„ამბასადორი კაჭრეთის ტერიტორიაზე, „ანაგი დეველოპმენტი ახალი პროექტის „ვილა ამბასადორის მშენებლობას“ იწყებს. პროექტი წარმოადგენს „ამბასადორი კაჭრეთის“ და „ანაგი დეველოპმენტის“ ერთობლივ პროექტს, რომლის მენეჯენტს „კაჭრეთი დეველოპმენტი“ განახორციელებს.
როგორც „კომერსანტს“ „ანაგი დეველოპმენტში“ განუცხადეს „ვილა ამბასადორი“ სასტუმრო კომპლექსის „ამბასადორი კაჭრეთის“ ახალი მიმართულებაა და 45 ექსკლუზიური დიზაინის ვილას აერთიანებს. მათი ინფორმაციით, ვილები 50 ჰექტარ გამწვანებულ ტერიტორიაზე განთავსდება და სასტუმრო კომპლექსის განუყოფელი ნაწილი იქნება. დეველოპერულ კომპანიაში ამბობენ, რომ ვილა ამბასადორის ფასი იწყება 200 000 $-დან და იცვლება ვილების ტიპების მიხედვით. პროექტის საინვესტიციო ღირებულება 7-8 მილიონი დოლარია.
„კომპლექსი 5 ტიპის ერთ და ორ სართულიანი ექსკლუზიური ვილებისგან შედგება. „ვილა ამბასადორი“ აერთიანებს 2, 3 და 4 საძინებლიან სახლებს, რომლებიც მუკუზანის, რქაწითელის და საფერავის უბნებშია განლაგებული. ვილების საერთო ფართები მერყეობს 141.99 მ2 -დან 300.5 მ2 -მდე. ბარდება სრულად გარემონტებული სამზარეულოს ავეჯით, ჩაშენებული გამწოვით და გაზქურით. ვილები დეკემბრიდან გაყიდვაშია და მომხმარებლის სურვილის შემთხვევაში მენეჯმენტ კომპანია ვილების გაქირავებას უზრუნველყოფს. პროექტი 2020 წლის დეკემბერში დასრულდება.
ვილის მფლობელებს ექნებათ შეუზღუდავი წვდომა სასტუმრო „ამბასადორი კაჭრეთის“ ყველა სერვისსა და უპირატესობებზე.
მათ განკარგულებაში იქნება: პროფესიონალური გოლფის სათამაშო მოედანი, ღია და დახურული საცურაო აუზი, სპა, ფიტნეს დარბაზი, რესტორანი და მარანი, საკონფერენციო დარბაზები, ბუნებრივი სათამაშო სივრცე ბავშვებისთვის, ტენისის კორტები, სპორტული სტადიონები, სასროლეთი, საცხენოსნო კლუბი, ბოულინგი, ბილიარდი, მაგიდის ჩოგბურთი.
ღირებულებები ვილების ტიპების მიხედვით მოცემულია ქვემოთ:
ტიპი N1 (4 ვილა) - $450 000, 296.7 მ2 (225.9+70.8 მ2)
ტიპი N2 (2 ვილა) - $470 000, 300.5 მ2 (229.5+71 მ2)
ტიპი N3 (30 ვილა) - $200 000, 141.99 მ2 (101.7+40.29 მ2)
ტიპი N4 (4 ვილა) - $280 000, 197.22 მ2 (155.3+41.92 მ2)
ტიპი N5 (5 ვილა) - $400 000, 258.15 მ2 (182.8+75.35 მ2 )
მენეჯმენტ კომპანია დამატებით გთავაზობთ ყოველთვიურ სერვისულ მომსახურებას, რომელიც მოიცავს შემდეგ სერვისებს: რეცეფცია, კონსიერჟი, დასუფთავება და გამწვანება, 24/7 დაცვა, 24/7 ტექნიკური ჯგუფის მომსახურება, გაქირავების სერვისი, პარკინგი ყოველთვიური გადასახადი 1 კვ.მ-ზე შეადგენს 0.80$-ს“, - განმარტავენ „ანაგი დეველოპმენტში“.
ბაჩო ადამია