“ორანჟერეას” პროექტის ავტორებმა მოსახლეობას საკითხის დეტალები გააცნეს

“ორანჟერეას” პროექტის ავტორებმა მოსახლეობას საკითხის დეტალები გააცნეს

access_time2019-06-26 15:02:27


“ორანჟერეას” პროექტის ავტორებმა, სამშენებლო კომპანია “ანაგის” წარმომადგენლებთან ერთად, ადგილობრივ მოსახლეობას და საკითხით დაინტერესებულ პირებს ახალი პროექტი წარუდგინეს. პრეზენტაციის ფარგლებში, ღონისძიების ორგანიზატორებმა შეხვედრის მონაწილეებს “ორანჟერეას” შესახებ დეტალური ინფორმაცია მიაწოდეს და მათ მიერ დასმულ კითხვებს უპასუხეს.





როგორც პრეზენტაციაზე აღინიშნა, დიღმის ტყე-პარკის მიმდებარედ ოპტიმალური ფუნქციის მქონე ნაგებობის აშენებაზე პროექტის ავტორები დიდხანს ფიქრობდნენ, საბოლოოდ კი, არჩევანი შეჩერდა ორანჟერეაზე - ღია, ყველასათვის ხელმისაწვდომ, მრავალფუქნციურ საზოგადოებრივ ცენტრზე, რომელიც დიღმის ტყე-პარკის მიმდებარე სივრცეებს დაუკავშირდება.
ამჟამად ამ ტერიტორიაზე ავტოსალონი მდებარეობს. სწორედ მის ორანჟერეით ჩანაცვლებას ითვალისწინებს პროექტი, რომლის შემუშავებაც სამშენებლო კომპანია “ანაგმა” კომპანია “სტუდია9”-ს დაუკვეთა. საზოგადოებრივ-საქმიანი ზონის მატარებელ ამ ნაკვეთზე, დღესდღეობით, 15 ძირი ნარგავია. საპროექტო დავალებით, აქ 37 ახალი ნარგავი და 42 ბუჩქი დაირგვება. მნიშვნელოვანია ისიც, რომ ტერიტორიაზე არსებული ბეტონის საფარი მწვანე მოლით შეიცვლება. რაც შეეხება “ორანჟერეას” შიდა სივრცეს, აქ განთავსდება სხვადასხვა სახის ხე-ნარგავი, რის შედეგადაც ტყე-პარკს ახალი, უნიკალური ჯიშის მცენარეები შეემატება. რაც მთავარია, მშენებლობის პროცესში არ მოიჭრება არცერთი ხე და დიღომში მდებარე ეს რეკრეაციული სივრცე, ჯამში, 150-მდე ახალ მცენარეს შეიძენს.


როგორც პრეზენტაციისას პროექტის ავტორმა, არქიტექტორმა მამუკა ჩხაიძემ განმარტა, მათი მთავარი ამოცანა იყო, შენობისთვის მოეფიქრებინათ ისეთი ფუნქცია, რომელიც არ დაამძიმებდა და შეესაბამებოდა ტყე-პარკის ტერიტორიას.





“მადლობას ვუხდი “ანაგს”, რომ საკითხს ხისტად არ მიუდგა. დიდი დრო დაგვჭირდა, მიგვეგნო შენობის იმ მხატვრული სახისა და ფუნქციისთვის, რომელიც მიმდებარე ტერიტორიის შესაბამისი იქნებოდა.
ორანჟერეის მთავარი შემოსასვლელი აღმაშენებლის ხეივნიდანაა. დანარჩენი ფასადები ტყე-პარკს ესაზღვრება, ამიტომ ასეთი ამოცანა დავსახეთ: ოთხივე ფასადი უნდა ყოფილიყო მწვანე არა მხოლოდ ფერით ან რაიმე მასალით, არამედ- ბუნებრივად. შენობა მსუბუქი კონსტრუქციებითაა გადაწყვეტილი. გარე კონსტრუქციები გვაძლევს საშუალებას, მოვაწყოთ ბადეები და ამ ბადეებზე დავიტანოთ გამწვანება. შედეგად კი, ექსტერიერშიც და ინტერიერშიც მარადმწვანე გამწვანებას მივიღებთ. ინტერიერში დავაპროექტეთ კუნძულები, რომლებზეც ეგზოტიკური მცენარეები დაირგვება. ჭერიც ორანჟერეასთვის დამახასიათებელი ფუნქციით, გამწვანებითა და შემინული სახით იქნება, რათა მზის სხივებმა მცენარეებამდე კარგად მიაღწიონ. შიდა სივრცეში მოეწყობა წყლის სარკე და ფანტანი, რომელიც შენობის მხატვრულ სახეს გააძლიერებს.



