„ჩვენი პროდუქცია მზადდება მაღალი ხარისხის ეკო მასალებით და ინდივიდუალური აქსესუარებით, გარდა განსხვავებული დიზაინისა, ჩანთები წარმოადგენს ფასისა და ხარისხის საუკეთესო ტანდემს,“ - კომერსანტის დილაში  ჩანთებისა და აქსესუარების ქართული ბრენდის „ელიზაბეტის“ დამფუძნებელი, ნათია შიუკაშვილი ბრენდის შექმნის იდეასა და უპირატესობებზე საუბრობს. ქართული ბრენდი,რომელიც  2018 წლიდან არსებობს ქართულ ბაზარზე 2021 წელს მომხმარებლისთვის ასორტიმენტის გაფართოებას გეგმავს.

„ჩანთების და აქსესუარების წარმოების იდეა გაჩნდა 5-6 წლის წინ, მაშინ როდესაც ქართული წარმოების პროდუქცია ძალიან მოთხოვნადი იყო, თუმცა ბაზარზე მაინც შეინიშნებოდა მისი სიმცირე. ბრენდი 2018 წელს ჩამოყალიბდა, ეს თარიღი უკავშირდება ჩემი შვილის, ელიზაბეტის დაბადებას.ელიზაბეტის ჩანთების დიზაინი მორგებულია სხვადასხვა სტილის მოყვარული ადამიანების გემოვნებას. ეს ავსებს,როგორც კლასიკური, ისე ყოველდღიური ჩაცმულობის იმიჯს, აქვს ხელმისაწვდომი ფასი, უმაღლესი ხარისხი და რაც მთავარია, პროდუქცია ქართულია და დამზადებულია საქართველოში.

დღეს საკმაოდ რთული ამოცანის წინაშე დადგა მსოფლიო და განსაკუთრებით ქართველი მწარმოებლები, რადგან პროდუქციის მასალის და ხარისხის ნახვა შესაძლებელია მხოლოდ ფოტო და ვიდეო საშუალებებით, რაც ვერ აკმაყოფილებს მომხმარებლის ინტერესს- აღიქვას პროდუქტის ხარისხი და შეძლოს მისი სათანადოდ შეფასება, ამიტომ ელიზაბეთის გუნდი პროფესიონალი ფოტოგრაფების და კონსულტანტების დახმარებით ამომწურავ ინფორმაციას მიაწვდის მომხმარებელს და დაეხმარება არჩევანის გაკეთებაში,“- ამბობს ნათია შიუკაშვილი.