ოფთალმოლოგიის ეროვნულ ცენტრში უცხოელი სპეციალისტები თვალის რთულ ოპერაციებს ქართველ კოლეგებთან ერთად ჩაატარებენ

ოფთალმოლოგიის ეროვნულ ცენტრში უცხოელი სპეციალისტები თვალის რთულ ოპერაციებს ქართველ კოლეგებთან ერთად ჩაატარებენ

access_time2018-05-17 15:32:42

ოფთალმოლოგიის ეროვნულ ცენტრში თვალის ბადურაზე ოპერაციებს გერმანიიდან, ჩეხეთიდან, ლიტვიდან და უკრაინიდან მოწვეული თვალის მიკროქირურგები ჩაატარებენ. ქირურგები მონაცვლეობით ნიუ ჰოსპიტალსის ოფთალმოლოგიის ეროვნულ ცენტრს 21 მაისიდან ეწვევიან და შემდგომი 6 თვის განმავლობაში გაუწევენ პაციენტებს ოფთალმოლოგიურ მომსახურებას.
მოწვეული სპეციალისტების მიერ მოხდება პაციენტებისთვის ბადურის დაავადებების დიაგნოსტირება და ჩატარდება მრავალი ქირურგიული პროცედურა ისეთი დაავადებების სამკურნალოდ, როგორიცაა ბადურის ჩამოცლა (ტრაქციული, რეგმატოგენური), ეპირეტინული მემბრანა (მაკულარული ნაოჭი), უცხო სხეულის ექსტრაქცია და ბადურასთან ან მინისებრი სხეულის შემღვრევასთან დაკავშირებული სხვა დაავადებები.



ოფთალმოქირურგების ვიზიტის ფარგლებში მოხდება კატარაქტის და სხვა ოფთალმოლოგიური დაავადებების რთული შემთხვევების განხილვა და მკურნალობა ოფთალმოლოგიის ეროვნული ცენტრის ქართველ, გამოცდილ კოლეგებთან ერთად. ასევე, ცენტრის ბაზაზე ჩატარდება ღონისძიებები, კონფერენციებისა და სემინარების სახით, რაც ქართველ კოლეგებთან გამოცდილების გაზიარებას ისახავს მიზნად.



მედიცინის დოქტორი, ივან ფიშერი, პრაღის ევროპული თვალის კლინიკის, „ლექსუმის“ ხელმძღვანელია და უდიდესი გამოცდილება გააჩნია ვიტრეორეტინულ ქირურგიაში. იგი მრავალი წელია მუშაობს მსოფლიოს წამყვან ოფთალმოლოგიურ კლინიკებში, მათ შორის აშშ-სა და ჩეხეთში, ჩატარებული აქვს ათასობით ქირურგიული პროცედურა და არის არაერთი სამეცნიერო პუბლიკაციის და სახელმძღვანელოს ავტორი.




მედიცინის დოქტორი და ოფთალმოქირურგი, კონსტანტინე ფურცხვანიძე, 2004 წლიდან მოღვაწეობს გერმანიაში, კილის საუნივერსიტეტო კლინიკაში, სადაც პროფესიული გამოცდილების მანძილზე ჩატარებული აქვს ათასობით ქირურგიული პროცედურა და არის მრავალი სამეცნიერო ნაშრომის ავტორი. მისი სპეციალიზაცია მოიცავს ვიტრეორეტინულ ქირურგიას, კატარაქტის ქირურგიას, თვალის პოსტტრავმულ ქირურგიას, ონკო-ოფთალმოლოგიას, ონკო-ქირურგიას, ნეირო-ოფთალმოლოგიას, ასევე ქუთუთოების და საცრემლე არხის ქირურგიას.



მიხაილო გავურა დნეპროპეტროვსკის რეგიონული კლინიკური ოფთალმოლოგიური ჰოსპიტალის წამყვანი ოფთალმოლოგი და სამედიცინო კვლევების ავტორია. ჩატარებული აქვს მრავალი ათასი ქირურგიული პროცედურა და მისი სპეციალიზაციის სფერო მოიცავს ვიტრეორეტინულ ქირურგიას, თვალის მიკროქირურგიას, ხელოვნური ბროლების იმპლანტაციას, ფაკოემულსიფიკაციას, პედიატრიული ოფთალმოლოგიასა და ნეირო-ოფთალმოლოგიას.



მედიცინის დოქტორი, მარტინას სპეჩკაუსკასი, ლიტვის საუნივერსიტეტო ჰოსპიტალის წამყვანი ოფთალმოლოგი და მეცნიერ-თანამშრომელია, რომელსაც მრავალწლიანი გამოცდილებაც ათასობით ქირურგიულ პროცედურას ითვლის თვალის ქირურგიის, ვიტრეორეტინული ქირურგიის და კატარაქტის ქირურგიის მიმართულებით.



საუკუნოვანი გამოცდილების მქონე ოფთალმოლოგიის ეროვნული ცენტრი ლიდერია ოფთალმოლოგიური პროცედურების, ქირურგიისა და დიაგნოსტიკის მიმართულებით, ის 2011 წლიდან „ნიუ ჰოსპიტალსში“ ფუნქციონირებს, აღჭურვილია ულტრათანამედროვე სამედიცინო ტექნიკით და საუკეთესო ოფთალმოლოგიური სერვისებით უზრუნველყოფს პაციენტებს, მათ შორის გადაუდებელი ოფთალმოლოგიური დახმარების მომსახურებას, რომელიც 24 საათის განმავლობაშია ხელმისაწვდომი.



