„ოცნებამ“ ეკონომიკის მინისტრი 5-ჯერ შეცვალა - კომერციულ ატაშეებს კი, 3 წელია ვერ ნიშნავს

„ოცნებამ“ ეკონომიკის მინისტრი 5-ჯერ შეცვალა - კომერციულ ატაშეებს კი, 3 წელია ვერ ნიშნავს

access_time2019-04-20 16:19:11

პრემიერ-მინისტრმა მამუკა ბახტაძემ 2 დღის წინ საქართველოს ეკონომიკის და მდგრადი განვითარების მინისტრი გიორგი ქობულია თანამდებობიდან გაათავისუფლა. 

მთავრობის მეთაურს ქობულიას პოსტიდან მოხსნის კონკრეტული მიზეზი არ დაუსახელებია, მაგრამ მისი განცხადებებიდან ჩანდა, რომ ეკონომიკის ყოფილ მინისტრს მუშაობის ტემპი დაუწუნა. 

Bm.ge-მ გადაწყვიტა, პერიოდულად საზოგადოებას შეახსენოს „ოცნების“ მთავრობის ანგარიშზე არსებული დაპირებები და მისი შესრულების ტემპები. 

მაგალითად, ერთ-ერთი ასეთი კომერციული ატაშეების ინსტიტუტის თემაა.

მთავრობა რომ კომერციული ატაშეების ინსტიტუტს შექმნიდა, ეს გიორგი კვირიკაშვილმა პრემიერ-მინისტრის პოსტიდან 2016 წლის 13 ივნისს, მთავრობის ერთ-ერთ სხდომაზე დაანონსა. ( იხილეთ ლინკი )  მაშინ ეკონომიკის და მდგრადი განვითარების მინისტრი დიმიტრი ქუმსიშვილი იყო. 

დღეს არცერთი მათგანი „ოცნების“ მთავრობაში არაა. საქართველოს პრემიერი მამუკა ბახტაძეა, ხოლო ეკონომიკის მინისტრი 5-ჯერ შეიცვალა. კერძოდ, საქართველოს ეკონომიკის მინისტრის პორტფელი ებარა დიმიტრი ქუმსიშვილს 2-ჯერ; დაახლოებით, ათი თვის განმავლობაში ეკონომიკის მინისტრი იყო გიორგი გახარია, შემდეგ რამდენიმე კვირა - გიორგი ჩერქეზიშვილი და ბოლოს გიორგი ქობულია, რომელმა ამ პოსტზე 9 თვე იმუშავა და როგორც პრემიერ-მინისტრმა თქვა, დაგვიტოვა სტრატეგიები, რომელიც მომავალში ქვეყანას გამოადგება. დღეისათვის კი, საქართველოს ეკონომიკის მინისტრი ნათია თურნავაა. 

2016 წლიდან 2019 წლამდე მინისტრების ცვლილებასთან ერთად იცვლებოდა მთავრობის „გემოვნება“ კომერციული ატაშეების ინსტიტუტის შესახებ. ბოლო ინფორმაციით, კომერციული ატაშის ნაცვლად საქართველოს პარტნიორ ქვეყნებში ეკონომიკური დესპანები ეყოლება, რომელიც რანგით უფრო მაღლა დგას, ვიდრე - ატაშე და მათი შერჩევა, რომელიც ეკონომიკის სამინისტრომ კონკურსის გზით დაიწყო, უკვე საგარეო საქმეთა სამინისტრომ გადაიბარა. 

გადაბარება კი, მაშინ მოხდა, როცა ეკონომიკის სამინისტრომ კონკურსი ჩაატარა და აპლიკანტებთან გასაუბრებაც დაიწყო. 

როგორც bm.ge-ის საგარეო საქმეთა მინისტრმა დავით ზალკალიანმა განუცხადა, არაა გამორიცხული, რომ დაანონსებული 6 ატაშის რაოდენობა გაიზარდოს. 

„ჩვენ ამ ახალი გარემოებების გათვალისწინებით, კიდევ ერთხელ გამოვაცხადეთ კონკურსი, შემოსულია განცხადებები და უახლოეს პერიოდში გვექნება გასაუბრება ამ ადამიანებთან; შეიძლება გაიზრდოს მათი რიცხვი, შეიძლება შვიდიც იყოს“, - განაცხადა მინისტრმა და დასძინა, რომ ეკონომიკის სამინისტროს მიერ გამოცხადებული კონკურსის გზით შერჩეულ აპლიკანტებსაც ესაუბრებიან. 

თუმცა, დესპანების დანიშვნის ვადები ისევ უცნობია. 

ცნობისთვის: პირველადი ინფორმაციით, კომერციული ატაშეები 6 სხვადასხვა ქვეყანაში (აშშ, გერმანიის ფედერაციული რესპუბლიკა, თურქეთის რესპუბლიკა, დიდი ბრიტანეთი, არაბთა გაერთიანებული საამიროები, ჩინეთის სახალხო რესპუბლიკა) იმუშავებენ და ინვესტიციების მოზიდვაზე იქნებიან ორიენტირებული. 

კომერციული ატაშეების ყოველთვიური ანაზღაურება 4000-დან 7000 დოლარამდე იქნება. თანამდებობრივი სარგოს ზუსტი ოდენობა, ასევე სხვა ხარჯები იმ ქვეყნების მიხედვით განისაზღვრება, სადაც ეკონომიკური ატაშეები მივლინებული იქნებიან. 

