ორანჟერეის პროექტი,  ბიძინა გიორგობიანი

ორანჟერეის პროექტი, ბიძინა გიორგობიანი

access_time2019-06-14 11:11:06


ეკოლოგი ბიძინა გიორგობიანი დიღმის ტყე პარკის მიმდებარედ, ავტოსალონის ნაცვლად, ორანჟერეის მოწყობის იდეას მიესალმება. ეკოლოგი ყურადღებას პროექტის დანიშნულებაზე ამახვილებს და მიიჩნევს, რომ მისი განხორციელება მოსახლეობისთვის სასიკეთო იქნება.


"აღმაშენებლის ხეივანთან, არქიტექტურულად მოძველებული ავტოსალონის ნაცვლად, მრავალფუნქციური საზოგადოებრივი ცენტრის შექმნა ძალიან კარგი იდეაა. განსაკუთრებით პოზიტიურ შთბეჭდილებას ტოვებს პროექტით განსაზღვრული ცენტრის, როგორც საზოგადოებრივი, ღია რეკრეაციული სივრცის დანიშნულება. პროექტი, სავარაუდოდ, მოიცავს დიღმის ტყე-პარკის გარკვეული მონაკვეთის კეთილმოწყობასაც, რაც ვფიქრობ, ადგილობრივი მოსახლეობისათვის მნიშვნელოვანია." - განმარტავს ბიძინა გიორგობიანი.


მისივე რეკომენდაციით, პროექტანტმა და შემსრულებელმა რამდენიმე ფაქტორი უნდა გაითვალისწინონ. პირველი - მსგავსი ტიპის საზოგადოებრივ სივრცეებში, სანახაობრივი ატრაქციების გვერდით, მიზანშეწონილია მოეწყოს მყუდრო ადგილები, სადაც საქმიანი შეხვედრები იქნება შესაძლებელი და მეორე - აღმოსავლეთ საქართველოსათვის დამახასიათებელი კლიმატური პირობების გათვალისწინებით, სწორად შეარჩიონ მწვანე საფარი და გარე გამწვანების დეკორატიული დანიშნულებით, აღნიშნულ კლიმატთან შემგუებელი სახეობები და ჯიშები გამოიყენონ. რაც შეეხება ინტერიერს და დახურულ სივრცეებს, ეკოლოგის განმარტებით, აქ ნამდვილად შესაძლებელია სხვადასხვა ეგზოტიკური მცენარის გამოყენება, რაც საზოგადოებრივი ორანჟერეის ფლორას მრავალფეროვანს გახდის.


"მნიშვნელოვანია, ორანჟერეის მიმდებარედ შენარჩუდეს დიღმის ტყე-პარკის პირველყოფილი იერსახე და მასში არ მოხდეს უხეში დეკორატიული ინტერვენცია, არამედ, ადგილობრივი ჯიშების გამოყენებით, გაკეთდეს ერთგვარი გარდამავალი სივრცე. ასეთი პროექტის განხორციელება ძალიან კარგი სტიმული იქნება აღმაშენებლის ხეივანში მდებარე სხვა სავაჭრო ცენტრებისთვისაც, რომლებსაც საკუთრებაში არსებული ტერიტორიები მსგავსი დანიშნულების რეკრეაციული ინფრასტრუქტურის მოწყობის საშუალებას აძლევს." - აღნიშნავს ბიძინა გიორგობიანი.



შეგახსენებთ, რომ დიღმის ტყე-პარკის მიმდებარედ მრავალფუნქციური ორანჟერეა მოეწყობა. აღმაშენებლის ხეივანთან მდებარე ტერიტორიაზე ამჟამად "კია მოტორსის" ავტომომსახურების ცენტრი მდებარეობს. კომპანია "ანაგმა" ორანჟერეით უნდა ჩაანაცვლოს სწორედ ეს ცენტრი, რომელიც ეკოლოგიურად მნიშვნელოვან ადგილას არის განთავსებული და ფუნქციიდან გამომდინარე, გარემოს გარკვეულ ზიანსაც აყენებს.


პროექტის ფარგლებში, აღნიშნულ ტერიტორიაზე არცერთი ხე არ მოიჭრება. პირიქით, ამ ადგილას არაერთი ახალი, მათ შორის, ეგზოტიკური მცენარე უნდა დაირგოს. პროექტის ავტორი კომპანია „სტუდია 9„-ის საპროექტო სამსახურის მთავარი არქიტექტორი, თბილისის არქიტექტურის სამსახურის ყოფილი ხელმძღვანელი მამუკა ჩხაიძეა.


მრავალფუნქციური ორანჟერეა ლანდშაფტურ-დასასვენებელი სივრცეა, რომელიც საგამოფენო დარბაზს, საკონცერტო-თეატრალურ სცენას და არაერთ საინტერესო ობიექტს აერთიანებს. ორანჟერეა სტუმრებს ნებისმიერ დროსა და ამინდში მიიღებს.


პროექტის თანახმად, ლანდშაფტური პარკის ინტერიერი და ექსტერიერი ერთ მთლიანობას წარმოადგენს, რაც მთელი ტყე-პარკის რეკრეაციულ ღირებულებას უფრო მეტად გაზრდის. დღევანდელი მოცემულობისგან განსხვავებით, ტერიტორია არ შემოიღობება და არასდროს იქცევა ჩაკეტილ ზონად.


მრავალფუნქციური ორანჟერეის პროექტი, საბოლოო სახით, დედაქალაქის ხელმძღვანელობამ გასული წლის სექტემბერში დაამტკიცა.


