ნინო ზამბახიძე: საქართველოში მეწარმეები ბიუროკრატიას ეწირებიან

ნინო ზამბახიძე: საქართველოში მეწარმეები ბიუროკრატიას ეწირებიან

access_time2019-01-22 14:00:47


„საქართველოში მეწარმეები  ბიუროკრატიას ეწირებიან. აქამდე ამ თემაზე საჯაროდ არ ვსაუბრობდი, რადგან არ მინდოდა ფერმერთა ასოციაციის სახელი გამომეყენებინა. თუმცა ამ პრობლემის წინაშე მხოლოდ მე არ ვარ. აქედან გამომდინარე, გადავწყვიტე ჩემი ფერმა გავყიდო, რომ მეტი დრო დავუთმო ფერმერთა ასოციაციას და დავეხმარო სხვა ფერმერებს, რომ იგივე მდგომარეობაში არ აღმოჩნდნენ. “,— ამის შესახებ საქართველოს ფერმერთა ასოციაციის თავმჯდომარე ნინო ზამბახიძემ კომერსანტს განუცხადა.


საკუთარი მეურნეობის გაყიდვის შესახებ ინფორმაცია ნინო ზამბახიძემ სოციალურ ქსელში გაავრცელა,  მიზეზები კი კომერსანტთან განმარტა.


ფერმერთა ასოციაციის თავმჯდომარე საკუთარი ბიზნესის გაყიდვის ერთ-ერთ ძირითად მიზეზს სახელმწიფო შესყიდვების სააგენტოს ტენდერს უკავშირდება, რომლის მიხედვითაც უწყებამ ყველი უნდა შეიძინოს.


დოკუმენტაციის მიხედვით, კონსოლიდირებულ ტენდერში, ორ კომპანიას აქვს მონაწილეობა მიღებული - შპს ,,ალპურსა“ და ნინო ზამბახიძის კომპანია ,,ჯორჯიან ბიზნეს ზონ“-ს.


მიუხედავად იმისა, რომ ზამბახიძის კომპანიას შემსყიდველითვის უკეთესი ფასი -კილოგრამზე 9 ლარი და 47 თეთრი აქვს შეთავაზებული, მას დისკვალიფიკაცია მისცეს. ამ დროისთვის ტენდერი შერჩევა/შეფასების ეტაპზეა და თუ კომპანია ,,ალპურის“ დოკუმენტაცია წესრიგში იქნა, გამარჯვებულად ავტომატურად ის დასახელდება, რადგან ,,ჯორჯიან ბიზნეს ზონ“-ს დისკვალიფიკაცია მიენიჭა.


რაც შეეხება დისკვალიფიკაციის მიზეზს, კომისია განმარტავს, რომ წარდგენილი ტექნიკური აღწერილობა, არ შეესაბამება სატენდერო დოკუმენტაციის მოთხოვნებს.



,,ყველი დაფასოებული უნდა იყოს შემსყიდველის მოთხოვნის შესაბამისად 1-6 კგ მდე (+-15 გრ). ხოლო პრეტენდენტის მიერ წარმოდგენილ ტექნიკური აღწერილობაში მითითებულია, რომ ყველი დაფასოებული იქნება 1,5-5კგ-მდე; ამასთან, არ არის მინიშნებული რომ დაფასოება განხორციელდება შემსყიდველის მოთხოვნის შესაბამისად. გარდა აღნიშნულისა, პრეტენდენტს არ აქვს მითითებული, რომ მიწოდებული საქონლის დარჩენილი ვარგისიანობის ვადა იქნება საერთო ვადის არანაკლებ 90%, მაგრამ არანაკლებ 10 დღე, რაც გათვალისიწნებული იყო სატენდერო დოკუმენტაციით,“ - ნათქვამია გადაწყვეტილებაში.

ნინო ზამბახიძის თქმით, მისთვის დისკვალიფიკაციის არგუმენტი მიუღებელია და არ შეესაბამება რეალობას.


„ტენდერში დისკვალიფიკაციის არგუმენტი მიუღებელია და არ ვეთანხმები. ტექნიკურ დავალებაში ეწერა 1-6 კილოგრამი ყველი შეფუთვებით, ჩვენ გვქონდა შეთავაზებული 1,5-5,5 კილოგრამი, რაც მოთხოვნილ სტანდარტს აკმაყოფილებდა. თუ ეს პროლემა იყო, თავიდანვე სატენდერო მოთხოვნებში კონკრეტულად უნდა განესაზღვრათ წონა, რადგან 1-6 კგ იმას ნიშნავს, რომ ამ დიაპაზონში ნებისმიერი წონა მისაღებია.

