ნობელიანტი მარიო ვარგას ლიოსა საქართველოში ჩამოდის

ნობელიანტი მარიო ვარგას ლიოსა საქართველოში ჩამოდის

access_time2019-01-24 12:39:35

ხორხე მარიო პედრო ვარგას ლიოსა, 82 წლის პერუელი პროზაიკოსი და დრამატურგი, ნობელის პრემიის ლაურეატი, თბილისში დაესწრება მისი ერთ-ერთი მთავარი რომანის „გასაუბრება კათედრალში“ ქართული თარგმანის წარდგენას. წიგნის წარდგენა თბილისში 2019 წელსაა დაგეგმილი.

 

"კითხვა ხუთი წლისამ ვისწავლე. არაფერი ამაზე განსაკუთრებული, ჩემს ცხოვრებაში აღარ მომხდარა"... მარიო ვარგას ლიოსა

 

ცოცხალი კლასიკოსის მცირე ბიოგრაფიული დეტალები. მარიო ვარგას ლიოსა 1936 წელს დაიბადა პერუში, ქალაქ კოჩაბამბაში. მოგვიანებით მშობლებთან ერთად ის პერუს დედაქალაქ ლიმაში დასახლდა და მამის დაჟინებული თხოვნით სამხედრო სასწავლებელში ჩაირიცხა. თუმცა, სწავლა მიატოვა და ერთ-ერთ პროვინციულ გაზეთში „La Industria“ ჟურნალისტად დაიწყო.

 

1953 წელს ლიოსა აბარებს ფილოლოგიურ ფაკულტეტზე სან-მარკოს უნივერსიტეტში, თუმცა, მადრიდის უნივერსიტეტის სტიპენდიის მოპოვების შემდეგ, ევროპაში მიდის და იცავს დისერტაციას რუბენ დარიოს შემოქმედების შესახებ.

 1960 წელს ლიოსა პარიზში გადადის საცხოვრებლად და უმეგობრდება არგენტინელ პოეტსა და მწერალს, ხულიო კორტასარს. პარალელურად რადიოსა და ტელევიზიაში ჟურნალისტად იწყებს მუშაობას.

 

მარიო ვარგას ლიოსა ახალგაზრდობაში კასტროს რეჟიმის მხარდამჭერი იყო, თუმცა, კომუნისტურმა იდეებმა მას ნელ-ნელა იმედები გაუცრუა. 1971 წელს ლიოსა იცავს დისერტაციას გაბრიელ გარსია მარკესის შემოქმედების შესახებ, რომელთანაც შემდგომ არაერთხელ მოუწია ოპონირება როგორც პოლიტიკურ ისე ლიტერატურულ საკითხებში. ორ კლასიკოსს შორის ურთიერთობა ისე დაიძაბა, რომ 1976 წელს, ლიოსამ მარკესს ჟურნალისტების თანდასწრებით სილა გააწნა. მათ შორის გაჩენილმა ყინულმა მხოლოდ 2007 წელს დაიწყო დნობა.

 

1975 ლიოსა საერთაშორისო პენ-კლუბის პრეზიდენტად აირჩიეს. სამ წელში ის პერუში დაბრუნდა, თუმცა, კვლავაც აგრძელებდა მოგზაურობას მსოფლიოს გარშემო.

 

80-იან წლებში ლიოსა აქტიურად ჩაება პოლიტიკურ ცხოვრებაში და 1990 წელს გახდა პერუს პრეზიდენტობის კანდიდატი. არჩევნების პირველ ტურში მან ამომრჩეველთა ხმების 34% დააგროვა. თუმცა, მეორე ტურში დამარცხდა ინჟინერ-აგრონომთან ალბერტო ფუხიმორისთან, პერუს მომავალ დიქტატორთან. ამ მარცხის შემდეგ ლიოსამ დატოვა პერუ და ლონდონში გადავიდა საცხოვრებლად. არჩევნების გამოცდილების შესახებ მან დაწერა თავის რომანში „თევზი წყალში“.

