ნიკოლოზ სამხარაძე - ოპოზიციის ლიდერის დაკავება ყოველთვის კრიტიკის საფუძველი ხდება, თუმცა არც ერთ საერთაშორისო პარტნიორს არ უთქვამს, რომ ძალა გადამეტებით იყო გამოყენებული

ნიკოლოზ სამხარაძე - ოპოზიციის ლიდერის დაკავება ყოველთვის კრიტიკის საფუძველი ხდება, თუმცა არც ერთ საერთაშორისო პარტნიორს არ უთქვამს, რომ ძალა გადამეტებით იყო გამოყენებული

access_time2021-02-23 16:23:29

როდესაც ოპოზიციის ლიდერს აკავებენ, ეს ყოველთვის კრიტიკის საფუძველი ხდება, თუმცა არც ერთ საერთაშორისო პარტნიორს არ უთქვამს, რომ დაკავების დროს ძალა გადამეტებით იყო გამოყენებული, – ამის შესახებ საგარეო ურთიერთობათა კომიტეტის თავმჯდომარემ, ნიკოლოზ სამხარაძემ ნიკა მელიას დაკავებაზე საერთაშორისო გამოხმაურებებთან დაკავშირებით განაცხადა.

მისი თქმით, საქართველოს პარტნიორების მხრიდან მელიას დაკავება პოლიტიკურად შეფასდა, როგორც არასასიამოვნო ფაქტი, რასაც მმართველი გუნდიც ადასტურებს.

„კრიტიკა და საერთაშორისო გამოხმაურებები ჩვენთვის მოსალოდნელი იყო. როდესაც ოპოზიციის ლიდერს აკავებენ, ეს ყოველთვის კრიტიკის საფუძველი ხდება, თუმცა არც ერთ ჩვენს საერთაშორისო პარტნიორს არ უთქვამს, რომ დაკავების დროს იყო რაიმე ისეთი ექსცესი ან ძალა გადამეტებით იყო გამოყენებული. თვითონ ფაქტი პოლიტიკურად შეფასდა, როგორც არასასიამოვნო. ეს ჩემთვის მისაღებია და ჩვენც ვადასტურებთ, რომ ეს არასასიამოვნო ფაქტია, როდესაც ოპოზიციის ლიდერი საპატიმროში მიდის. ეს მისი გადაწყვეტილება იყო. ასე მან და მისმა პარტიამ აირჩიეს. ამ სიტუაციიდან გამოსავალი დღესაც არსებობს. კიდევ შეიძლება საპატიმროდან გათავისუფლდეს, თუ ის საჯარო განცხადებას გააკეთებს და მოინანიებს თავის დანაშაულს. იმ დანაშაულს, რომელსაც ის საჯაროდ ისედაც ადასტურებს“, – განაცხადა სამხარაძემ.

ამასთან, მან კომენტარი გააკეთა საქართველოში ამერიკის საელჩოს განცხადებაზეც, რომლის თანახმად, „დღეს საქართველომ უკან დაიხია ევროატლანტიკურ სახელმწიფოთა ოჯახში უფრო ძლიერი დემოკრატიისკენ მიმავალ გზაზე“.


„ნიკა მელია რომ არ დაკავებულიყო და კანონი არ აღსრულებულიყო, ამ შემთხვევაში ევროინტეგრაციის გზაზე ერთი ნაბიჯით უკან არ წავიდოდით? ევროინტეგრაცია ჩვენ იმიტომ გვინდა, რომ ევროპასა და ნატო-ში გაწევრიანებული არიან სახელმწიფოები, სადაც მთავარი ფასეულობა სამართლის უზენაესობაა. საქართველოს მოქალაქეები, 3 700 000 ადამიანი, კანონის წინაშე თანასწორნი ვართ. ამიტომ თუ დასავლური სახელმწიფოს აშენება გვინდა, კანონსა და სამართალზე დაფუძნებული სახელმწიფო უნდა ავაშენოთ. სხვანაირად ვერ გავხდებით ვერც ევროპის და ვერც ნატო-ს წევრები. ერთი კონკრეტული ადამიანის მიერ სახელმწიფოს ასე უხეშად გამოწვევას პასუხი სჭირდებოდა და ეს იყო, რამაც დღევანდელ სამწუხარო ფაქტამდე მიგვიყვანა“, – განაცხადა ნიკოლოზ სამხარაძემ.

