Blade Air Mobility-მ და BETA Technologies-მა ნიუ-იორკში პირველი ელექტრო ვერტიკალური აფრენისა და დაფრენის (eVTOL) საჰაერო ტაქსი წარმატებით გამოცადა. ამის შესახებ Bloomberg -ი წერს.

ისტორიული საცდელი ფრენა ვესტჩესტერის ოლქის აეროპორტში, უაით პლეინსში, ნიუ-იორკში განხორციელდა. ვერმონტში დაფუძნებული ელექტრო თვითმფრინავების და აერონავტიკების მწარმოებელი BETA Technologies თანამშრომლობს Blade Air Mobility-თან, რომელიც საჰაერო მოგზაურობის ეფექტურ ალტერნატივებს გვთავაზობს მსოფლიოს ყველაზე დატვირთულ რეგიონებში (აშშ, ევროკავშირი, კანადა და ინდოეთი), რათა საჰაერო ტაქსი რეალობად აქციოს.

BETA-ს საჰაერო ტაქსი ALIA-250 EVA უკვე სამი წელია დამუშავების პროცესშია. ALIA-250 EVA-ს აქვს ორი ვერსია, ერთი ოპტიმიზირებულია მგზავრებისთვის და მეორე - ტვირთისთვის. eVTOL პირდაპირი დისკზე განაწილებული ელექტრული მამოძრავებელი სისტემით იკვებება, რომელსაც 460 კილომეტრის დაფარვა შეუძლია და დატენის დრო 50 წუთია. სატვირთო ვერსიას აქვს იგივე სპეციფიკაციები, მაგრამ მგზავრის სავარძლები სატვირთო ადგილით შეიცვალა. Blade დამტენის საჭირო ინფრასტრუქტურის დაყენებასაც გეგმავს.