„შეიძლება ითქვას, რომ „ოცნების“ ყველა პრემიერ-მინისტრს, ერთი დიდი პროექტის ჩაშლა მაინც უკავშირდება“

„შეიძლება ითქვას, რომ „ოცნების“ ყველა პრემიერ-მინისტრს, ერთი დიდი პროექტის ჩაშლა მაინც უკავშირდება“

access_time2021-09-23 20:00:00

„მტყუან-მართლის გარჩევა სრულად უადგილოა. ფაქტია, ქვეყნის საინვესტიციო გარემო ზიანდება დაკონტრაქტებული და შემდეგ, განუხორციელებელი პროექტებით“ - ასე აფასებს ანალიტიკოსი რამაზ გერლიანი „ნამახვანჰესთან“ დაკავშირებით Enka Renewables-ის მიერ საქართველოს სახელმწიფოსთან გაწყვეტილი ხელშეკრულებას.



გერლიანი ამბობს, რომ ყველაზე მეტად ქვეყნის საინვესტიციო პოტენციალი და განვითარების შანსი, ანაკლიის პროექტის ჩაშლამ დააზარალა, შემდეგ ციფრული აბრეშუმის გზის ჩაშლილმა პროექტმა და სხვა ყველა პროექტი ამის შემდეგაა.



,, აქ მტყუან-მართლის გარჩევა სრულად უადგილოა. ფაქტია, ქვეყნის საინვესტიციო გარემო ზიანდება დაკონტრაქტებული და შემდეგ, განუხორციელებელი პროექტებით. სწორედ ამის დამსახურებაა, ბოლო ოთხი წლის განმავლობაში ინვესტიციების პერმანენტული შემცირება. მეც ვთვლი, რომ ამ სახით და ამ კონტრაქტით არ იყო სწორი ჰესების კასკადის აშენება, მაგრამ ამაში ბიზნესი და კერძო კომპანია კი არა, სახელმწიფოა დამნაშავე. რომელმაც კონტრაქტი დადო და რომლის გაწყვეტის გამოც აუცილებლად მოგვიწევს ჯარიმის გადახდა.




აქ საუბარი არ არის იმაზე, რომ კონკრეტული პროექტი ჩაიშალა და კონკრეტული თანხა არ შემოვა. ეს იწვევს ჯაჭვს და აისახება საინვესტიციო პოტენციალზეც. შეიძლება ითქვას, რომ ,,ოცნების“ ყველა პრემიერ-მინისტრს, ერთი დიდი პროექტის ჩაშლა მაინც უკავშირდება. ეს სისტემის არ ქონის ბრალია. ყველას თავისი ხედვა აქვს და ეს არის არის ერთიანი პოლიტიკის ნაწილი.



ასე შეიძლება ვთქვათ, რომ საინვესტიციო პოტენციალი ,,ოცნების“ ხელისუფლების დროს ჩაშლილი პროექტებიდან, ყველაზე მეტად ანაკლიის ღრმაწყლოვანი პორტის პროექტის ჩაშლამ დააზარალა, ისევე როგორც ეკონომიკის განვითარების და გეოპოლიტიკური მნიშვნელობის ზრდის შანსი. მეორე კი ამ მხრივ ცალსახა იყო ციფრული აბრეშუმის გზის გაჩერებული პროექტი. სხვა, ყველა პროექტი, მათ შორის „ნამახვანჰესი“ ლოკალურად აზარალებს საინვესტიციო გარემოს ეს ორი კი გლობალური მასშტაბის იყო და პროპორციულად დავზარალდით“, - აცხადებს გერლიანი ,,ბიზნესპრესნიუსთან“.



შეგახსენებთ, ENKA საქართველოს მთავრობასთან ხელშეკრულებას წყვეტს - ამის შესახებ ინფორმაციას Enka Renewables-ის მშობელი კომპანიის - ENKA İNŞAAT-ის მიერ სტამბოლის საფონდო ბირჟაზე გამოქვეყნებულ განცხადებაშია აღნიშნული.



bpn.ge







„საპენსიო საკითხებზე პოლიტიკოსებმა კომერციული ბანკის სახით, „განტევების ვაცი“ იპოვეს და ყველა მასზე ცდილობს ხელის შეწმენდას“ - გიორგი კაპანაძე

„საპენსიო საკითხებზე პოლიტიკოსებმა კომერციული ბანკის სახით, „განტევების ვაცი“ იპოვეს და ყველა მასზე ცდილობს ხელის შეწმენდას“ - გიორგი კაპანაძე
access_time2021-10-21 16:00:47
„ახალგაზრდა ფინანსისტთა და ბიზნესმენთა ასოციაციამ“ (აფბა) მიმართვა გაავრცელა და  საქართველოს ოკუპირებული ტერიტორიებიდან დევნილთა, შრომის, ჯანმრთელობისა და სოციალური დაცვის სამინისტროსგან და...

