სამშენებლო დეველოპერული კომპანია „გრინლაიფი-GreenLife“ ოქროყანაში 3,5 მლნ დოლარის ღირებულების აპარტოტელს აშენებს, - ამის შესახებ „კომერსანტს“ კომპანიის აღმასრულებელმა დირექტორმა შალვა ლიპარტელიანმა განუცხადა. მისი თქმით, პროექტი გულისხმობს 76 ნომერიან აპარტოტელის აშენებს, სადაც ძირითადად ორადგილიანი ნომრები მოეწყობა. ლიპარტელიანის განმარტებით, აპარტამენტების გაყიდვები ერთ თვეში დაიწყება, სასტუმროს მშენებლობა კი ოთხ თვეში დასრულდება.

მიწის ნაკვეთის ფართობი 902 კვ.მ-ია, განაშენიანების ფართობი 504. კვ.მ, საერთო ფართობი კი 4509. კვ.მ-ს შეადგენს საიდანაც კომერციული ფართობს 553 კვ.მ დაეთმობა ხოლო საზაფხულო ფართობს 865 კვ.მ. ავტოსადგომისთვის 451 კვ.მ- ია განსაზღვრული აუზისთვის კი 139 კვ.მ.

შალვა ლიპარტელიანი აცხადებს, რომ სასტუმროს საფასო პოლიტიკა საშუალო სეგმენტზე იქნება მორგებული. მისი თქმით, ნომრის ღირებულება 100 ლარიდან 150 ლარის ფარგლებში, ხედის მიხედვით შეიცვლება.

„როგორც ვიცი თბილისში აპარტოტელი საერთოდ არ არის, ამ ტიპის სასტუმროები ბათუმში, გუდაურში და ბაკურიანში შენდება, სწორედ ამიტომ ვიფიქრეთ, რომ აპარტოტელის მშენებლობა თბილისშიც გამართლებული იქნებოდა. ადამიანს შეუძლია ბინა იყიდოს, შემდეგ ჩვენ გავაქირავებთ, როდესაც მოუნდება თვითონაც შეძლებს დაისვენებს, პარალელურად კი ყოველთვიური შემოსავალი ექნება. სასტუმროს პირველ სართულზე რესტორანი იქნება, სახურავზე 30 მეტრიანი აუზი მოეწყობა, სასტუმროში ასევე იქნება საუნაც. ყველაზე მნიშვნელოვანი იყო ის, რომ მოსაჭრელი არ გვქონდა ხეები , ისეთი ტერიტორია შეირჩა სადაც ადრე მაღაზია იყო და მხოლოდ შენობის დემონტაჟი დაგვჭირდა. გარშემო რეკრეაციული სივრცეა. აღნიშნულ ტერიტორიაზე ადრე ლავრენტი ბერიას აგარაკები იყო,  სადაც 120 სხვადასხვა სახეობის ხე დარგული. მერიისგან გვინდა ნებართვა ავიღოთ, რათა ამ ადგილზე პარკი მოვაწყოთ , ველობილიკებით, სკამებით და განათებით. ამ ყველაფრის გაკეთებას ჩვენი ფინანსებით ვგეგმავთ და მგონი წინააღმდეგები არ არიან“, - განაცხადა შალვა ლიპარტელიანმა.

შალვა ლიპარტელიანი აცხადებს, რომ გასულ წელს, რუსი ბიზნესმენისგან კომპანია დამტკიცებული პროექტით იყიდეს. ახალი მფლობელის თქმით, გარიგების ღირებულება 450 000 დოლარია.

„გრინლაიფი-GreenLife ვიყიდეთ მიწით და დამტკიცებული პროექტით. აპარტოტელი იყო კომპანიის ბოლო პროექტი, სხვა პროექტები აუდიტორულად ყველაფერი გასწორებული იყო“, განმარტავს შალვა ლიპარტელიანი.

ბაჩო ადამია