„ომიკრონი“ ნავთობს აიაფებს

„ომიკრონი“ ნავთობს აიაფებს

access_time2021-12-03 20:00:14

ოპეკ+-ის ქვეყნების ენერგეტიკის მინისტრების შეხვედრამ სენსაციების გარეშე ჩაიარა - კარტელმა ცოტა ხნის წინ ნავთობის ფასის ზრდის ფონზეც კი უარი განაცხადა ადრე დაგეგმილზე მეტად მოპოვების ზრდაზე და ეს მოსალოდნელი მით უმეტეს არ იყო დღეს, როდესაც „შავი ოქრო“ ისევ იაფდება.  

 


ალიანსში გაერთიანებულმა ქვეყნებმა ძალაში დატოვეს ივლისში მიღებული გადაწყვეტილება - ნავთობის მოპოვება დღე-ღამეში 400 000 ბარელით გაიზრდება, იმის მიუხედავად, რომ უკვე რამდენიმე თვის მანძილზე აშშ და სხვა მსხვილი მომხმარებლები უფრო მნიშვნელოვან მატებას მოითხოვენ.

 


ოპეკ+-ის გადაწყვეტილებაზე უმთავრესი გავლენა მოახდინა ინფორმაციამ კორონავირუსის ახლი შტამის „ომიკრონის“ თაობაზე და მასთან დაკავშირებულმა ლოქდაუნის და ეკონომიკური ვარდნის რისკმა.

 


უკვე დღეს, რამდენიმე ქვეყანამ საზღვრების გადაკვეთის წესები და შიდა რეგულაციები გაამკაცრა, რამაც Brent-ის მარკის ნავთობი 82-დან 66 დოლარამდე გააიაფა. მართალია, მოგვიანებით შავი ოქროს ღირებულება 70 დოლარამდე გაიზარდა, თუმცა, „ომიკრონთან“ დაკავშირებული რისკები კვლავ ძალაში რჩება.

 


ნავთობის გაიაფების ფონზე ოპეკ+-ის ქვეყნებს შეეძლოთ შეხვედრის გადადება, სანამ ახალი ვირუსის თვისებები და მასთან დაკავშირებული რისკები მეტ-ნაკლებად გაირკვეოდა, რადგანაც მისი რეალური საფრთხე და მოწინავე ქვეყნების ეკონომიკებზე გავლენა ბოლომდე დაზუსტებული არაა. თუმცა, კარტელი პანიკურ განწყობებს არ აჰყვა და ამით ისედაც დაძაბული მდგომარეობა უფრო მეტად არ გაამწვავა.


 


მეორეს მხრივ, ოპეკ+ ძლიერ ზეწოლას განიცდის აშშ-ს და სხვა მსხვილი მომხმარებლებისგან, რომლებიც მსოფლიო ეკონომიკის პანდემიური დონემდე სწრაფ დაბრუნებაში არიან დაინტერესებულები, ამას კი ენერგომატარებლებზე მაღალი ფასები აფერხებს.

 


ამიტომაც ისინი ოპეკ+-ის ქვეყნებისგან მოპოვების უფრო მნიშვნელოვან ზრდას და, შესაბამისად, ფასების შემცირებას მოითხოვენ. ამერიკის პრეზიდენტის მხრიდან ქვეყნის სტრატეგიული რეზერვიდან ბაზრისთვის 50 მლნ ბარელის მიწოდების გადაწყვეტილება სწორედ ამასთან იყო დაკავშირებული.

 


ვაშინგტონის ინიციატივას ინდოეთი, სამხრეთ კორეა, იაპონია, ბრიტანეთი და რაც ყველაზე მოულოდნელი იყო, ჩინეთიც შეუერთდნენ, რის გამოც ფასების შემცირება დაიწყო. ეს ტენდენცია „ომიკრონთან“ დაკავშირებულმა რისკებმაც გააძლიერა.

 


ჯამურად ეს ქვეყნები სტრატეგიული რეზერვებიდან მხოლოდ 70 მლნ ბარელს გამოუშვებენ, თუმცა, პროცესი დეკემბრის შუა რიცხვებში დაიწყება.

 


როგორი იქნება იმ დროს ნავთობის ფასის ტრენდები - ძნელი სათქმელია, თუმცა, ოპეკ+-ის ქვეყნების წარმომადგენლების შეხვედრა 2022 წლის წლის პირველ დღეებში შედგება, რაც საჭიროების შემთხვევაში კორექტივების შეტანის საშუალებას იძლევა.

 


ამ ეტაპზე ექსპორტიორები ოპეკ+-ის ტექნიკური კომიტეტის პროგნოზით ხელმძღვანელობენ, რომლის თანახმად, 2022 წელს ბაზარზე მიწოდება მოთხოვნას დღე-ღამეში 1,7 მლნ. ბარელით გადააჭარბეს, მაშინ, როდესაც დღეს დეფიციტი 1,2 მლნ. ბარელს შეადგენს.

