ნუცა აბრამიშვილი: ვერასოდეს ვიქნებოდი ვაჭრობის სფეროში

ნუცა აბრამიშვილი: ვერასოდეს ვიქნებოდი ვაჭრობის სფეროში

access_time2016-03-06 10:07:49

„შუხმან ვაინის“ გენერალური დირექტორი ნუცა აბრამიშვილი Caucasus Business Week–თან საკუთარი ცხოვრების პრინციპებზე,  ყველაზე საინტერესო გამოცდილებაზე და სამომავლო გეგმებზე საუბრობს   


სპეციალობით გერმანისტი ვარ. დავამთავრე გერმანული ენის ფაკულტეტი, შემდეგ კი საქართველოს საზოგადოებრივი ინსტიტუტი (GIPA) საჯარო მოხელის კვალიფიკაციით, ასევე ვსწავლობდი ბუდაპეშტში, ცენტრალური ევროპის  უნივერსიტეტში   ბიზნესის ადმინისტირებას. 


პირველი სამსახური იყო თბილისის მერიაში. 2005 წელს, ინსტიტუტის დამთავრების შემდეგ სტაჟირებაზე ვიყავი. ძალიან საინტერესო  სამსახური და დრო იყო. იმ პერიოდში საქართველოში და მათ შორის თბილისში, რეფორმები ხორციელდებოდა. აქედან გამომდინარე, ძალიან დიდი გამოცდილება მივიღე. შემდეგ ძალიან გამიმართლა და პირველივე თანამდებობა მენეჯერული მქონდა. ვიყავი ეკონომიკური პოლიტიკის საქალაქო სამსახურის სოციალურ-ეკონომიკური პროგრამების განყოფილების უფროსი. 


პირველი ხელფასი 600 ლარი იყო, სტუდენტისთვის და მაშნდელი დროისთვის ეს საკმაოდ კარგი შემოსავალი იყო.   მაშინ ბანკებთან აქტიური თანამშრომლობა არ იყო და თანხას ხელზე ვიღებდი. 


რატომ ბიზნესი? მთელი ის პერიოდი ვმუშობდი საჯარო მოხელედ, შემდეგ ვიყავი ამერიკელების პროექტში ტურიზმის კონსულტანტი. ბიზნესის კუთხით კარიერა 2011 წლიდან იწყება. მე არ მქონდა ღვინის სფეროში არანაირი კვალიფიკაცია, თუმცა, ჩემი ოჯახი მეღვინეობას წლებია მისდევს, ეს ჩვენი ოჯახის ტრადიციაა, შესაბამისად, ეს  სფერო  ყოველთვის ძალიან მაინტერესებდა. ბაბუა და მამა მეღვინე მყავს. სულ მინდოდა რომ ტრადიცია გამეგრძელებინა.ასეც მოხდა.  


ბიზნესი ჩემთვის ძალიან საინტერესოა, თუმცა, წარმატების მიღწევაში   საჯარო სამსახურში მრავალწლიანი გამოცდილება დამეხმარა. ამ ყველაფერმა ბიზნესში მუშაობა ძალიან გამიმარტივა. შესაბამისად, ჩემთვის საერთოდ არ იყო ბიზნესში გადასვლა და პროცესების სხვანაირად წარმართვა რთული. რაღაცეები ეფექტურად მოვახერხე.


 ვმუშაობ კვირაში 7 დღეს და 24 საათი, აქედან გამომდინარე, შემიძლია თავს უფლება მივცე, რომ ჩემი დრო მე თვითონ ვაკონტროლო. ამიტომ, სამსახურში მისვლის რაიმე კონკრეტული დრო არ მაქვს. თუმცა,  ვცდილობ დისციპლინა დავიცვა,დროულად მივიდე, თუმცა, თავის დროზე უკან  დაბრუნებას ვერასოდეს ვახერხებ.


სამსახურში მისვლისას პირველად მეილებს ვამოწმებ. დღის გეგმას კი წინა დღეს ვადგენ. ვეცნობი პრესას, აუცილებლად ვსვამ მეორე ჭიქა  ყავას იმისთვის, რომ გამოვფხიზლდე და შემდეგ უკვე დღის გეგმის განხორციელებას ვიწყებ.

