ამერიკული კომპანია Bunge რუსეთში საქმიანობას ამცირებს და კომპანია „ბუნგე დსთს“ ყიდის. ამის შესახებ crispy.news–ს აგრარული ბაზრიდან ინფორმირებულმა წყარომ აცნობა.

„გვაქვს ინფორმაცია გასაყიდად მზადებაზე, აქტივი საინტერესოა, ერთ–ერთი საუკეთესო ქარხანაა ბაზარზე“, – აღნიშნა მან.

კიდევ ერთი წყაროს თქმით, რომელსაც ასევე სმენია კომპანიის ასეთ გეგმებზე, ქარხნის შეძენის მსურველი ბევრი იქნება, „მისი ძლიერი ბრენდებიდან გამომდინარე“.

ზეთსახდელი ქარხანა ვორონეჟის ოლქში Bunge–ს 2008 წელს ააშენა და საინვესტიციო პორტფელმა $130 მლნ შეადგინა. საწარმოს სიმძლავრე 540 000 ტ ნედლეულის გადამუშავებას და 200 მლნ ბოთლი ზეთის წარმოებას შეადგენს წელიწადში. „ბუნგე დსთ“ შემდეგ სავაჭრო მარკებს ფლობს: „ოლეინა“, „იდეალი“, „მასლენიცა“ და სხვ.

გამოცემის ინფორმაციით, „ბუნგე დსთ“–ს მფლობელი 27 ივნისს შეეცვალა და მას დღეს ბერმუდის კუნძულებზე რეგისტრირებული Integrated Vegetable Oils and Proteins Holdings Ltd. მართავს.

gbc.ge