ახალი ტიპის კორონავირუსი ჩინეთსი გასული წლის დეკემბერში გამოჩნდა, მსოფლიო მასშტაბით გავრცელება თებერვლიდან დაიწყო, მარტში კი ჯანმომ ვირუსი პანდემიად გამოაცხადა. ამ დროიდან მოყოლებული ინფიცირების გამოვლენის შემთხვევა ყოველ მომდევნო თვეს წინა თვისას აღემატება.
1-ელი მარტს მსოფლიოში სულ 93 ათასი შემთხვევა ფიქსირდებოდა, 1-ელ აპრილს 1 მლნ-ის. ანუ მარტში ინფიცირებულთა რაოდენობა 0.9 მლნ-ზე ოდნავ მეტით გაიზარდა. აპრილში მატებამ 2.3 მლნ შეადგინა, მაისში 3 მლნ. არსებობდა მოლოდინი, რომ ზაფხულსი ვირუსი უკან დაიხევდა. სიკვდილიანობის მაჩვენებელი შემცირდა, მაგრამ ინფიცირების შემთვევათა რაოდენობა პირიქით გაიზარდა. ივნისში ვირუსი ამატებით 4.4 მლნ ადამიანს დაუდასტურდა, ივლისში, 7.1 მლნ-ს ხოლო აგვისტოში 8.1 მლნ-ს. მატება შემოსგომაზეც გაგრძელდა, სექტემბერში 8.6 მლნ ახალი შემთხვევა გამოვლინდა, ოქტომბერში 12.2 მლნ.
სტატისტიკა განსხვავებულია სიკვდილიანობის დათვლილსას. ყველაზე მეტი - 195 ათასი ადამიანი აპრილში გარდაიცვალა, ოქტომბერში კი 175 ათასი, მასინ როცა ოქტომბერსი 5.3-ჯერ მეტი შემთხვევა გამოვლინდა. სურატი შესაძლოა ნოემბერში უარესობისკენ შეიცვალოს. ბოლო 1 კვირაში ყოველდღიურად გარდაცვლილთა რაოდენობამ 9000-ს 3-ჯერ გადააჭარბა.
11 ნოემბრის შუადღის მდგომარეობით მსოფლიოსი სულ ვირუსის 51.9 მლნ შემთხვევაა დადასტურებული, მათგან 2.47% - 1.28 მლნ გარდაიცვალა. 36.4 მლნ გამოჯანმრთელდა, 14.4 მლნ კი მკურნალობის კურსს ამჟამადაც გადის.
საქართველოს სიტუაცია მსოფლიოსგან რადიკალურად განსხვავდება. 1-ელ სექტემბრამდე ვირუსის 1500-მდე შემთხვევა ფიქსირდებოდა და მათი 80%-ზე მეტი უკვე გამოჯანმრთელებული იყო. მსხვერპლი 19-ს შეადგენდა. 2.5 თვეზე ნაკლებ დროში ინფიცირებულთა რაოდენობა დამატებით 65 ათასით გაიზარდა და 547 ადამიანი გარდაიცვალა.
გიორგი ელიზბარაშვილი