ვაშინგტონი ავტომობილების იმპორტის შეზღუდვას გეგმავს

ვაშინგტონი  ავტომობილების იმპორტის შეზღუდვას გეგმავს
person access_time2018-05-24 19:03:09
  ამერიკული მედიის ინფორმაციით, ქვეყნის მთავრობა  ავტომობილების იმპორტზე 25%-იანი საბაჟო ტარიფის შემოღებისთვის ემზადება.   ამ ეტაპზე ეს საკითხი მხოლოდ განხილვის სტადიაშია. თუმცა, იმ შემთხვევაში, თუ  გადაწყვეტილება მიღებულ იქნება, მსოფლიო ავტომრეწველობაში ნამდვილი გადატრიალება  მოხდება. ეს ცვლილება  სერიოზულ დარტყმას პირველ რიგში იაპონიას და ევროკავშირს მიაყენებს,  რომლებიც  შტატებში ავტომობილების უმსხვილესი ექსპორტიორები...

2021 წლამდე PlayStation 5 ბაზარზე არ გამოჩნდება

2021 წლამდე PlayStation 5 ბაზარზე არ გამოჩნდება
person access_time2018-05-24 20:00:00
  კომპიუტერული თამაშების მოყვარულებს PlayStation 5-ის ლოდინი კიდევ 3 წლის განმავლობაში მოუწევთ. აღნიშნულთან დაკავშირებით განცხადება PlayStation-ის ახალმა ხელმძღვანელმა, ჯონ კოდერამ გააკეთა: „მომდევნო ნაბიჯისთვის 3 წელიწადი დაგვჭირდება,“ აღნიშნა მან.   PS 5-ის წინამორბედი ბაზარზე 2013 წლის ნოემბერში გამოვიდა და მისი გაყიდვები ყოველწლიურად იზრდებოდა. თუმცა PlayStation-ის მფლობელი Sony მიმდინარე წელს იგივე შედეგებს აღარ ელოდება. ამის მიუხედავად,...

ბულგარეთი ბაქო-თბილისი-ყარსის პროექტს შეუერთდება

ბულგარეთი ბაქო-თბილისი-ყარსის პროექტს შეუერთდება
person access_time2018-05-24 18:30:00
 „ბულგარეთი გეგმვას აგრარული პროდუქციის, ნავთობპროდუქტების და ქიმიური ნაწარმის ტრანსპორტირებას ბაქო-თბილისი-ყარსის სარკინიგზო მარშურტის მეშვეობით,“ - განაცხადა ბულგაეთის ტრანსპორტის სამინისტრომ. ინფორმაციას  აზერბაიჯანული სააგენტო „ტრენდი“ ავრცელებს.   „ბულგარეთი მდებარეობს ევროპის და აზიის დამაკავშირებელი ტრადიციული სავაჭრო მარშურეტის გზაჯვარედინზე, ქვეყანას გააჩნია განვითარებული სატრანსპორტო ინფრასტრუქტურა, ძალიან კარგი ორმხრივი და მრავალმხირი...

ემანუელ მაკრონი ვლადიმერ პუტინს ხვდება

ემანუელ მაკრონი ვლადიმერ პუტინს ხვდება
person access_time2018-05-24 16:30:55
  დღეს, 24 მაისს, საფრანგეთისა და რუსეთის პრეზიდენტებს შორის შეხვედრაა დაგეგმილი. CNBC-ის მიხედვით, შეხვედრაზე განსახილველ მთავარ თემებს ირანის ბირთვული შეთანხმება, ევროპისა და რუსეთის ურთიერთობები, უკრაინა და ვაჭრობის საკითხი წარმოადგენენ.   შეხვედრას, რომელიც დახურულ კარს მიღმა ჩატარდება, ფონად დასავლეთსა და რუსეთს შორის მნიშვნელოვნად გაუარესებული ურთიერთობები სდევს.   აშშ-მა და ევროკავშირმა რუსეთის წინააღმდეგ ეკონომიკური...

აშშ-ს მიერ ალუმინის და ფოლადის იმპორტის აკრძალვის გამო რუსეთი საპასუხო სანქციებს ამზადებს

 აშშ-ს მიერ ალუმინის და ფოლადის იმპორტის აკრძალვის გამო რუსეთი  საპასუხო სანქციებს ამზადებს
person access_time2018-05-24 18:00:46
  რუსეთს შეუძილია შემოიღოს მაღალი საბაჟო ტარიფები ამერიკულ  პროდუქციაზე აშშ-ს მიერ რუსული ალუმინის და ფოლადის იმპორტის აკრძალვის საპასუხოდ.   „სავარაოდოთ, საუბარია 573 მლნ. დოლარის პროდუქციაზე, რომელიც შემოდის რუსეთში შტატებიდან,“ - ნათქვამია რუსეთის მიერ მსოფლიო სავაჭრო ორგანიზაციაში გაგზავნილ...


მსგავსი სიახლეები

up