ჩვენ გვინდოდა, მიგვეღო შენობა, რომელიც ყოველთვის შეასრულებდა თავის მოვალეობას და საპარკე არქიტექტურისთვის დამახასიათებელ ფუნქციებს შეითავსებდა. სწორედ ამის საშუალებას იძლევა დიდი დარბაზი, რომელსაც ტრანსფორმირების შესაძლებლობა ექნება. მუდმივად მოეწყობა თანამედროვე ხელოვნების გამოფენები, გაკეთდება სცენა, რომელიც სხვადასხვა ღონისძიებას უმასპინძლებს. ორანჟერეა უნდა გადაიქცეს კულტურულ ცენტრად, რომელიც ადგილობრივებისთვისაც და ტურისტებისთვისაც საინტერესო იქნება. სწორედ მრავალფუნქციურობის გამო გადავწყვიტეთ, მოგვეწყო სარდაფის ქუჩა, რომელშიც ძველი თბილისის ელემენტები ჩავდეთ. გარდა ამისა, პირველ სართულზე განგვეთავსებინა სხვადასხვა ობიექტი: ბავშვთა კაფე, პატარ-პატარა სახელოსნოები, მაღაზიები...



ტურისტები დაინტერესებულნი არიან ეთნოგრაფიული კულტურით, ფოლკლორით და კულინარიით. ჩვენ მიერ დაპროექტებულ ობიექტში მსგავსი ხასიათის ფესტივალების მაღალ, საერთაშორისო დონეზე ჩატარება შეგვეძლება.” - განმარტა მამუკა ჩხაიძემ და აღნიშნა, რომ ორანჟერეა მიმდებარე ტერიტორიას სახელს გაუთქვამს.



მნიშვნელოვანია ის გარემოებაც, რომ ორანჟერეა, რომელიც ზამთრის ბაღს წარმოადგენს, სტუმრებს ნებისმიერ დროსა და ამინდში მიიღებს.



პროექტის თანახმად, ლანდშაფტური პარკის ინტერიერი და ექსტერიერი ერთი მთლიანობაა, რაც მთელი ტყე-პარკის რეკრეაციულ ღირებულებას უფრო მეტად გაზრდის. დღევანდელი მოცემულობისგან განსხვავებით, ტერიტორია არ შემოიღობება და არასდროს იქცევა ჩაკეტილ ზონად.



ხსენებული პროექტი, საბოლოო სახით, დედაქალაქის ხელმძღვანელობამ გასული წლის სექტემბერში დაამტკიცა.


(NS)



თეგები:
ორანჟერეა



ლევან კობერიძე - ჯანდაცვის სფეროში 520-ე დადგენილებასთან დაკავშირებით ძალიან დიდი პრობლემებია

ლევან კობერიძე - ჯანდაცვის სფეროში 520-ე დადგენილებასთან დაკავშირებით ძალიან დიდი პრობლემებია
access_time2020-01-18 21:00:59
მინდა გითხრათ, რომ ჯანდაცვის სფეროში 520-ე დადგენილებასთან დაკავშირებით ძალიან დიდი პრობლემებია, - ამის შესახებ დამოუკიდებელმა დეპუტატმა ლევან კობერიძემ პარლამენტის ბიუროს სხდომაზე განაცხადა.   მისი განმარტებით, სამედიცინო სერვისები მოქალაქეებს შეფერხებით მიეწოდება, 520-ე დადგენილება კი არც რეფორმა არ არის და არც ფასწარმოქმნა.   „დადგენილების ამოქმედებიდან 2 თვეზე მეტი გავიდა და მთავრობის წევრებთან მხოლოდ რამდენიმე პიარ შეხვედრა ჩატარდა, მე ასე...

