კომპანიამ „ოლ-პი ჯგუფი“ COVID-19 ვირუსის წინააღმდეგ ბრძოლისთვის 10 000 ლარი #StopCoV ფონდში გადარიცხა.#StopCoV ფონდში აკუმულირებული თანხა, პრემიერ-მინისტრის ინიციატივით შექმნილი პლატფორმის ფარგლებში, ბიზნესომბუდსმენის აპარატისა და კერძო სექტორის კოორდინაციით, იდენტიფიცირებული საჭიროებების დასაკმაყოფილებლად მიემართება.

ფონდის მხარდაჭერის პარალელურად, ,,ოლ-პი ჯგუფი“ არ წყვეტს ვირუსის გავრცელების საწინააღმდეგოდ მისსავე დაწყებულ ღონისძიებებს, რაც სოციალურად დაუცველი მოხუცების მზრუნველობაში გამოიხატება. სოციალური პასუხისმგებლობის ფარგლებში, კომპანიამ თავშესაფართა ბენეფიციარებს საკვები პროდუქტები, მედიკამენტები და პირველადი მოხმარების ნივთები გადასცა. გამომდინარე იქიდან, რომ COVID-19-ით დაინფიცირების მაღალი რისკის ჯგუფში ხანდაზმულები არიან, ,,ოლ-პი ჯგუფი“ მიიჩნევს, რომ მათზე ზრუნვა, მოცემულ სიტუაციაში, განსაკუთრებით უნდა გაძლიერდეს.

,,ოლ-პი ჯგუფი“ პარტნიორ კომპანიებს ინიციატივის გაზიარებას სთხოვს, რათა კერძო სექტორი, სახელმწიფო და მთლიანი საზოგადოება, ერთიანი ძალებით გაუმკლავდეს არსებულ გამოწვევას.

(R)