 ლიოსა 10-ზე მეტი რომანის, უამრავი მოთხრობის, სამეცნიერო და პუბლიცისტური ნაშრომისა და პიესის ავტორია. მიღებული აქვს არაერთი პრიზი, მათ შორის, სერვანტესის სახელობის პრემია – ყველაზე მნიშვნელოვანი ესპანურენოვან სამყაროში. 2010 წელს ლიოსას გადაეცა ნობელის პრემია ლიტერატურაში.

 


ლიოსას პირველივე რომანმა, „ქალაქი და ძაღლები“, რომელიც 1963 წელს გამოიცა, ცხადი გახადა, რომ ლიოსა უდიდეს პოპულარობას მოიპოვებდა ახალგაზრდა ინტელექტუალებში. რომანი დაფუძნებულია მწერლის რეალურ შთაბეჭდილებებზე, რომელიც მას სამხედრო სასწავლებელში ყოფნისას დაუგროვდა. რომანში აღწერილია ლეონსიო პრადოს სამხედრო სასწავლებლის კადეტების სასტიკი და წინააღმდეგობებით სავსე ყოფა. რომანის ეკრანიზაცია გადაიღეს ამერიკასა და საბჭოთა კავშირში. წიგნი პერუში მალევე აიკრძალა.

 

ლიოსას ქართული თარგმანები

„ქალაქი და ძაღლები“ ქართულ ენაზე 2017 წელს, გამომცემლობა „ინტელექტმა“ გამოსცა. შეიძლება ითქვას, რომ სწორედ „ინტელექტია“ მარიო ვარგას ლიოსას მთავარი ქართული გამომცემლობა.

 

ქართველ მკითხველში განსაკუთრებული პოპულარობით სარგებლობს ლიოსას რომანი „ცუდი გოგოს ოინები“. რომანში მწერალი მოგვითხრობს ქალისა და მამაკაცის რთული, წინააღმდეგობებით სავსე ურთიერთობების შესახებ, რომელიც ადრეულ სიყმაწვილეში იწყება და თითქმის ორმოცი წლის განმავლობაში სდევს პერსონაჟებს. რომანის გმირების მღელვარე ცხოვრება მე-20 საუკუნის მეორე ნახევრის პოლიტიკური, სოციალური და კულტურული ტრანსფორმაციის პარალელურად ვითარდება. წიგნს ვრცელი გეოგრაფია აქვს – ლიმა, პარიზი, ლონდონი, ტოკიო, მადრიდი.

 გამომცემლობა „ინტელექტმა“ გამოსცა ლიოსას კიდევ ორი გახმაურებული რომანი „ვაცის ნადიმი“ და „ხუთი კუთხე“.

 კიდევ ერთი რომანი „დეიდა ხულია და სცენარისტი“ 2013 წელს გამოსცა „ბაკურ სულაკაურის გამომცემლობამ“. "დეიდა ხულია" ავტორის ბიოგრაფიულ მომენტებზე დაფუძნებული რომანია.

 მარიო ვარგას ლიოსას ცხოვრების წესები

გამოცემა „ესქუაერი “ (esquire), 2012

 მოზარდებისთვის დამახასიათებელი თავდაუჯერებლობა ჩემი ცხოვრების ჩვეული მდგომარეობაა

 

მე ვწერ იმიტომ, რომ უბედური ვარ. წერა ნიშნავს ბედნიერებისთვის ბრძოლას.

 მწერალი, რომელიც კაპიტალიზმს იცავს და კუბურ რეჟიმს აკრიტიკებს? დარწმუნებული ვიყავი, რომ ნობელის პრემიას არ მომცემდნენ.

 ვფიქრობდი, რომ ნიუ-იოკში სიმშვიდე იქნებოდა. მინდოდა რამდენიმე ლექციის წაკითხვა, დასვენება, თეატრში წასვლა, მუზეუმების დათვალიერება. და უცებ - ნობელის პრემია.