მეორე საკითხი რის გამოც დისკვალიფიკაცია მივიღე ვარგისიანობას ეხება. არგუმენტი ის იყო, რომ არ იცოდნენ როგორ დადასტურდებოდა ჩემი ყველის ვარგისიანობა, ეს მაშინ, როდესაც ქვეყანაში არსებობს კანონი ეტიკეტის შესახებ და ეტიკეტზე დატანილია ვარგისიანობა. გვქონდა მითითებული, რომ ISO სტანდარტი გვაქვს და კანონის შესაბამისად ვაწარმოებთ პროდუქტს,“-განმარტა ზამბახიძემ.


მისივე თქმით, პრობლემაა ის, რომ დისკვალიფიკაციის გასაჩივრების მექანიზმი არ არსეობს, თუმცა ზამბახიძე დავის სასამართლოში გაგრძელებას აპირებს.


„ კონსოლიდირებულ შესყიდვაზე გასაჩივრების მექანიზმი არ არსებობს, სასამართლოში დავა დროში ჭიანურდება ისე, რომ ტენდერის მიმდინარეობა არ ჩერდება. შესაბამისად მეწარმე არანაირად არაა სტიმულირებული, რომ საქართველოში პროდუქცია აწარმოოს და თუ აწარმოებს გაურკვეველ მიზეზებსა და ბიუროკრატიას შეეწირება. ამის მიუხედავად, აუცილებლად ვაპირებ ამ საქმის სამართლებრივ კონტექსტში გაგრძელებას. თუ მე უნდა ვიყო წყალგამყარი, აუცილებლად ვიქნები, რადგან თუ მოხდა პრეცედენტი და სამართლიანი შედეგი მივიღეთ, ეს სტიმული იქნება სხვა ფერმერებისთვის“,-განაცხადა ნინო ზამბახიძემ.


ნინო ზამბახიძე კომერსანტთან საუბრისას ფერმერული მეურნეობის განვითრების ხელისშემშლელ სხვა პრობლემებზეც საუბრობს. მისი თქმით, დაავადება ბრუცელოზი ერთ-ერთი გამოწვევაა, რომელის კონტროლის მექანიზმი ქვეყანაშ არ არსებობს.


„ქვეყანაში არ არსებობს ახსნა რატომაა ეს დაავადება გავრცელებული. ჩემს შემთხვევაში სავარაუდო მიზეზად საკვები დასახელდა, ანუ თივა, რომელიც მაღალმთიანი რაიონიდან ჩამოვიტანეთ. ქვეყანაში შემოყვანისას პირუტყვს აცრები გავუკეთეთ სისხლის ანალიზის მიხედვით ბრუცელოზის დაავადება არ დაფიქსირდა, თუმცა შემდეგ ძროხები დაავადდნენ და იძულებული გავხდით დაგვეკლა, რადგან ეს დაავადება გადადის რძეში და რძის ნაწარმში და ცხადია ადამიანის ჯანმრთელობას ვერ დავაყენებდით რისკის ქვეშ. 3500 დოლარად ნაყიდი პირუტყვი 800 ლარად ხორცად ჩავაბარე. როცა ხორცი თერმულ დამუშავებას გადის ეს დაავადება საშიშია აღარაა. ქვეყანაში ცხოველთა დაავადების გამომწვევ მიზეზებზე კვლევები ყნდა ტარდებოდეს, რაზეც საქართველოში არც ფიქრობენ“,  ამბობს ზამბახიძე.


კომერსანტი დაინტერესდა პირადი გამოცდილების საფუძველზე რა რჩევას მისცმედა ნინო ზამბახიძე ფერმერებს, რომლებიც ახლა იწყებენ ან აპირებენ ბიზნესის წამოწყებას.


„ფერმერებს ვურჩევდი დიდი სიფრთხილე გამოიჩინონ სანამ დიდი ინვესტიციის განხორციელებას გადაწყვეტენ,“-განაცხადა ნინო ზამბახიძემ.


მარიამ ტიტვინიძე






„საგადასახადო კოდექსში სიტყვების „პირი“ და „ფიზიკური პირი“ თამაშმა შესაძლოა ბიზნესების დაჯარიმება გამოიწვიოს“ - ნინო ზამბახიძე

„საგადასახადო კოდექსში სიტყვების „პირი“ და „ფიზიკური პირი“ თამაშმა შესაძლოა ბიზნესების დაჯარიმება გამოიწვიოს“  - ნინო ზამბახიძე
access_time2019-10-21 19:30:25
„საგადასახადო კოდექსში სიტყვების „პირი“ და „ფიზიკური პირი“ თამაშმა შესაძლოა ბიზნესების დაჯარიმება გამოიწვიოს“ - ამის შესახებ დღეს პერემიერთან შეხვედრის შემდეგ „საქართველოს ფერმერთა ასოციაციის“ თავმჯდომარემ ნინო ზამბახიძემ ისაუბრა. დღეს, პრემიერ-მინისტრ გიორგი გახარიასა და ბიზნესასოციაციების წარმომადგენლების  შეხვედრაზე, გახარიამ სხვადასხვა სფეროს წარმომადგენლებისგან ძირითადი პრობლემური საკითხები მოისმინა. ერთ-ერთი იყო სოფლის მეურნეობის გამოწვევებიც,...