1tv.ge




საბჭოთა ოკუპაციის 100 წლისთავთან დაკავშირებით, საქართველოს მთავრობის ადმინისტრაციის შენობაზე სახელმწიფო დროშა დაშვებულია

საბჭოთა ოკუპაციის 100 წლისთავთან დაკავშირებით, საქართველოს მთავრობის ადმინისტრაციის შენობაზე სახელმწიფო დროშა დაშვებულია
access_time2021-02-25 00:28:10
საბჭოთა ოკუპაციის 100 წლისთავთან დაკავშირებით, საქართველოს მთავრობის ადმინისტრაციის შენობაზე საქართველოს სახელმწიფო დროშა დაშვებულია. ინფორმაციას მთავრობის ადმინისტრაციის პრესსამსახური ავრცელებს. „სახელმწიფო დროშები დაშვებულია ყველა ადმინისტრაციულ შენობაზე. 1921 წლის 17 თებერვალს, საბჭოთა რუსეთის მე-11 არმიამ საქართველოს ანექსია განახორციელა. 1921 წლის 25 თებერვალს საქართველოს დამოუკიდებლობისთვის მებრძოლ იუნკერთა დიდი ნაწილი ბრძოლის...

Handelsblatt: რატომ რჩება უკრაინა ინვესტორებისთვის მიმზიდველ ქვეყნად?

Handelsblatt: რატომ რჩება უკრაინა ინვესტორებისთვის მიმზიდველ ქვეყნად?
access_time2021-02-24 20:00:11
უკრაინის პრეზიდენტს ვლადიმირ ზელენსკის დღეს სიცილისთვის აღარ სცალია - ყოფილი მსახიობი-კომიკოსი დღეს მკაცრი მზერით კამერაში იყურება და 3 უკრაინული ტელეარხისთვის  მაუწყებლობის ლიცენზიის ჩამორთმევის შესახებ აცხადებს.     ის ყოველგვარ ბრალდებებს ცენზურის დამყარებაში კატეგორიულად უარყოფს - მისი თქმით, საუბარია არა პრესის თავისუფლების შეზღუდვაზე, არამედ ეროვნულ უსაფრთხოებაზე.     ეს 3 ტელეკომპანია - ZIK, NewsOne...

დღის Top 10 საინტერესო ამბავი

დღის Top 10 საინტერესო ამბავი
access_time2021-02-24 21:00:30
დღის Top 10 საინტერესო ამბავი: 1. ირაკლი ღარიბაშვილმა შეზღუდვების ეტაპობრივი შემსუბუქების გეგმა წარადგინა - რა იხსნება მარტიდან? საქართველოს პრემიერ-მინისტრმა ირაკლი ღარიბაშვილმა, უწყებათაშორისი საკოორდინაციო საბჭოს სხდომის დასრულების შემდეგ შეზღუდვების ეტაპობრივი შემსუბუქების გეგმა...

საქართველოში სეტყვის საწინააღმდეგო ბადეების წარმოება დაიწყება

საქართველოში სეტყვის საწინააღმდეგო ბადეების წარმოება დაიწყება
access_time2021-02-24 19:00:17
სეტყვის საწინააღმდეგო და მზისგან დამცავი ბადეების წარმოება საქართველოში უკვე გაზაფხულზე დაიწყება.    ქარელის რაიონში ქარხნის გახსნა 2021 წლის იანვრისთვის იგეგმებოდა, თუმცა, პანდემიის გამო რამდენიმე თვით გადაიდო.    ქარხანას კომპანია Agrobade LTD აშენებს. მისი დამფუძნებლის ავთანდილ მაისურაძის თქმით, წარმოების იდეა ბაზრის შესწავლის შემდეგ გაჩნდა.   „ჩვენ ამ ტიპის...

PMC კვლევა: საქართველო ტურისტების პანდემიამდელ რაოდენობას 2023 წლისთვის მიიღებს

PMC კვლევა: საქართველო ტურისტების პანდემიამდელ რაოდენობას 2023 წლისთვის მიიღებს
access_time2021-02-24 17:38:28
საქართველო ტურისტების პანდემიამდელ რაოდენობას 2023 წლისთვის მიაღწევს, - ასეთია PMC კვლევითმა ცენტრის გამოკითხვის შედეგები.   გამოკითხულ ექსპერტთა უმრავლესობის აზრით (53.3%) ტურისტების რაოდენობა პანდემიამდელ მდგომარეობას დაუბრუნდება 2023 წელს, 26.7%-ის აზრით 2024 წელს.   რესპონდენტებს სთხოვეს გაეკეთებინათ პროგნოზი, თუ რამდენად აღდგება ტურიზმიდან მიღებული შემოსავალი 2021 წელს, 2019 წლის მაჩვენებელთან შედარებით. 60% ვარაუდობს, რომ 2021 წელს მიღებული...


მსგავსი სიახლეები

up