საქმე 100 მილიონში არ არის, რომელიც ბიძინა ივანიშვილმა კორონავირუსთან ბრძოლის ფონდში წუხელ ღამით გადარიცხვა, საქმე სხვა რამეშია - მან ეს, როგორც სჩვევია, მშვიდად, წყნარად, ხმაურის გარეშე გააკეთა,- ამის შესახებ ექსპერტი ნიკოლოზ მჭედლიშვილი სოციალურ ქსელში წერს.

ექსპერტი ამბობს, რომ მას ეს არ გაგკვირვებია, ვინაიდან ბიძინა ივანიშვილის გაცილებით დიდი ქველმოქმედება აქვს გაკეთებული ათწლეულების განმავლობაში.

,,მართალი გითხრათ, არც გამკვირვებია ეს მილიონები, ივანიშვილს გაცილებით დიდი ქველმოქმედება აქვს გაკეთებული ათწლეულების განმავლობაში. ახლა შევხედოთ მის მოწინააღმდეგე მხარეს, ანუ ოპოზიციას. იხმაურეს, ხალხი გააგიჟეს, არეკინეს საქართველოს დიპლომატიურ მისიებში, აგინეს დიპლომატებს, უამრავი ვიდეო ჩაწერეს, და რა? არცერთი რეისი არ შესრულებულია ქართველების საქართველოში ჩამოსაყვანად. არადა ვინ უშლიდათ ხელს? არც ფული გადაურუცხიათ ,,StopCov-19“ - ის ფონდში, ერთი კვირაა გვპირდებიან.

"ლელოს" მესვეურებმა საერთოდ საცოდავი 100 ათასი გადარიცხეს და ხელი დაიბანეს, მომჭეირნეები ეგენი!

მოკლედ, ივანიშილსა და ოპოზიციას შორის ზუსტად ისეთი განსხვავებაა როგორც 100 მილიონსა და მაგ 100 ათასს შორის, პროპორცია დაცულია”,- წერს ნიკოლოზ მჭედლიშვილი.

ლევან ნიკოლეიშვილი: რა გაგვიკვირდა, განა ბიძინა ივანიშვილი არ იყო, რომელსაც ჯერ სახეზეც კი არ იცნობდა ჩვენი მოსახლეობა, როცა უამრავ ოჯახს ჩუმად და ყოველგვარი აფიშირების გარეშე ეხმარებოდა.

ლევან ნიკოლეიშვილი: მავნებლები ხშირად კითხულობენ, სად არის ბიძინა ივანიშვილი, არა და აქ არის, თავის გუნდთან ერთად, რომელიც ასე ეფექტურად უმკვლავდება კორონავირუსს-უხილავ მტერს.

მავნებლები ხშირად კითხულობენ, სად არის ბიძინა ივანიშვილი, ვერ ხედავთ? რას იზამთ . არადა აქ არის, თავის გუნდთან ერთად, რომელიც ასე ეფექტურად უმკვლავდება კორონავირუსს-უხილავ მტერს, რომელსაც იმედია ასევე ღირსეულად დავამარცხებთ,- წერს სოციალურ ქსელში ლევან ნიკოლეიშვილი.

მისი თქმით, ეს ბიძინა ივანიშვილის კიდევ ერთი წვლილია ქვეყნის წინაშე გაღებული.

,,დღეს გაჟღერდა ინფორმაცია, რომ კოვიდ19 - ის წინააღმდეგ ბრძოლის ფონდი 100 მილიონით გაიზარდა და მალევე გაჩნდა სასიამოვნო ინფორმაცია, რომ ეს ბიძინა ივანიშვილის კიდევ ერთი წვლილია ქვეყნის წინაშე გაღებული, ან რა გვიკვირდა, განა ბიძინა ივანიშვილი არ იყო, რომელსაც ჯერ სახეზეც კი არ იცნობდა ჩვენი მოსახლეობა, როცა უამრავ ოჯახს ჩუმად და ყოველგვარი აფიშირების გარეშე ეხმარებოდა, რომელმაც უამრავი კულტურული თუ ისტორიული ძეგლი გადარჩინა, ჩამოთვლაც კი გაგვიჭირდება?! არც იმის დავიწყება შეიძლება, რომ პირველად, დამოუკიდებელი საქართველოს ისტორიაში სწორედ მან და მისმა გუნდმა შეძლო რევოლუციით და დამხობით კი არა, არამედ მშვიდობიანი, პოლიტიკური გზით, არჩევნებით შეეცვალა ხელისუფლება. მავნებლები ხშირ-ხშირად კითხულობენ თუ სად არის ბიძინა ივანიშვილი, ვერ ხედავთ? რას იზამთ. არადა აქ არის, თავის გუნდთან ერთად, რომელიც ასე ეფექტურად უმკვლავდება კორონავირუსს-უხილავ მტერს, რომელსაც იმედია ასევე ღირსეულად დავამარცხებთ”,- წერს ლევან ნიკოლეიშვილი.