ნიკოლოზ ხუნძაკიშვილი – მთავრობა და ბიზნესი დროის ფაქტორს სხვადასხვაგვარად აღიქვამენ

ნიკოლოზ ხუნძაკიშვილი – მთავრობა და ბიზნესი დროის ფაქტორს სხვადასხვაგვარად აღიქვამენ
access_time2019-10-21 17:30:49
ბიზნესში არსებულ აქტუალურ პრობლემებზე “ბანკები და ფინანსები” კომპანია “ნატახტარის” კორპორაციულ საქმეთა დირექტორს, ნიკოლოზ ხუნძაკიშვილს ესაუბრა. -თქვენი კომპანია უკვე მრავალი წელია საკმაოდ წარმატებულად პოზიციონირებს ქართულ ბაზარზე, თქვენი პროდუქცია საკმაოდ მოთხოვნადია, რასაც ხელს უწყობს ქართველი კაცის განსაკუთრებული სიყვარული ლუდის მიმართ, მოკლედ...

ჩინეთის ეკონომიკური ზრდა შენელდა

ჩინეთის ეკონომიკური ზრდა შენელდა
access_time2019-10-21 20:30:17
2019 წლის იანვარს-სექტემბერში ჩინეთის მშპ-მ  9,8 ტრლნ დოლარი შეადგინა, რაც გასული წლის იგივე პერიოდის მაჩვენებელს  6,%-ით აღემატება- იტყობინება ჩინეთის სტატისტიკის ეროვნული ბიურო.ბოლო 3 კვარტლის მანძილზე ქვეყნის მშპ-ს ზრდა მცირდება - პირველ კვარტალში ამ მაჩვენებელმა შეადგინა 6,4%, მეორეში -6,2%, მესამეში - უკვე 6%. ბოლო ციფრი მოსალოდნელზე, ანუ 6,1%-ზე დაბალი აღმოჩნდა. ეს მაჩვენებელი  1992 წლიდან  ყველაზე დაბალია. 2019 წელს ჩინეთის ეკონომიკა ...

„სემეკის“ თავმჯდომარე დავით ნარმანია გახდა

„სემეკის“  თავმჯდომარე დავით ნარმანია გახდა
access_time2019-10-21 14:47:21
საქართველოს ენერგეტიკისა და წყალმომარაგების მარეგულირებელ ეროვნულ კომისიაში (სემეკ) კომისიის თავმჯდომარის არჩევნები გაიმართა. „ელექტროენერგეტიკისა და ბუნებრივი გაზის შესახებ“ საქართველოს კანონში შესული ცვლილებების მიხედვით, კომისიის წევრებმა ფარული კენჭისყრით, ხმა მისცეს კომისიის თავმჯდომარეობის კანდიდატს  დავით ნარმანიას.  ახალი რეგულაციით, კომისიის თავმჯდომარე ირჩევა 3 წლის ვადით, მაგრამ არაუმეტეს კომისიის წევრის უფლებამოსილების დარჩენილი ვადისა. კომისიაში...

ნატო ხაინდრავა - ბიძინა ივანიშვილმა ,,პროგრეს ბანკის“ წილი ბანკის გადასარჩენად იყიდა, ეს ქველმოქმედება იყო

ნატო ხაინდრავა -   ბიძინა ივანიშვილმა ,,პროგრეს ბანკის“ წილი ბანკის გადასარჩენად იყიდა, ეს ქველმოქმედება იყო
access_time2019-10-21 14:13:42
ბიძინა ივანიშვილმა 22%-იანი წილი დაახლოებით 2 მლნ დოლარად პროგრეს ბანკის გადასარჩენად იყიდა. მას პროგრეს ბანკში ანგარიშები არასოდეს ჰქონია,- ამის შესახებ ,, ქართუ ბანკის“ გენერალურმა დირექტორმა ნატო ხაინდრავამ ,, იმედის კვირასთან“ განაცხადა. ქართუ“ ბანკის გენერალური დირექტორი იმ მძიმე პერიოდს იხსენებს, როცა უპრეცედენტო საკანონმდებლო ცვლილებით კერძო ბანკებმა პირველადი იპოთეკარების სტატუსი დაკარგეს. ,,ახალი რეგულაცია რეალურად მხოლოდ ქართუს და პროგრეს ბანკს შეეხო....


მსგავსი სიახლეები

up