(NS)





ევროზონა უმძიმეს კრიზისულ პერიოდს ვერ უმკლავდება

ევროზონა უმძიმეს კრიზისულ პერიოდს ვერ უმკლავდება
access_time2020-10-30 19:00:31
გერმანიაში ინდექსი DAX —  გერმანული ეკონომიკის ბარომეტრი - უკვე 4%-ით, საფრანგეთს ძირითადი საბირჟო ინდექსი CAC- 40 კი 3,3%- ით შემცირდა და ამა წლის მარტ-აპრილის დონეს მიუახლოვდა.   საფონდო ინდექსების ვარდნა მთელს ევროპაში მიმდინარეობს.   რა არის ეს? შეშინებული ტრეიდერების გადაჭარბებული რეაქცია? ესეც, ოღონდ არა მხოლოდ ეს. საქმე იმაშია, რომ საფონდო ბაზარმა დაინახა ის, რასაც მოსახლეობა ჯერ ვერ ამჩნევს - ევროზონა პანდემიის მეორე...

30 ოქტომბერი - რეგიონში ქართული ლარი გამყარდა, თურქული ლირა გაუფასურდა

30 ოქტომბერი - რეგიონში ქართული ლარი გამყარდა, თურქული ლირა გაუფასურდა
access_time2020-10-30 18:30:32
კორონავირუსის უარყოფითი ეფექტი რეგიონში ყველაზე მკვეთრად ქართული ლარის კურსზე აისახა. 2020 წლის განმავლობაში, ქართული ლარი აშშ დოლართან მიმართებაში დაახლოებით 12%-ით გაუფასურდა. შედარებისთვის, დაახლოებით 11%-ით არის შემცირებული თურქული ლირა, სომხური დრამი და აზერბაიჯანული მანათი კი 2%-ის ქვემოთ მერყეობს. ეროვნული ბანკის მიერ 30 ოქტომბრის ვაჭრობის შედეგად, ეროვნული ვალუტა აშშ დოლართან მიმართებით გამყარდა, რის შედეგადაც ერთი დოლარის ოფიციალური ღირებულება...

ბილ გეითსის 10 გამაოგნებელი წინასწარმეტყველება, რომელთა ნახევარი ახდა

ბილ გეითსის 10 გამაოგნებელი წინასწარმეტყველება, რომელთა ნახევარი ახდა
access_time2020-10-30 20:00:47
65-წლის ბილ გეითსი მთელს მსოფლიოში არა მხოლოდ როგორც მილიარდერი, არამედ როგორც წინასწარმეტყველია ცნობილი. მისი პროგნოზების ნაწილი უკვე რეალობად იქცა, ნაწილი კი, სავარაუდოდ, მომავალში ახდება.   გეითსის ახდენილი პროგნოზების სია ასე გამოიყურება:   კაცობრიობას საშიშ ვირუსი შეხვდება   „თუ კი რამეს უახლოეს ათწლეულში ათობით მილიონი ადამიანის განადგურება შეეძლება- სავარაუდოდ, ეს განსაკუთრებით საშიში ვირუსი იქნება. მიკრობი და არა...

„ბადაგონი ბრუტი - პირველი ქართული ცქრიალა ღვინო, რომელმაც საერთაშორისო კონკურსზე Golden Trophy მიიღო!

„ბადაგონი ბრუტი - პირველი ქართული ცქრიალა ღვინო, რომელმაც საერთაშორისო კონკურსზე Golden Trophy მიიღო!
access_time2020-10-30 15:55:36
ბადაგონის კიდევ ერთი დიდი წარმატება! „ბადაგონი ბრუტი - პირველი ქართული ცქრიალა ღვინოა, რომელმაც საერთაშორისო კონკურსზე Glass of Bubbly - Golden Trophy მიიღო! ამ დიდი წარმატების პარალელურად, ბადაგონის ცქრიალა ღვინოები „მაესტრო როზე და მაესტრო ნახევრად ტკბილი ოქროს მედლით დაჯილდოვდა. „Glass of Bubbly - შამპანურისა და ცქრიალა ღვინის საერთაშორისო კონკურსია, რომელიც ლონდონში ყოველწლიურად იმართება. გამარჯვებულებს კი ცნობილი ენოლოგების, სომელიეებისა და ღვინის ექსპერტებისაგან...

საქართველოს ბიზნეს ასოციაციის განცხადება ბევრილი ჯგუფთან დაკავშირებით

საქართველოს ბიზნეს ასოციაციის განცხადება ბევრილი ჯგუფთან დაკავშირებით
access_time2020-10-30 13:55:25
საქართველოს ბიზნეს ასოციაცია, როგორც ყველაზე მსხვილი ბიზნეს გაერთიანება ყოველთვის წარმოადგენს და იცავს ასოციაციის წევრი ასეულობით კომპანიის ინტერესებს.  მათ შორისაა, კომპანია „ბევრილი ჯგუფი“, რომელიც ასოციაციის წევრია 2012 წლიდან და სხვა უმსხვილეს ქართულ კომპანიებთან ერთად ბოლო რამოდენიმე წელია აქტიურად საქმინობს, როგორც საკუთარი ბიზნესისა და სექტორის განვითარების, ასევე, ზოგადად, საქართველოში წარმატებული ბიზნეს კლიმატის შექმნისთვის.     სამწუხაროდ, გვინდა...


მსგავსი სიახლეები

up