-წლიანი ცხოვრების შემდეგ ბევრი პროექტის მშენებლობა განახლდა. CNN გთავაზობთ იმ განსაკუთრებულ პროექტებს, რომელთა მშენებლობაც წლის ბოლომდე უნდა დასრულდეს.
Sydney Modern Project, ავსტრალია
Sydney Modern Project-ის ჯამური ღირებულება 250 მილიონი აშშ დოლარია. პროექტი ახალი სამხრეთ უელსის ხელოვნების გალერეის სრულ რეკონსტრუქციას ითვალისწინებს, რომელიც მე-19 საუკუნეში აშენდა. საგამოფენო სივრცეს ახალი დარბაზები შეემატება, რომლებიც აბორიგენებს მიეძღვნებათ.
San Pellegrino-ს გემთმშენებელი ქარხანა, იტალია
San Pellegrino-ს გემთმშენებელი ქარხანა იტალიის ქალაქ ბერგამოში შენდება.შენობის ორიგინალური დიზაინი ცნობილმა დანიელმა არქიტექტორმა ბიარკე ინგელსმა დააპროექტა. ქარხნის მშენებლობა 102 მილიონი დოლარი დაჯდება.
Qorner Tower, ეკვადორი
უჩვეულო დიზაინის მქონე შენობის Qorner Tower მშენებლობა ეკვადორში მიმდინარეობს. ცათამბჯენზე ასობით ბუჩქი და მცენარე განთავსდება.
პარლამენტის ახალი შენობა, ინდოეთი
ინდოეთის დედაქალაქ დელიში პარლამენტის ახალი შენობა შენდება. პროექტის ჯამური ღირებულება 1.8 მილიარდი დოლარია. პარლამენტის შენობა 2 ნაწილისგან შედგება. ერთს სამკუთხედის ფორმა ექნება, მეორეს კი წრიული.
Fotografiska, გერმანია
გერმანიაში ამჟამად ფოტოგრაფიის მუზეუმის მშენებლობა მიმდინარეობს. როგორც პროექტიდან ირკვევა, შენობა საკმაოდ მასიური იქნება. გეგმის მიხედვით, მუზეუმი შემოდგომით უნდა გაიხსნას.
არანიას ცენტრი, ჩინეთი
არანიას ცენტრი პეკინიდან 240 კილომეტრის მოშორებით აშენდება. უჩვეულო დიზაინის მქონე შენობის არქიტექტორი ზაჰა ჰადიდის მოსწავლე მა იანსონგია.
Iconic Tower, ეგვიპტე
Iconic Tower მეგაპროექტია, რომელიც ეგვიპტის დედაქალაქ ქაიროში 18 ცათამბჯენის აშენებას გულისხმობს. ეგვიპტის ხელისუფლებას გამიზნული აქვს ქალაქში ბიზნეს-უბანი შექმნას, რომელიც ინვესტიციებს მოიზიდავს.
სენდი ჰუკის მემორიალი, აშშ
სენდი ჰუკის მემორიალი უზარმაზარი ბაღია, რომლის მშენებლობაც 5 წელია მიმდინარეობს. მემორიალი სენდი ჰუკის დაწყებით სკოლაში მომხდარი სროლის დროს დაღუპულებს მიეძღვნებათ.
Yongjia-ს მსოფლიო სავაჭრო ცენტრი, ჩინეთი
Yongjia-ს მსოფლიო სავაჭრო ცენტრი კიდევ ერთი გრანდიოზული პროექტია, რომელიც ჩინეთში განხორციელდება. უცნაური დიზაინის მქონე შენობა ნიდერლანდურმა არქიტექტურულმა ფირმა UNStudio-მ დააპროექტა.
წყარო: BPN.GE