კადრების სერვისმა Glassdoor აშშ-ის და დასავლეთ ევროპის მოწინავე ქვეყნების საუკეთესო კორპორაციული დამსაქმებლების რეიტინგი გამოაქვეყნა.
2022 წელს პირველ ადგილი დაიკავა ტექნოლოგიურმა კომპანიამ Nvidia, წინა წლის ლიდერმა, საკონსულტაციო კომპანია Bain-მა პირველიდან მესამე ადგილზე გადაინაცვლა. ყველაზე დიდი რეგრესი განიცადა სოციალურმა ქსელმა Facebook/Meta-მ, რომელიც ერთბაშად 36 საფეხურით - მეთერთმეტედან 47-ე ადგილამდე ჩამოქვეითდა.
რეიტინგი ითვალისწინებს რამდენიმე ფაქტორს, კერძოდ, ყოფილი და ამჟამინდელი თანამშრომლების გამოხმაურება, შრომის პირობები, ხელფასების და სხვადასხვა ტიპის კომპენსაციების მოცულობა.
საპატიო სიაში პირველ ადგილზე გავიდა ვიდეოპროცესორების და პროგრამული უზრუნველყოფის მწარმოებელი კომპანია Nvidia, რომელიც 2021 წელს მეორე ადგილზე იყო. Nvidia-ში მუშაობის პირობების შეფასებისას, თანამშრომლები აღნიშნავენ ისეთ მხარეებს, როგორებიცაა „საინტერესო და საპასუხისმგებლო დავალებები“, „მშვენიერი ხელფასები და შეღავათები“, „პატიოსნება“, „ინოვაციები და მუშაობა კარგ გუნდში“.
მეორე ადგილზე გავიდა მარკეტინგის პროგრამული უზრუნველყოფის კომპანია HubSpot, ხოლო მესამეზე - წინა წლის ლიდერი, საკონსულტაციო კომპანია Bain & Company.
ათეულში ასევე შევიდნენ ინტერნეტ-რიელტორი Exp Realty, პროგრამული უზრუნველყოფის მწარმოებელი Box, საკონსულტაციო კომპანია Boston Consulting Group, ინტერნეტ-გიგანტი Google, იპოთეკური კომპანია Veterans United Home Loans, ფიტნესის ტანსაცმლის მწარმოებელი Lululemon და პროგრამული უზრუნველყოფის მწარმოებელი Salesforce.
ყველაზე ცუდი დინამიკა Meta-მ (Facebook) აჩვენა, რომელიც 2021 წელს მე-11 ადგილზე იყო დღეს კი 47-ე აღმოჩნდა. ჯერ კიდევ 2011, 2013, და 2016 წლებში Glassdoor-მა Facebook დასაქმებისთვის საუკეთესო ადგილად აღიარა, თუმცა 2018 წელს, ხმაურიანი სკანდალების შემდეგ, სოციალური ქსელი ლიდერთა სამეულიდან, ხოლო შედეგ ათეულიდანაც გავარდა.
კომპანიის თანამშრომლებს ყურადღება საზოგადოების მხრიდან, და ხელმძღვანელების მხრიდან არსებული პრობლემების გადაწყვეტის ნების არარსებობა აწუხებთ.
აშშ-ის გარდა Glassdoor ასევე ადგენს დამსაქმებელთა რეიტინგებს სხვა განვითარებული ქვეყნებისთვის, ისეთებისთვის, როგორც გერმანია, ბრიტანეთი, საფრანგეთი და კანადაა.
ბრიტანელი დამსაქმებლების რეიტინგში პირველ ადგილზე გავიდა პროგრამული უზრუნველყოფის ინგლისურ-ამერიკული კომპანია ServiceNow, მეორეზე პროგრამული უზრუნველყოფის ბრიტანულ-ჰოლანდიური კომპანია AND Digital, მესამეზე - ამერიკული Salesforce-ის ბრიტანული ფილიალი. გერმანიაში ლიდერობენ Salesforce-ის, Google-ის და Boston Consulting Group-ის ადგილობრივი ფილიალები.
საფრანგეთში ბიოტექნოლოგიური კომპანია bioMerieux, და Salesforce-ის და Bain & Company-ის ფრანგული ფილიალები ლიდერობენ.
morningbrew.com