„ნიკორა ჯგუფი“ 13 მილიონიანი ზარალის შემდეგ, 2022 წელს 30,8 მლნ ლარის მოგებაზე გავიდა. გასული წელი სუპერმარკეტების ქსელმა 30,835 მლნ ლარის მოგებით დაასრულა, 2020 წელს კი მას 13.7 მილიონიანი ზარალის ჰქონდა.
2021 წელის ფინანსური ანგარიშის მიხედვით, 2021 წელს „ნიკორა ჯგუფის“ კონსოლიდირებულმა გაყიდვებმა 749.7 მილიონი ლარი შეადგინა, რაც 24.3%-ით მეტია წინა წლის მაჩვენებელზე, რომელიც 603.3 მილიონი ლარი იყო. ერთი წლის განმავლობაში შემოსავალი 24.3%-ით გაიზარდა, ხოლო რეალიზებული საქონლის თვითღირებულება 22.2%-ით. 2021 წელს კომპანიის საერთო მოგების მარჟა 1.2%-ით გაუმჯობესდა და 29.2% შეადგინა.
„2022 წელსაც, აქცენტს გავაკეთებთ განვითარებაზე. ჩვენი ძირითადი მიზანი და ამოცანებია ნიკორას ბრენდის გათანამედროვება, გაახალგაზრდავება, ბრენდის იდენტობის მომხმარებლამდე მიტანა, ახალი მომხმარებლების მოზიდვა, არსებული მომხმარებლების ლოიალურობის ზრდა. 2022 წლის კველევის მონაცემებით, შეგვიძლია ვთქვათ, რომ გაზრდილია ნიკორას სპონტანური ცნობადობა წინა წელთან მიმართებაში, პროდუქციის მოხმარება, კმაყოფილების ინდექსი და მნიშვნელოვნად ვუსწრებთ ყველა პარამეტრით კონკურენტ ბრენდებს“, - ნათქვამია კომპანიის ფინანსურ ანგარიშგებაში.
2021 წლის 12 ნოემბერს, ჯგუფმა გამოუშვა 35 მილიონი ლარის ღირებულების ობლიგაციები, რომლის დაფარვის ვადაა 2024 წლის 12 ნოემბერი. ჯგუფს ობლიგაციებზე გადასახდელი აქვს წლიურად თბილისის ბანკთაშორისი საპროცენტო განაკვეთს (2021 წლის 31 დეკემბრისათვის შეადგენს 3 თვიანი პერიოდისათვის წლიური 10.227 პროცენტი ) დამატებული 3.5%.
„ნიკორას“ ჰოლდინგი 14 შვილობილ კომპანიას აერთიანებს. ჰოლდინგი სავაჭრო ქსელის გარდა, ასევე აწარმოებს საკვებ პროდუქტებს, ფლობს სადისტრიბუციო ქსელს საქართველოში და ეწევა სოფლის მეურნეობის საქმიანობას, მათ შორის: საცალო ვაჭრობის მაღაზიათა ქსელი საქართველოში 388 მაღაზიის სახით არის წარმოდგენილი და საცალო ბაზარზე 17.9%-იანი წილით ლიდერია.