ონლაინ სათამაშო ბიზნესის შეზღუდვასთან დაკავშირებით არასამთავრობოები განცხადებას ავრცელებენ

ონლაინ სათამაშო ბიზნესის შეზღუდვასთან დაკავშირებით არასამთავრობოები განცხადებას ავრცელებენ

access_time2021-12-04 18:18:30

არასამთავრობო ორგანიზციები, საქართველოს პრემიერ-მინისტრის ინიციატივაზე ონლაინ სათამაშო ბიზნესის შეზღუდვასთან დაკავშირებით, განცხადებას ავრცელებენ.

განცხადებაში აღნიშნულია, რომ სათამაშო ბიზნესი მოსახლეობის გაღარიბებისა და ქვეყნის ეკონომიკური განვითარების სერიოზულ შემაფერხებელი ფაქტორია.

„განსაკუთრებით შემაშფოთებელია, რომ სუიციდის სტატისტიკაში დიდი წილი სწორედ სათამაშო ბიზნების გამო გაკოტრებულ ადამიანებზე მოდის. ამასთან, საქართველოს ნახევარი მილიონი მოქალაქე დამოკიდებულია აზარტულ თამაშებზე. მათი უმრავლესობა ასოციალურია და არანაირი ინტერესი ოჯახის, სამუშაოს, მეგობრებისა და ა.შ. მიმართ აღარ გააჩნიათ.

აზარტული თამაშების რეგულირების სახელმწიფო კომისიის მუშაობის პერიოდში შეთანხმდა განსახილველი საკითხების უმრავლესობა. პროცესში სახელმწიფო ინსტიტუტებთან ერთად ჩართული იყვნენ საქართველოს საპატრიარქო, იუნისეფი, ჯანმრთელობის მსოფლიო ორგანიზაცია, დარგის ექსპერტები და შესაბამისი არასამთავრობო ორგანიზაციები. ქვეყანაში აზარტული თამაშების დასარეგულირებლად მთელი რიგი ეფექტური ზომები განისაზღვრა, თუმცა შემდეგ პროცესი ისევ საეჭვოდ შეჩერდა.

ამჯერად, პრემიერმა გაახმოვანა ახალი ინიციატივა, რომელიც მხოლოდ ონლაინ აზარტული თამაშების შეზღუდვას ეხება და ისიც ნაწილობრივ. ეს ზომები დაგვიანებულია, რადგან ამ პერიოდში ათეულ ათასობით ადამიანი გაკოტრდა და ასობით ახალგაზრდამ სიცოცხლე მოისწრაფა, თუმცა, მნიშვნელოვანი ინიციატივაა და მისასალმებელია. იმედია, პოლიტიკური ნება მყარია საიმისოდ, რომ ხელისუფლებამ ბოლომდე მიიყვანოს დანაპირები და უახლოეს პერიოდში სრულად და ეფექტურად დაარეგულიროს ეს ე.წ. ბიზნესი, რომელსაც მხოლოდ რამდენიმე ადამიანისათვის მოაქვს სარგებელი და ხელს უშლის ქვეყნის ეკონომიკურ განვითარებას, განსაკუთრებით პანდემიის პირობებში.

ჩვენი მოქალაქეების სიცოცხლის, ჯანმრთელობის და კეთილდღეობის დასაცავად აუცილებელია:



აზარტული თამაშების ყველა სახის რეკლამის, პოპულარიზაციისა და სპონსორობის სრული აკრძალვა (ყველა სახის აზარტული თამაშების)

მოთამაშეთათვის ასაკობრივი ზღვრის, 25 წლის დაწესება ონლაინ და სახმელეთო აზარტული თამაშებისათვის; შესაბამისი კონტროლის მექანიზმის შემოღებით, რომლის საშუალებითაც არ მოხდება ონლაინ მოთამაშეების სხვა ქვეყნის ონლაინ საიტებზე გადადინება, სადაც ასეთი ასაკობრივი ზღვარი არაა.

მოთამაშეთათვის ფინანსური ცენზისა და წაგების მარჟის დადგენა. კერძოდ, თამაში აეკრძალოს სოციალური დახმარების მიმღებ და ასევე წელიწადში 40000 ლარამდე შემოსავლის მქონე პირს. ასევე საჯარო მოხელეებს, ექიმისა და პედაგოგის პროფესიის პირებს. წაგების ყოველწლიურ მარჟად განისაზღვროს შემოსავლის მხოლოდ 10%-ის დონეზე.

ონლაინ თამაშების სრულად გაუქმება 2024 წლამდე.

სახმელეთო სათამაშო ბიზნესის სრულად გადატანა მაქსიმუმ ორ დაუსახლებელ საზღვრისპირა რეგიონში, 2026 წლამდე.

სპეციალური გადასახადის დაწესება აზარტული თამაშების კომპანიებისათვის (ბრუნვის 10%-ის დონეზე), რომელიც მიემართება აზარტულ თამაშებზე დამოკიდებულების პრევენციისა და მკურნალობის სახელმწიფო პროგრამის დასაფინანსებლად.

აზარტულ თამაშებზე დამოკიდებულების პრევენციისა და მკურნალობის საშუალოვადიანი სტარტეგიისა და სამოქმედო გეგმის შემუშავება-დამტკიცება“, - აღნიშნულია განცხადებაში, რომელსაც ხელს აწერენ: სამოქალაქო ინიციატივების პლატფორმა; დედები აზარტული თამაშების წინააღმდეგ; ჯანმრთელობის ხელშეწყობისა და განათლების ფონდი.