 იმისათვის, რომ ნამდვილად შეიტყო, ლამაზია თუ არა ქალი, უნდა ნახო, როგორ იღვიძებს დილით. მწერლებთან კი ყველაფერი სხვანაირადაა. მწერალს რომ გაუგო, ის აუდიტორიის, ჟურნალისტებისა და თაყვანისმცემლების გარემოცვაში უნდა ნახო.

 გულის სიღრმეში მწერალმა არასდროს იცის, გაიმარჯვა თუ წააგო.

 არიან მწერლები, რომლებიც ნაადრევად დუმდებიან. ალბათ ისინი რაღაც შეთანხმებას დებენ სამყაროსთან. მე ასე ვერ ვიზამ.

 კითხვა ხუთი წლისამ ვისწავლე. არაფერი ამაზე განსაკუთრებული, ჩემს ცხოვრებაში აღარ მომხდარა.

 მამა პირველად ათი წლისამ ვნახე. ერთადერთი ემოცია, რომელიც მასთან მაკავშირებდა, იყო შიში. ის ჩემი ლიტერატურული ცდების წინააღმდეგი იყო.

 მე ყოველთვის ვიყავი ჩართული პოლიტიკაში, მაგრამ როგორც ინტელექტუალი. 80-იანების ბოლოს გადავწყვიტე, რომ დრო იყო თეორიებიდან პრაქტიკაში გადავსულიყავი. ეს იყო შეცდომა.

 დიქტატორები გაუნათლებელი ჩინოვნიკები არიან. ისინი ვერ ხვდებიან, რომ ლიტერატურა შეიძლება შეიცავდეს გარკვეულ საფრთხეს. სწორედ ამიტომ, ქვეყნებში, სადაც ინფორმაციისადმი წვდომა შეზღუდულია, ლიტერატურას უდიდესი როლის შესრულება შეუძლია.

 პოლიტიკაში ვისწავლე ერთი რამ - ძალაუფლება ანადგურებს გონებას, ანგრევს პრინციპებს და ადამიანებს აქცევს პატარა ურჩხულებად.

 ყველამ იცის, რომ ცუდია შავკანიანების, ჩინელების, ებრაელების, ინდიელების მიმართ დისკრიმინაცია. მაგრამ ყველას შეუძლია, რომ ძალიან მშვიდად დაამცირონ გეები, ლესბოსელები და ტრანსსექსუალები. ეს კარგად გვაჩვენებს, თუ რაოდენ შორსაა სამყარო ცივილიზაციისაგან.




რადიო თავისუფლება




„დღეს კონსტიტუციური კანონი პირველი მოსმენით არ ჩავარდნილა, რადგან კონსტიტუციის ცვლილების მისაღები ქვორუმი არის 100“ - ზვიად კორძაძე

„დღეს კონსტიტუციური კანონი პირველი მოსმენით არ ჩავარდნილა, რადგან კონსტიტუციის ცვლილების მისაღები ქვორუმი არის 100“ - ზვიად კორძაძე
access_time2019-11-14 21:35:43
...

მამუკა ხაზარაძის მიმართვა ბიზნესმენებს

მამუკა ხაზარაძის მიმართვა ბიზნესმენებს
access_time2019-11-14 21:45:32
საზოგადოებრივი მოძრაობა „ლელოს“ დამფუძნებელმა  მამუკა ხაზარაძემ პარლამენტის წინ აქციაზე გამოსვლისას ბიზნსმენებს მიმართა და აღნიშნა, რომ „დღეიდან ყველამ ძალიან მწყობრი ნაბიჯებით ეს ქვეყანა უნდა გამოვიყვანოთ არსებული მდგომარეობიდან“. მინდა მოვუწოდო ჩემ ძმებს, ჩემ მეგობრებს, ბიზნესმენებს. ძმებო ასეთი ტყუილების ქვეყანა არ გამოვა, ვერც ბიზნესი გაიხარებს, ვერაფერი ვერ გაიხარებს . მე ვიცი რა მდგომარეობაში გვიწევდა შრომა და მუშაობა 30 წლის განმავლობაში. ყველა...

