ოქროს მოპოვებიდან სასტუმრო ბიზნესამდე - ვინ არის ანაკლიის ახალი ინვესტორი

ოქროს მოპოვებიდან სასტუმრო ბიზნესამდე - ვინ არის ანაკლიის ახალი ინვესტორი

access_time2020-10-30 11:00:48

რამდენიმე დღის წინ ცნობილი გახდა, რომ ანაკლიაში სასტუმრო კომპლექსის მოსაწყობად ეკონომიკის სამინისტრომ პროგრამის 100 საინვესტიციო შეთავაზება ბიზნესს ფარგლებში ინვესტორ კომპანია VM Industries-ს 4 946 კვ.მ. მიწის ნაკვეთი და მასზე განთავსებული შენობა-ნაგებობა გადასცა.


ბიზნესის რეესტრის მონაცემების მიხედვით, აღნიშნული კომპანიის მფლობელები საქართველოს მოქალაქეები ვლადიმერ ფანგანი და ლინა მა არიან, რომელიც წარმოშობით ჩინეთიდანაა.

 

ჰესები, ენერგეტიკა, ოქროს, ნავთობისა და გაზის მოპოვება და ახლა უკვე სასტუმრო ბიზნესი - ანაკლიის სასტუმროს ახალი ინვესტორები ვლადიმერ ფანგანი და ლინა მა საქართველოში უკვე არაერთ საკმაოდ ცნობილ პროექტში ფიგურირებენ, რომელთა ნაწილმა ხმაურიც გამოიწვია.


სკანდალი სვანეთში ოქროს მოპოვების გამო

2016 წელს მესტიის რაიონის სოფელ იელში, მდინარე ენგურის ნაპირზე, ჩინურმა კომპანიამ შპს Optical Systems Inc-მა ოქროს მოპოვებითი სამუშაოები წამოიწყო, რამაც ადგილობრივი მოსახლეობა აღაშფოთა - სოფელში ტექნიკა ღამით შეიყვანეს და რამდენიმე დღეში მთლიანად გადათხარეს მიმდებარე ტერიტორია.

იელის მკვიდრთა საპროტესტო აქციის შემდეგ კომპანიამ სოფლიდან ტექნიკა გაიყვანა.

მაშინ მოსახლეობა ირწმუნებოდა, რომ პროექტის სამოქმედო არეალი უფრო მასშტაბურია და ენგურის ხეობას და მიმდებარე თემებს მოიცავდა.

Optical Systems Inc-ის მფლობელები, ისევე როგორც ანაკლიის სასტუმროს ახალი ინვესტორები, ვლადიმერ ფანგანი და ლინა მა გახლავთ.

მაშინ კომპანიაში ამბობდნენ, რომ მათ 2005 წლით დათარიღებული 15-წლიანი ლიცენზია ჰქონდათ, რომელიც ოქროს მოპოვებით სამუშაოებს გულისხმობდა. თუმცა, როგორც გაირკვა, მათ მხოლოდ ოქროს სინჯის აღებისთვის საჭირო ლიცენზია ჰქონდათ. ნებართვა მათ გარემოს დაცვის მაშინდელმა მინისტრმა გიორგი პაპუაშვილმა მისცა, მოსახლეობის თქმით ეს პაპუაშვილის მიერ დატოვებული „ნაღმი“ იყო.


2005 წლის 6 სექტემბრის #329 ბრძანების საფუძველზე შპს Optical Systems Inc-ს 15 წლის ვადით მიეცა მესტიის მუნიციპალიტეტში კეთილშობილი ლითონების შესწავლა-მოპოვებაზე წიაღით სარგებლობის ლიცენზია.


ნავთობი და გაზი

2017 წლის 22 მაისს საქართველოს ენერგეტიკის სამინისტრომ ღია საერთაშორისო ტენდერის შედეგად ახალი ინვესტორი შეარჩია. კომპანიამ სალიცენზიო ბლოკებზე ნავთობისა და გაზის რესურსებით სარგებლობის 25 წლიანი ლიცენზია მოიპოვა.