 

Haqqin.az





ომის ზღვარზე - რუსეთი უკრაინის საზღვართან ჯავშანტექნიკის რაოდენობას ზრდის

ომის ზღვარზე - რუსეთი უკრაინის საზღვართან ჯავშანტექნიკის რაოდენობას ზრდის
access_time2022-01-20 19:00:25
რუსეთის მხრიდან უკრაინაზე თავდასხმის ალბათობა ამ დრომდე ნარჩუნდება. მძიმე ტექნიკა და 100 ათასზე მეტი ჯარისკაცი მოსკოვს მეზობელი ქვეყნის საზღვრიდან არ გაჰყავს და კონტიგენტს თითქმის ყოველდღე ცოცხალი ძალითა თუ ჯავშანტექნიკის დამატებითი ერთეულებით ავსებს. დასავლეთი პუტინს სანქციებით ემუქრება, წარსულის გამოცდილება აჩვენებს, რომ კრემლში სანქციების არ ეშინიათ, თუმცა სანქციებსაც გააჩნია, ერთია ალუმინის მომპოვებელი საწარმოს მეწილისთვის ვიზის არ მიცემა და მეორე საერთაშორისო საბანკო გადარიცხვების...

20 იანვარი - ლარის კურსი უმეტეს ვალუტასთან მიმართებით გამყარდა

20 იანვარი - ლარის კურსი უმეტეს ვალუტასთან მიმართებით გამყარდა
access_time2022-01-20 18:00:08
20 იანვრის ვაჭრობის შედეგად ლარი აშშ დოლართან მიმართებაში 0.15 თეთრით 3.0825- მდე გამყარდა. Bloomberg-ის პლატფორმაზე დღის ბოლოს კურსმა 3.0800 შეადგინა. საერთაშორისო ვალუტებიდან ლარი ევროსთან 1.50 თეთრით 3.4980-მდე, ბრიტანულ ფუნტთან 0.02 თეთრით 4.1990 -მდე, 1000 სომხურ დრამთან კი 1.36 თეთრით 6.3946-მდე, 100 რუსულ რუბლთან 0.66 თეთრით 4.0305-მდე, აზერბაიჯანულ მანათთან 0.08 თეთრით 1.8160-მდე გამყარდა.  თურქულ ლირასთან 0.14 თეთრით 0.2293-მდე...

დღის TOP10 საინტერესო ამბავი

დღის TOP10 საინტერესო ამბავი
access_time2022-01-20 21:00:32
დღის TOP10 საინტერესო ამბავი:     1. თბილისი - 190 მლნ ლარი, ბათუმი - 105 მლნ ლარი, ქუთაისი - 30 მლნ ლარი - მუნიციპალიტეტების ინფრასტრუქტურული გეგმები საქართველოს მთავრობამ 2022 წლის სახელმწიფო ბიუჯეტის გადამუშავებული ვერსია წარადგინა. ბიუჯეტის განახლებული ვერსია ხარჯების ზრდას...

„აირზენას“ შეძენით ჩინური და არაბული კომპანიები არიან დაინტერესებული

„აირზენას“ შეძენით ჩინური და არაბული კომპანიები არიან დაინტერესებული
access_time2022-01-20 20:00:00
„საქართველოს ეროვნული ავიაკომპანიის „აირზენას“ შესაძენად უკვე არის დაინტერესება ჩინური და არაბული კომპანიის მხრიდან“. ამის შესახებ „ჯორჯიან ეარვეისის“ ყოფილმა დირექტორმა, „საქართველოს ბიზნეს ბროკერიჯის“ დამფუძნებელმა რომან ბოკერიამ რადიო „პალიტრასა“ და „პალიტრანიუსის“ გადაცემაში „საქმე“ განაცხადა. მისივე თქმით, ხელშეკრულებით არაბული კომპანიის დასახელება არ შეუძლია, რაც შეეხება ჩინურ მხარეს, ბოკერიას თქმით, „აირზენას“ შეძენით დაინტერესებულია სინჩუანის პროვინციის...

გაძვირებული გადაზიდვები და შეჩერებული პროექტები - ფოთის თიზ-ის 2021 წელი

გაძვირებული გადაზიდვები და შეჩერებული პროექტები - ფოთის თიზ-ის 2021 წელი
access_time2022-01-21 10:00:17
ფოთის თავისუფალი ინდუსტრიული ზონის (თიზ) გენერალური დირექტორი დავით ებრალიძე “კომერსანტთან” 2021 წელსაჯამებს და აცხადებს, რომ მთავარი გამოწვევა მიმდინარე პანდემია და პანდემიით გამოწვეული თანმხლები ფაქტორები იყო, რაც აისახა ტვირთების ტრანსპორტირების ღირებულების გაზრდაზე და...


მსგავსი სიახლეები

up