 

ვერასოდეს ვიმუშავებდი ვაჭრობის სფეროში და ვერ ვიქნებოდი იმპორტით დაკავებული. ყოველთვის მომხრე ვარ იმისი, რომ ქართული, ეროვნული, ტრადიციული პროდუქცია იქნეს საქართველოში წარმოებული და პირიქით, ქვეყნის გარეთ გატანილი. ეს არის საქართველოს პიარი, იმიჯის აწევა და წარმოებული პროდუქცია, რომელიც ქვეყნის ფარგლებს გარეთ გავა – ეს  საქართველოს სახელია. მაღაზიების და თუნდაც, მოდური აქსესუარების ვაჭრობის სფეროში ვერასოდეს ვიქნებოდი, ჩემთვის ეს წარმოუდგენელია. 


კარიერისთვის ყველაფერზე წასვლა  მიზანშეწონილად  ნამდვილად არ მიმაჩნია. ადამიანი ყველაფერზე არ უნდა წახვიდე. უნდა გქონდეს შენი ძალიან ცხადი და კონკრეტული მიზანი.   ამის მიღწევამდე არის მიხვეულ-მოხვეული გზები, სადაც დათმობებია საჭირო, თვალების დახუჭვაა საჭირო. მე წონასწორობის მოხმრე ვარ. ყველაფერი უნდა დააბალანსო. კარიერის დროს ბრძოლა და ხისტი თამაშის წესები არამიზანმიმართულია. 


ყოველ საღამოს მივირთმევ ჩვეულებისამებრ ერთ ჭიქა „ვინოტერას“, ქვევრის ღვინო  წითელ საფერავს. გამომდინარე იქიდან, რომ საფერავს აქვს ძალიან ბევრი ანტიოქსიდანდი, არის ძალიან სასარგებლო, არის გამაახალგაზრდავებელი, უწყობს ხელს ნივთიერებათა ცვლას. ამიტომ, როგორც წესი, მე ყოველ საღამოს ერთ ჭიქა ღვინოს მივირთმევ. 


ცხოვრებაში ყველაზე მთავარია კეთილდღეობა, ჯანმრთელობა,  ახლობლების კარგად ყოფნა და ზოგადად წარმატების მიღწევა.  როდესაც წარმატებას აღწევ, ხარ ჯანმრთელი, ხოლო წარმატების მიღწევის შემდეგ ორმაგდება და ასმაგდება სურვილი იმისი, რომ იყო უფრო კარგად და დაეხმარო სხვებს. ანუ ბედნიერება გადამდებია.  ჩვენ ვართ ჩვენივე პროდუქტების, მომსახურების პირველი კლიენტები. შესაბმისად, ბედნიერება გადამდებია და ღვინოში არის ბედნიერება, გასტრონომიაში და იმაში რასაც ვაკეთებთ.  ვცდილობ, რომ ეს  ბედნიერება იყოს ჩვენს ყველა ახლობლებში და ოჯახის წევრებში გავრცელებული, რაც დადებით ხასიათზე მოქმედებს. 


ყველაზე მეტად მეშინია ფრენის, ყინულზე მანქანის მართვის, აღმართზე მანქანით ასვლის.  ტრანსპორტთან დაკავშრებული შიშები მაქვს.  

 

მოგზაურობა  მიყვარს, მიწევს, თუმცა, ძალიან მეშინია ფრენის და დისკომფორტი მაქვს ხოლმე. 


ქართული სამზარეულოს ძალიან დიდი მოყვარული ვარ. თუმცა,  გამოვყოფდი თევზს, ზოგადად, თევზეულს, ლობიოს ქოთანში. ასევე ძალიან მიყვარს იტალიური სამზარეულო. 


მიყვარს ხელოვნებაც. მიყავრს მხატვრობა, კლასიკა, ძველი რემბრანტის ნახატები, ძველი რომაული პერიოდის. სურეალისტური მოდერნი არა, რადგან ეს ჩემს გემოვნებაში არ ჯდება. 




„ელექტროენერგიის იმპორტის ჩანაცვლება ნებისმიერ ფასად არ გვაწყობს“-ფინანსთა მინისტრის იდეებს ენერგეტიკოსები არ ეთანხმებიან

„ელექტროენერგიის იმპორტის ჩანაცვლება ნებისმიერ ფასად არ გვაწყობს“-ფინანსთა მინისტრის იდეებს ენერგეტიკოსები არ ეთანხმებიან
access_time2020-02-21 12:29:41
„გარანტირებულ შესყიდვებზე ხელსაყრელი ელექტროენერგიის იმპორტია და ეს პრაქტიკა წარსულს უნდა ჩაბარდეს“- ფინანსთა მინისტრი ახალი ინიციატივით გამოვიდა, მაგრამ თუ რას შეცვლის იგი ელექტროსისტემაში ეს გაუკვეველია. მინისტრის პოზიცია ცალსახაა, იმპორტული ელექტროენერგიის ადგილობრივით ჩანაცვლება ნებისმიერ ფასად არ ღირს. 2019 წელს საქართველომ ელექტროენერგიის იმპორტზე...