გამარჯვებული კომპანია „ჩინეთის ახალი ვარკვლავი“ იყო. მაშინ გამომძიებელ ჟურნალისტთა გაერთიანებამ ამ კომპანიის ფინანსური მდგომარეობა ეჭვქვეშ დააყენა სხვადასხვა მიზეზების გამო: 1. სასამართლო საქმეების მიხედვით, 2016 წელს კომპანიის ვალმა ჩინეთში მოქმედი სხვა კომპანიების მიმართ 8.6 მილიონი აშშ დოლარი შეადგინა; 2. კომპანიამ აღიარა, რომ მას არ შეეძლო 60 მილიონი იუანის (9 მილიონი აშშ დოლარი) გადახდა 2012 წელს გაცემული კერძო ობლიგაციებისთვის;

ამავე პროექტით დაინტერესებული და ტენდერში „ჩინეთის ახალი ვარსკვლავის“ კონკურენტი შპს. VM ENERGY იყო, რომლის 60 პროცენტიანი წილის მფლობელი ვლადიმერ ფანგანია.

შპს VM Energy საქართველოში 2016 წელს დარეგისტრირდა. მისი ერთ-ერთი დირექტორი და 30 პროცენტიანი წილის მფლობელია ლინა მა,  60 პროცენტს ვლადიმერ ფანგანი,10 პროცენტს კი ბესიკ ბუგიანიშვილი ფლობს.


ჰესების კასკადი მტკვარზე

2019 წელს ვლადიმერ ფანგანისა და ლინა მა-ს დუეტი მტკვარზე ჰესების კასკადის მშენებლობის პროექტშიც იკვეთება.

მათ საკუთრებაში არსებულ კომპანია VM Electric-ს მდინარე მტკვარზე ჰესების „კასკადი-4“-ის მშენებლობა მთავრობასთან გაფორმებული ხელშეკრულებით დაევალა.

აღნიშნული პროექტის სკოპინგის ანგარიშში წერია, რომ ინვესტორებს ევალებათ 103.49 მგვტ დადგმული სიმძლავრის 4 საფეხურიანი ჰესების კასკადის მშენებლობა და ექსპლუატაცია. პროექტები თბილისის, მარნეულის რუსთავის და გარდაბნის ტერიტორიაზე უნდა განთავსდეს. ხელშეკრულებას მთავრობასა და VM Electrics- ს შორის 2018 წლის მარტში მოეწერა ხელი.



2020 წლიდან კი ლინა მა და ვლადიმერ ფანგანი ანაკლიაში სასტუმრო კომპლექსის მშენებლობაში ერთვებიან.

ანაკლიაში სასტუმრო-კომპლექსის მოსაწყობად 5 მილიონ ლარზე მეტი ინვესტიცია განხორციელდება. აღნიშნული ქონება აუქციონზე სიმბოლურ ფასად ორჯერ იყო გატანილი. თავდაპირველი პირობის მიხედვით, გამარჯვებულს კომპანიას არანაკლებ 10 000 000 ლარის ინვესტიცია უნდა განეხორციელებინა. მეორედ გამოცხადებულ აუქციონზე კი პირობები შეიცვალა და ამჯერად 5 000 000 მილიონი ლარის ინვესტიციის ჩადების ვალდებულება აქვს.

 

„კომერსანტი“ ვლადიმერ ფანგანს დაუკავშირდა, რომელიც ამჟამად გერმანიაში იმყოფება, ინტერვიუს ბიზნესმენთან უახლოეს მომავალში შემოგთავაზებთ.


მარიამ მორგოშია




„ფაიზერის“ ვაქცინის მცირე რაოდენობა შესაძლოა საქართველომ 3 კვირაში მიიღოს

„ფაიზერის“ ვაქცინის მცირე რაოდენობა შესაძლოა საქართველომ 3 კვირაში მიიღოს
access_time2021-03-05 18:15:08
ჯანდაცვის მინისტრის მოადგილის, თამარ გაბუნიას ინფორმაციით, „ფაიზერის“ ვაქცინა საქართველოში სავარაუდოდ, 22 მარტის კვირაში შემოვა. როგორც მან სამინისტროში გამართულ ბრიფინგზე განაცხადა, მარტის თვის ბოლოსთვის ქვეყანაში შესაძლოა „ასტრაზენეკას“ ვაქცინაც შემოვიდეს. „წინასწარი ინფორმაციით, „ფაიზერის“ ვაქცინის მოწოდება მოხდება 22 მარტის კვირაში, ამდენად, მარტის ბოლომდე ვაქცინაციის პროგრამა „ფაიზერის“ მიმართულებით დაიწყება. სიახლეა „ასტრაზენეკასთან“...