„მომდევნო კვირიდან თბილისში 18 მეტრიანი ავტობუსი დაიწყებს მოძრაობას“

„მომდევნო კვირიდან თბილისში 18 მეტრიანი ავტობუსი დაიწყებს  მოძრაობას“
access_time2020-01-18 17:00:42
„მომდევნო კვირიდან თბილისში 18 მეტრიანი ავტობუსი დაიწყებს მოძრაობას სატესტო რეჟიმში“ - ამის შესახებ ტრანსპორტის საქალაქო სამსახურის ხელმძღვანელი ვიქტორ წილოსანი „ფეისბუქის“ პირად გვერდზე...

აუდიტის სამსახური - ლაგოდეხის მუნიციპალიტეტმა 2017 - 2018 წლებში საწვავზე 275.8 ათასი ლარი დახარჯა

აუდიტის სამსახური - ლაგოდეხის მუნიციპალიტეტმა 2017 - 2018 წლებში საწვავზე 275.8 ათასი ლარი დახარჯა
access_time2020-01-18 16:00:28
ლაგოდეხის მუნიციპალიტეტმა 2017-2018 წლებში 275.8 ათასი ლარის საწვავი დახარჯა, მათ შორის 16.3 ათასი ლარი მერის წარმომადგენლების ავტომანქანებისთვის საწვავზე გაწეულმა ხარჯმა...

სოხუმური დეჟავიუ

სოხუმური დეჟავიუ
access_time2020-01-18 20:00:11
  აფხაზეთში ისევ დაიკავეს პრეზიდენტის სასახლე. ხელისუფლება ისევ იცვლება, თუმცა, ქვეყნის პრობლემები არ წყდება.   თვეების მანძილზე ოპოზიციის ათასობით მომხრე ითხოვს პრეზიდენტ რაულ ხაჯიმბას გადადგომას 2019 წლის სექტემბერში ჩატარებულ არჩევნებში მასობრივი გაყალბების გამო. სტიქიური მიტინგები გადაიზარდა მასშტაბურ არეულობაში - მეამბოხეები შევარდნენ პრეზიდენტის ადმინისტრაციის შენობაში და დაიკავეს პარლამენტი.   უკმაყოფილების ტალღის პროვოცირება...

თელაველი კოლექციონერი, რომელმაც საქართველოს 400 მილიონის ღირებულების საგანძური დაუტოვა

თელაველი კოლექციონერი, რომელმაც საქართველოს 400 მილიონის ღირებულების საგანძური დაუტოვა
access_time2020-01-18 15:00:57
ის­ტო­რია ინა­ხავს გე­ნი­ა­ლუ­რი მხატ­ვრე­ბის და მათი შე­მოქ­მე­დე­ბის შე­სა­ხებ ცნო­ბებს, მაგ­რამ სამ­წუ­ხა­როდ, ხში­რად სა­ზო­გა­დო­ე­ბის­თვის უც­ნო­ბები რჩე­ბი­ან ის ადა­მი­ა­ნე­ბი, რომ­ლებ­მაც ხე­ლოვ­ნე­ბის უნი­კა­ლუ­რი ნი­მუ­შე­ბი თა­ო­ბებს შე­მო­უ­ნა­ხეს. თე­ლა­ვე­ლი კო­ლექ­ცი­ო­ნე­რის, ქე­თე­ვან იაშ­ვი­ლის სა­ხე­ლი სა­ზო­გა­დო­ე­ბის უმეტესი ნა­წი­ლის­თვის არ არის ცნო­ბი­ლი. პრო­ფე­სი­ით ექიმ­მა-კოს­მე­ტო­ლოგ­მა, რომ­ლის ცხოვ­რე­ბის უდი­დე­სი გა­ტა­ცე­ბა ფერ­წე­რუ­ლი ტი­ლო­ე­ბის...


მსგავსი სიახლეები

up