ევროპის საინვესტიციო ბანკმა ტერაბანკს გრძელვადიანი საკრედიტო რესურსი გამოუყო

ევროპის საინვესტიციო ბანკმა ტერაბანკს გრძელვადიანი საკრედიტო რესურსი გამოუყო
access_time2021-10-21 11:55:49
ტერაბანკმა მცირე და საშუალო ბიზნესის დაფინანსებისთვის ევროპის საინვესტიციო ბანკისგან 6 მილიონი ევრო მიიღო. თანხა მთლიანად ამ სეგმენტის გაჯანსაღებასა და განვითარებას, COVID-19-ის პანდემიით გამოწვეული ზიანის შემცირებასა და სწრაფ რეაბილიტაციას მოხმარდება.   სესხი ევროპის საინვესტიციო ბანკის მცირე და საშუალო ბიზნესის განვითარების ინიციატივის ნაწილია, რომელიც საქართველოში ამ სეგმენტისთვის დაფინანსების ხელმისაწვდომობისა და ადგილობრივი საბანკო სექტორის...

თბილისში ამერიკული ჰოსპიტალი გაიხსნა

თბილისში ამერიკული ჰოსპიტალი გაიხსნა
access_time2021-10-21 15:00:35
American Intercontinental Healthcare Group-ის ოპერატორობით თბილისში მრავალპროფილური სამედიცინო ცენტრი „ამერიკული ჰოსპიტალი თბილისი“ გაიხსნა, რომელიიც აშშ-ის საერთაშორისო განვითარების საფინანსო კორპორაციის მხარდაჭერით საქართველოს სახელმწიფოს ინტერესებით შეიქმნა. პროექტის განხორციელებისთვის გაწეული პირდაპირი ინვესტიცია 50 მილიონ აშშ დოლარს აღემატება.    ჯანდაცვის სექტორისთვის სტრატეგიული ობიექტი წარმოდგენილია 183 საწოლით და სხვადასხვა მიმართულების განყოფილებით, რომელიც...

„კრისტალმა“ ბიზნეს პროცესების მართვის ახალი სისტემა დანერგა

„კრისტალმა“ ბიზნეს პროცესების მართვის ახალი სისტემა დანერგა
access_time2021-10-21 09:55:18
ფინანსური ჩართულობის ორგანიზაცია „კრისტალი“ ციფრული ტრანსფორმაციისკენ მნიშვნელოვანი ნაბიჯების გადადგმას აგრძელებს. სწორედ ამ სტრატეგიის ნაწილს წარმოადგენს ძირითადი ბიზნეს პროცესების მართვის ახალი სისტემა - „ალტას“ პროგრამული უზრუნველყოფა, რომლის დანერგვაც კომპანიამ წარმატებით დაასრულა. „ალტას“ პროგრამული უზრუნველყოფა, რომლითაც მანამდე არსებული ძირითადი ბიზნესპროცესების მართვის სისტემა ჩანაცვლდა, გაცილებით მოქნილი და საბანკო სფეროში აპრობირებულია...

დღის TOP10 საინტერესო ამბავი

დღის TOP10 საინტერესო ამბავი
access_time2021-10-20 21:00:05
დღის TOP10 საინტერესო ამბავი:     1. ინტერნეტ–გადახდების რაოდენობა 100%-ით გაიზარდა - როგორ შეცვალა პანდემიამ მომხმარებლის ქცევა კოვიდ პანდემიის ფონზე საბარათე ოპერაციებისა და ბარათით გადახდების მაჩვენებლები რადიკალურად შეიცვალა, რადგან პანდემიის დასაწყისში ვირუსის შემანელებელ ერთ-ერთ ფაქტორად...


მსგავსი სიახლეები

up