15 ნოემბრიდან საქართველოს სტატისტიკის ეროვნული სამსახური ეროვნულ ანგარიშთა სისტემის ახალ სტანდარტებზე გადადის

15 ნოემბრიდან საქართველოს სტატისტიკის ეროვნული სამსახური ეროვნულ ანგარიშთა სისტემის ახალ სტანდარტებზე გადადის
access_time2019-11-14 18:40:11
საქართველოს ბიზნეს ასოციაციასა (BAG) და საქართველოს სტატისტიკის ეროვნულ სამსახურს შორის სამუშაო შეხვედრისას საქსტატის აღმასრულებელმა დირექტორმა გოგიტა თოდრაძემ ასოციაციის წევრი კომპანიების წარმომადგენლებს ეროვნულ ანგარიშთა სისტემის (ეას) ახალი მეთოდოლოგია წარუდგინა. შეხვედრას ესწრებოდა ასოციაციის პრეზიდენტი, სოსო ფხაკაძე და აღმასრულებელი დირექტორი, ლევან ვეფხვაძე. მიმდინარე წლის 15 ნოემბრიდან საქართველოს სტატისტიკის ეროვნული სამსახური ეროვნულ ანგარიშთა სისტემის (ეას) ახალ...

თინა ხიდაშელი: სამი კონკრეტული ნაბიჯი, რომელიც უნდა გადადგას ივანიშვილმა ვითარების შემოსაბრუნებლად

თინა ხიდაშელი: სამი კონკრეტული ნაბიჯი, რომელიც უნდა გადადგას ივანიშვილმა ვითარების შემოსაბრუნებლად
access_time2019-11-14 18:05:57
სამი კონკრეტული ნაბიჯი, რომელიც უნდა გადადგას ივანიშვილმა ვითარების შემოსაბრუნებლად - წერს სოციალურ ქსელში ორგანიზაცია „სამოქალაქო იდეის“ დამფუძნებელი თინათინ ხიდაშელი.    1.საჯაროდ მიმართოს იმ 8 დეპუტატს ვინც დატოვა უმრავლესობა დაბრუნდნენ, რადგან სწორედ მათი პოზიცია არის თანხვედრაში პარტიის ხაზთან - მხარს ვუჭერთ 2020 პროპორციულ არჩევნებს. შესაბამისად, ისინი უნდა დარჩნენ პარტიაში.   2. პარტიიდან უნდა გარიცხოს ყველა, ვინც დღეს პარტიის...

აშშ-ის საელჩო - გული გვწყდება, რომ დღევანდელ კენჭისყრაზე საკონსტიტუციო ცვლილებებს „ქართული ოცნების“ დეპუტატების არასაკმარისმა რაოდენობამ დაუჭირა მხარი

აშშ-ის საელჩო - გული გვწყდება, რომ დღევანდელ კენჭისყრაზე საკონსტიტუციო ცვლილებებს „ქართული ოცნების“ დეპუტატების არასაკმარისმა რაოდენობამ დაუჭირა მხარი
access_time2019-11-14 17:49:00
ჩვენ გული გვწყდება, რომ მიუხედავად ოპოზიციური პარტიების მხარდაჭერისა, დღევანდელ კენჭისყრაზე საკონსტიტუციო ცვლილებებს „ქართული ოცნების“ დეპუტატების არასაკმარისმა რაოდენობამ დაუჭირა მხარი, - ამის შესახებ ნათქვამია საკონსტიტუციო ცვლილებების კენჭისყრასთან დაკავშირებით, საქართველოში აშშ-ის საელჩოს განცხადებაში. როგორც განცხადებაშია აღნიშნული, ამერიკის საელჩომ თავის დროზე დადებითად შეაფასა პარტია „ქართული ოცნების“ მიერ განცხადებული განზრახვა, 2020 წელს სრულ პროპორციულ...


მსგავსი სიახლეები

up