სახლის პირობებში თავის მოვლა საკმაოდ რთულია, თუმცა როგორც ჩანს უახლოეს მომავალში ეს ერთადერთი უსაფრთხო პერსპექტივაა. ორი ყველაზე მოთხოვნადი ნივთი თავის მოვლისთვის ყველაზე საჭირო ტექნიკიდან აღმოჩნდა რომ, არის: თმის საკრეჭი და ეპილატორი.
ქალბატონებისთვის ერთ-ერთი საჭირო ნივთი სახლში დიდხანს დარჩენის დროს გახლავთ ეპილატორი. ეპილატორის არჩევისას რამდენიმე დეტალი უნდა გაითვალისწინოთ — მაგალითისთვის, რა სიჩქარის აკრეფა შეუძლია მას?! რაც უფრო სწრაფია მით უფრო ნაკლებად მტკივნეული იქნება. ასევე ეპილატორის ბოლოები შეგიძლიათ აარჩიოთ იმის მიხედვით, თუ სხეულის რომელ ნაწილზე გსურთ ეპილატორის გამოყენება. მაგალითისთვის ეპილატორის თავები რომელსაც გამოიყენებთ ინტიმურ ზონაში, არ გამოგადგებათ ფეხისა და ხელის არეში უხეში თმისთვის. ეპილატორები განსხვავდება ხმაურის მიხედვითაც. რაც უფრო სუსტია ძრავი და დიდი ძალისხმევა სჭირდება ბრუნის გასაკეთებლად მით უფრო ხმაურობს. უმჯობესია ჩუმი და ამავდროულად მძლავრი ნივთი აარჩიოთ, რაც შედარებით ძვირი ეღირება მაგრამ უფრო დიდხანს გაძლებს.
აღმოჩნდა, რომ თვითიზოლაციაში თმიანობის პრობლემა ქალების გარდა მამაკაცებსაც აწუხებთ, მოზრდილი წვერი არც სახლშია სასიამოვნო, არც გარეთ, ამიტომ მეორე ძალიან საჭირო ნივთი სახლში ყოფნისას არის თმის საკრეჭი. თმის საკრეჭის არჩევისას გაითვალისწინეთ პირველ რიგში ხარისხი. ეს ის ნივთია რომელსაც სახის კანთან მჭიდრო შეხება აქვს და შეიძლება ზედაპირი გააღიზიანოს. რაც უფრო ხარისხიანია თმის საკრეჭი მით უფრო უმტკივნეულოდ და ცუდი შედეგების გარეშე ჩაივლის თავის მოვლის პროცედურა. ასევე თმის საკრეჭი განსხვავდება შესაჭრელი თმის სიგრძის მხრივ. ისევე როგორც ეპილატორის შემთხვევაში უნდა გაითვალისწინოთ რამხელა თმის დამუშავება მოგიწევთ. წინასწარ გადაწყვიტეთ მშრალად გირჩევნიათ თმის დამუშავება თუ სველ მდგომარეობაში. აღნიშნული დამოკიდებულია თქვენი კანის ტიპზე. მაგალითად მშრალ კანზე მშრალი თმის შეკრეჭა არც ისე კარგი აზრია.
ამ ნივთების შესაძენად აირჩიეთ სანდო მაღაზია, რომელიც შემოგთავაზებთ გარანტიას და პროდუქტის დეტალურ აღწერას. უმჯობესია გადაიხადოთ ამ ნივთისთვის ადეკვატური ფასი, ვიდრე არასანდო მომწოდებლისგან შეიძინოთ და თქვენი სხეულის ფაქიზი ნაწილები დაუფიქრებლად ანდოთ.