პროგრამის „დანერგე მომავალი“ ფარგლებში 50 379 477 ლარი იქნა ათვისებული - გაამართლა თუ არა სახელმწიფო პროგრამამ?

პროგრამის „დანერგე მომავალი“ ფარგლებში 50 379 477 ლარი იქნა ათვისებული - გაამართლა თუ არა სახელმწიფო პროგრამამ?
access_time2020-02-21 10:45:38
 სოფლისა და სოფლის მეურნეობის განვითარების სააგენტო სახელმწიფო ბიუჯეტის დაფინანსებით 2015 წლიდან ახორციელებს პროექტს „დანერგე მომავალი“, რომლის მიზანიცაა  საქართველოში არსებული სასოფლო-სამეურნეო მიწების ეფექტურ გამოყენება მრავალწლოვანი კულტურების გაშენების გზით. საქართველოს მთავრობა აღნიშნული პროექტით ცდილობდა იმპორტირებული პროდუქცია ჩაენაცვლებინა და გაეზრდა საექსპორტო პოტენციალი, რის შემდეგაც სოფლად მოსახლეობის სოციალურ-ეკონომიკური მდგომარეობა...

2024 წლიდან ახალ შენობებს, ენერგოეფექტურობის მოთხოვნების დაკმაყოფილების ვალდებულება დაეკისრებათ

2024 წლიდან ახალ შენობებს, ენერგოეფექტურობის მოთხოვნების დაკმაყოფილების ვალდებულება დაეკისრებათ
access_time2020-02-20 18:00:17
2024 წლიდან ახალ შენობებს, ასევე იმ შენობებს, რომელთაც მნიშვნელოვანი რეკონსტრუქცია უტარდებათ, ენერგოეფექტურობის მინიმალური მოთხოვნების დაკმაყოფილების ვალდებულება დაეკისრებათ. პარლამენტმა პირველი მოსმენით მხარი დაუჭირა „შენობების ენერგოეფექტიანობის შესახებ“ კანონპროექტს. ახალი კანონპროექტის მიხედვით, ახალი შენობები ან მათი ნაწილები, ასევე არსებული შენობები, რომლებიც იყიდება, ქირავდება ან იჯარით გაიცემა, დაექვემდებარება სერტიფიცირებას, ხოლო სერთიფიკატის...

კრიპტოვალუტით გამდიდრებული მილიარდერები

კრიპტოვალუტით გამდიდრებული მილიარდერები
access_time2020-02-20 20:00:11
კრიპტოვალუტებმა მსოფლიო ბაზარზე  ადგილი  საბოლოოდ დაიმკვიდრეს. მართალია ბიტკოინი 10 000 დოლარამდე გაიაფდა, თუმცა, ვირტუალური ფულისთვის ასეთი რყევა უცხო არ არის. დღეს ბიტკოინი 9800 დოლარი ღირს, გასულ კვირაში კი კურსი 10 430-მდე იყო გაზრდილი. ეთერიუმის ფასი რამდენიმე დღის წინ  270 დოლარამდე გაიზარდა, დღეისათვის კი 252 დოლარს...

„ავტობუსის მძღოლების ზეგანაკვეთური სამუშაო, მძღოლების მოთხოვნითაა განპირობებული“ - თბილისის სატრანსპორტო კომპანია

„ავტობუსის მძღოლების ზეგანაკვეთური სამუშაო, მძღოლების მოთხოვნითაა განპირობებული“ - თბილისის სატრანსპორტო კომპანია
access_time2020-02-20 17:00:17
სახელმწიფო აუდიტის სამსახურის ინფორმაციით, თბილისის სატრანსპორტო კომპანია ავტობუსების მძღოლებს ზეგანაკვეთურად ამუშავებს და ამით მოქალაქეებს საფრთხეს უქმნის. მონიტორინგი 2017 და 2018 წლების პერიოდს მოიცავს და აღნიშნულია, რომ უმრავლეს შემთხვევაში, დარღვეულია მძღოლების ზეგანაკვეთურად მუშაობის ზედა ზღვარიც (48სთ).   უმაღლეს აუდიტორულ  ორგანოში ამბობენ, რომ 2017...


მსგავსი სიახლეები

up