ეკონომისტი, რომელმაც 2008 წლის ეკონომიკური კრიზისი იწინასწარმეტყველა, მიიჩნევს რომ ინვესტორების ქცევა ზედმეტად გულუბრყვილოა.მსოფლიო ბაზრები თავს იტყუებენ სხვადასხვა ფაქტებით, რომელიც კორონავირუსს უკავშირდება - ცნობილი ამერიკელი ეკონომისტი ნურიელ რუბინი ამაში დარწმუნებულია.  მისი აზრით, ბაზარზე აქტორები არასწორად მოქმედებენ. სწორედ ეს არის საფონდო ბირჟებზე რეკორდული ცვლილების მიზეზი. Financial Times-ის სტატიაში მან 4 ყველაზე პოპულარული შეცდომა დაასახელა, რომელსაც ინვესტორები უშვებენ.

პირველ რიგში, ბაზრები ერთმანეთს არწმუნებენ, რომ ეპიდემია ჩინეთით შემოიფარგლება,მაგრამ ახლა აშკარა ხდება, რომ პანდემია გლობალურ ხასიათს იღებს. „ჩვენ კიდევ არ ვიცით რამდენი ქვეყანაა აზიაში და მსოფლიოს სხვა კუთხეში საფრთხის ქვეშ, მომავალში ალბათ უფრო მეტი იქნება, ვიდრე ახლა“ - წერს რუბინი.

Worldometer-ის მონაცემებით, ამ ეტაპზე დაინფიცირების შემთხვევები სამხრეთ კორეაში, იტალიაში, იაპონიაში, ირანში და კიდევ 40 ქვეყანაშია დაფიქსირებული.

მეორეც, მოსალოდნელი იყო, რომ ნეგატიური შედეგები ამ ეპიდემიის პირველი კვარტალის ბოლოს პიკს მიაღწევდა, შემდეგ ეპიდემია განელდება. მაგრამ უკვე თებერვლის ბოლოს გასაგები გახდა, რომ ეს ასე არ არის.

საქმე იმაშია, რომ ჩინეთის მაცხოვრებლები ეპიდემიის დასრულებას სახლებში ელოდებიან. სამუშაო ადგილები დაცარიელდა. ჩინეთმა მასშტაბური დარტყმა მიიღო ამ ვირუსით, მიწოდების საერთაშორისო ჯაჭვები სერიოზულად დაირღვა. ამასთან ჩინეთზე მსოფლიო შიდა პროდუქტის 20 პროცენტი მოდის.

ეპიდემიას შეუძლია შეაფერხოს საქმიანი ურთიერთობები, რაც ნდობაზეა დამყარებული და შეამციროს მომხმარებლების აქტივობა. რუბინის პროგნოზებით, კომპანიები ამჯობინებენ შეაჩერონ კაპიტალური დანახარჯების ზრდა მანამ, სანამ არ დაინახავენ რამდენად მძაფრი და მასშტაბური იქნება ვირუსის გავრცელება.

აშშ-ს მაცხოვრებლებიც კი სახლებში ელოდებიან, როდის ჩაცხრება პანდემია, სადაც დავადებულების რიცხვი ბოლო მონაცემებით 37 ადამიანია და არ არის სიკვდილიანობის არცერთი შემთხვევა.

რუბინი აკრიტიკებს V-ტიპის ეკონომიკის აღდგენის სტრატეგიას.  ეკონომისტი ბაზრებს სთავაზობს წარმოიდგინონ,  რომ ჩინეთი შეაკავებს ვირუსს და მისი გავლენა ეკონომიკაზე პირველი კვარტლით შემოისაზღვრება.  თუ ჩინეთის კვარტალური წარმოება 2 პროცენტით შემცირდება, ეს ნიშნავს 8 პროცენტიან წლიურ შემცირებას.

„რწმენა, რომ ჩინეთის ეკონომიკა კვარტალში 4 პროცენტით გაიზრდება „გმირულად ოპტიმისტურია“- ამბობს რუბინი

იმის ლოდინი რომ პოლიტიკოსები დროუოლ და სწრაფ რეაგირებას მოახდენენ უსარგებლოა. „ფისკალური პოლიტიკა ძალიან ნელა რეგირებას ან საერთოდ ვერ მოახდენს ეფექტს, ეს უკავშირდება ცენტრალური ბანკების პოლიტიკურ თუ სხვა შეზღუდვებს, მათ ამოეწურათ ბერკეტები“ - წერს რუბინი

კორონავირუსის გავრცელება - ეს ნეგატიური შოკია ფინანსების კუთხითაც, რომლის გამოც მცირდება ეკონომიკური ზრდა, იზრდება ინფლაციის მაჩვენებელი. საკრედიტო პოლიტიკის დახმარებით მსგავსი რამის რეგულირება შეუძლებელია.

მარიამ მორგოშია

rbc.ru