ეკონომიკის სამინისტროს ბრძანების მიხედვით, კომერციული ატაშეს თანამდებობრივი სარგოს ყოველთვიური ლიმიტი ევროში 2000-დან 4000-მდე იქნება, გირვანქა სტერლინგში კი - 1000 დან 3000-მდე.

BMG

თეგები:
ეკონომიკა



არჩევნებში მონაწილეობა 1 970 540-მა ამომრჩეველმა მიიღო - ცესკო

არჩევნებში მონაწილეობა 1 970 540-მა ამომრჩეველმა მიიღო - ცესკო
access_time2020-10-31 22:10:40
ცენტრალური საარჩევნო კომისიის ინფორმაციით, 20:00 საათის მდგომარეობით, ამომრჩეველთა აქტივობა 56,11%-ია, რაც რაოდენობრივად 1 970 540 ამომრჩეველია. წინა საპარლამენტო არჩევნების დროს, ანუ 2016 წელს, იგივე დროს აქტივობა 51,63% იყო, რაც რაოდენობრივად 1 814 276 ამომრჩეველია. "საღამოს რვა საათზე დაიხურა საარჩევნო უბნები, ხოლო გარკვეულ უბნებზე რიგში მყოფ ამომრჩეველს, კანონმდებლობის მიხედვით, მიეცათ შესაძლებლობა, მიეღოთ არჩევნებში მონაწილეობა და გამოეხატათ საკუთარი კონსტიტუციურ...

ოთხმა ტელეკომპანიამ საარჩევნო ეგზიტპოლების შედეგები გამოაქვეყნა

ოთხმა ტელეკომპანიამ საარჩევნო ეგზიტპოლების შედეგები გამოაქვეყნა
access_time2020-10-31 20:15:29
ხმის მიცემის პროცედურის დასრულებისა და საარჩევნო უბნების დახურვის შემდეგ, ოთხმა ტელეკომპანიამ ეგზიტპოლების შედეგები გამოაქვეყნა. საზოგადოებრივი კვლევების ორგანიზაცია Public Opinion Strategies ეგზიტპოლის შედეგებს აქვეყნებს, რომელიც ტელეკომპანია „იმედის“ დაკვეთით ჩატარდა. 2020 წლის საპარლამენტო არჩევნების 18:00 საათის მონაცემებით, Public Opinion Strategies ეგზიტპოლის შედეგები შემდეგნაირად გადანაწილდა:„ქართული ოცნება“-55.0%; „ნაციონალური მოძრაობა“- 23.0%,...

საქართველოში საარჩევნო უბნები დაიხურა

საქართველოში საარჩევნო უბნები დაიხურა
access_time2020-10-31 20:00:04
საქართველოს მასშტაბით არსებულ ყველა საარჩევნო უბანზე ხმის მიცემის პროცესი შეწყდა. საარჩევნო უბნები ზუსტად 20:00 საათზე დაიხურა. ახლა ხმის დათვლის პროცედურები იწყება. მას შემდეგ, რაც საუბნო შემაჯამებელი ოქმები შედგება, მათ საოლქო საარჩევნო კომისიები ცესკოს უმოკლეს ვადაში მოაწვდის და მიღებისთანავე, სპეციალურ ვებ-გვერდზე results.cec.gov.ge აიტვირთება. დღეს საქართველოს ამომრჩეველი მე-10 მოწვევის პარლამენტს ირჩევდა. 150 წევრიან პარლამენტში 120 პროპორციული...

პირველი არხის სერვერებზე კიბერშეტევა განხორციელდა, რის გამოც მაუწყებლობა გაითიშა

პირველი არხის სერვერებზე კიბერშეტევა განხორციელდა, რის გამოც მაუწყებლობა გაითიშა
access_time2020-10-31 18:41:27
პირველადი ინფორმაციით, ცოტა ხნის წინ საქართველოს პირველი არხის სერვერებზე განხორციელდა კიბერშეტევა, რის გამოც მაუწყებლობა გაითიშა. ამის შესახებ ინფორმაციას თავად საზოგადოებრივი მაუწყებელი ავრცელებს.   მათივე განცხადებით, სავარაუდოდ, კიბერშეტევის შედეგად, დაზიანდა ცენტრალური სასერვერო. მიმდინარეობს სარეზერვო სისტემაზე გადასვლა.

ვინც არ უნდა იყოს მმართველ გუნდში, მას სერიოზული სოციალური ვალდებულებები დაეკისრება - ირაკლი იაშვილი

ვინც არ უნდა იყოს მმართველ გუნდში, მას სერიოზული სოციალური ვალდებულებები დაეკისრება - ირაკლი იაშვილი
access_time2020-10-31 16:30:39
„მაქსიმალურად, ბოლო წვეთამდე უნდა ეცადოს ახალი ხელისუფლება, რომ ლოქდაუნი არ გამოაცხადოს ქვეყანაში იმიტომ, რომ ვერ გაუძლებს ქვეყანა. მოგვიწევს ვისესხოთ ფული და ისეთი ძვირი დაგვიჯდება მორიგი ლოქდაუნი, ამის წარმოდგენაც არ მინდა,“ - ამის შესახებ „კომერსანტთან“ East Gate Group-ის სამეთვალყურეო საბჭოს ხელმძღვანელმა, ბიზნესმენმა ირაკლი იაშვილმა ისაუბრა. არჩევნების შემდეგ მმართველი გუნდის მთავარ გამოწვევას ისევ COVID 19-თან ბრძოლა წარმოადგენს. „კომერსანტი“ დაინტერესდა რა ძირითადი...


მსგავსი სიახლეები

up