გაიაფებული რიყის დოქები ისევ ვერ გაიყიდა

გაიაფებული რიყის დოქები ისევ ვერ გაიყიდა
access_time2021-03-05 19:00:38
რიყის დოქები ისევ არ გაიყიდა. ხელახალი აუქციონზე მისი ფასი 24 მლნ-მდე ლარით იყო გაიაფებული და აუქციონზე 71,25 მლნ ლარად იყო შეთავაზებული. ქონება პროექტი „100 საინვესტიციო შეთავაზება ბიზნესს“ ფარგლებში იყო აუქციონზე გამოტანილი. ეკონომიკისა და მდგრადი განვითარების სამინისტრო ამ უძრავი ქონების გაყიდვას ზუსტად ერთ წელზე მეტია ცდილობს. 2020 წლის 5 თებერვალს აუქციონზე მისი საწყისი გასაყიდი ფასი 95 მლნ ლარი იყო, თუმცა ვაჭრობა ლოტზე არ...

„სამშენებლო სექტორი ხელისუფლებასთან მეტ კომუნიკაციას და პრობლემების დროულ მოგვარებას საჭიროებს“ - საქართველოს ბიზნეს ასოციაცია

„სამშენებლო სექტორი ხელისუფლებასთან მეტ კომუნიკაციას და პრობლემების დროულ მოგვარებას საჭიროებს“ - საქართველოს ბიზნეს ასოციაცია
access_time2021-03-05 15:00:36
მშენებლობისა და ინფრასტრუქტურის კომიტეტის ფორმატით საქართველოს ბიზნეს ასოციაციაში გამართულ სამუშაო შეხვედრაზე სამშენებლო და დეველოპერულ ინდუსტრიაში არსებული გამოწვევები და პრობლემები განიხილეს, რომელთა უმეტესობა წლების მანძილზე დაგროვდა და სახელმწიფოს დროულ რეაგირებას საჭიროებს. როგორც ასოციაციის წევრი კომპანიების წარმომადგენლები აცხადებენ, სამშენებლო სექტორს სახელმწიფო სტრუქტურებში არ ჰყავს ერთი პირდაპირი კურატორი, რომელიც მოისმენს მათ წინაშე არსებულ...

„დავიწყეთ დარბაზის მომზადება გახსნისთვის, პირბადე სავალდებულოა, მაგრამ არა ინტენსიური ვარჯიშის დროს“ - World Class

„დავიწყეთ დარბაზის მომზადება გახსნისთვის, პირბადე სავალდებულოა, მაგრამ არა ინტენსიური ვარჯიშის დროს“ -  World Class
access_time2021-03-05 17:30:20
თითქმის 1 წლიანი პაუზის შემდეგ, 15 მარტიდან ქვეყნის მასშტაბით, ფიტნეს დარბაზები გაიხსნება. ამის შესახებ გადაწყვეტილება საკოორდინაციო საბჭოზე თებერვლის ბოლო კვირაში მიიღეს. World Class-მა გახნის დღისთვის მზადება უკვე დაიწყო. პრემიუმ კლასის ფიტნეს ცენტრის შემადგენლობაში საუნაც შედის, სადაც მხოლოდ ერთ ადამიანს ექნება შესვლის საშუალება. ხოლო პირბადის ტარება სავალდებულო წინა გახსნის დროსაც იყო, თუმცა მხოლოდ გარკვეულ ზონებში. „დავიწყეთ...

დღის Top 10 საინტერესო ამბავი

დღის Top 10 საინტერესო ამბავი
access_time2021-03-05 21:30:02
დღის Top 10 საინტერესო ამბავი: 1.„რეგულაცია ხარჯების გაზრდას და საეჭვო გარიგებების შემცირებას გამოიწვევს“ - ლომბარდებს შსს-ისთვის ინფორმაციის მიწოდება დაევალათ ლომბარდებს, ანუ „სესხის გამცემ სუბიექტებს“ აქვთ ვალდებულება 1-ელი აპრილისთვის უკვე...


მსგავსი სიახლეები

up