პრემიერი საწვავის კიდევ უფრო გაიაფებას ელოდება - აგვისტოს ბოლომდე ჯამში 20-30 თეთრით

პრემიერი საწვავის კიდევ უფრო გაიაფებას ელოდება - აგვისტოს ბოლომდე ჯამში 20-30 თეთრით
access_time2022-08-15 15:00:47
გვაქვს ჩვენ განცდა იმისა, რომ შესაბამისად არ ჰპოვა ასახვა საწვავის ფასებმა და არ მოხდა საწვავის ფასების პროპორციულად დაკლება, ამიტომ, საჭიროა, უფრო გავააქტიუროთ მუშაობა საწვავის იმპორტიორებთან, - ამის შესახებ საქართველოს პრემიერ-მინისტრმა ირაკლი ღარიბაშვილმა, მთავრობის სხდომაზე განაცხადა. როგორც პრემიერმა აღნიშნა, მან რეკომენდაციით მიმართა კონკურენციის სააგენტოს, დაიწყოს მოკვლევა და შეამოწმონ იმპორტიორების კეთილსინდისიერება, რამდენად სწორად ხდება კონკურენციის პირობების...

არ დაანთოთ ცეცხლი ტყის ან ველის სიახლოვეს - საგანგებო სიტუაციების მართვის სამსახური მოსახლეობას აფრთხილებს

არ დაანთოთ ცეცხლი ტყის ან ველის სიახლოვეს - საგანგებო სიტუაციების მართვის სამსახური მოსახლეობას აფრთხილებს
access_time2022-08-15 15:40:18
მაღალი ტემპერატურიდან გამომდინარე, საგანგებო სიტუაციების მართვის სამსახური მოსახლეობას მაღალი სამოქალაქო პასუხისმგებლობისკენ მოუწოდებს და სთხოვს არ დაანთონ ცეცხლი სასოფლო სამეურნეო სავარგულებზე, ტყის ან ველის სიახლოვეს და არ დატოვონ ცეცხლის კერები უყურადღებოდ. „გაცნობებთ, რომ მომავალი დღეების განმავლობაში მთელი საქართველოს მასშტაბით შენარჩუნდება მომატებული ტემპერატურა და უნალექო ამინდები. გარდა ამისა, მთიან...

13:00 საათისთვის, Bloomberg-ზე 1 დოლარი 2.8050 ლარად ივაჭრება, ბანკებში კი 1 დოლარი 2.8500 და 2,8600 ლარი ღირს

13:00 საათისთვის, Bloomberg-ზე 1 დოლარი 2.8050 ლარად ივაჭრება, ბანკებში კი 1 დოლარი 2.8500  და 2,8600 ლარი ღირს
access_time2022-08-15 13:00:23
Bloomberg-ის სავაჭრო პლატფორმაზე 13:00 საათისთვის ერთი დოლარი 2.8050  ლარად ივაჭრება. პლატფორმაზე ვაჭრობა 2.7050 კურსით დაიწყო.   12 აგვისტოს ვაჭრობის შედეგად აშშ დოლარი გამყარდა და 2.7089 ლარი შეადგინა. კურსი, რომელიც დღეს მოქმედებდა, 2.7016 ლარი იყო. შესაბამისად, დოლარის ცვლილებამ ეროვნულ ვალუტასთან მიმართებაში -0.73 თეთრი...

შესაძლოა, მიმდინარე და მომავალ კვირას კორონავირუსით ინფიცირების შემთხვევების პიკი იყოს - ივანე ჩხაიძე

შესაძლოა, მიმდინარე და მომავალ კვირას კორონავირუსით ინფიცირების შემთხვევების პიკი იყოს - ივანე ჩხაიძე
access_time2022-08-15 14:00:14
შესაძლოა, მიმდინარე და მომავალ კვირას კორონავირუსით ინფიცირების შემთხვევების პიკი იყოს, - ამის შესახებ იაშვილის სახელობის ბავშვთა ცენტრალური საავადმყოფოს სამედიცინო დირექტორმა, თსსუ-ის პროფესორმა ივანე ჩხაიძემ განაცხადა. როგორც ის განმარტავს, მოსალოდნელია, რომ აგვისტოს ბოლოს და სექტემბრის დასაწყისში შემცირდეს ინფიცირების შემთხვევები. „კორონავირუსით ინფიცირების სტატისტიკას თუ გადავხედავთ, ვნახავთ, რომ ივნისთან...

საარსებო მინიმუმი ივლისში წინა თვესთან შედარებით შემცირდა და 245,3 ლარს შეადგენს

საარსებო მინიმუმი ივლისში წინა თვესთან შედარებით შემცირდა და 245,3 ლარს შეადგენს
access_time2022-08-15 12:00:57
საარსებო მინიმუმი ივლისში წინა თვესთან შედარებით შემცირდა და 245,3 ლარს შეადგენს. „საქსტატის“ მონაცემებით, შრომისუნარიანი ასაკის მამაკაცის საარსებო მინიმუმი ივნისთან შედარებით 10 ლარით არის შემცირებული, წლიურად კი თითქმის 61.8 ლარით არის გაზრდილი. საშუალო მომხმარებლის საარსებო მინიმუმი 217.3 ლარით განისაზღვრა. აღსანიშნავია, რომ ეკონომისტები საარსებო მინიმუმის დათვლის საჭიროებას ვერ ხედავენ. მით უფრო იმის გათვალისწინებით, რომ მისი ცვლილება...


მსგავსი სიახლეები

up