"მსოფლიოს პრაქტიკულად ყველა ქვეყანას რადიკალურად გაეზარდა ვალის მოცულობა და ერთადერთი მიზეზი პანდემიური მოვლენებია", - ფინანსთა მინისტრის მოადგილე ქვეყანაში საგარეო ვალის ზრდის სტატისტიკას აფასებს.
ნიკოლოზ გაგუა ამბობს, რომ ვალი მხოლოდ საქართველოში არ გაზრდილა, ახსნა, რომ 2020 წელს ვალის ზრდა, ძირითადად, უკავშირდება საერთაშორისო საფინანსო ინსტიტუტებისგან ქვეყნისთვის მიღებულ მნიშნელოვან ფინანსურ დახმარებას.
„პანდემიური მოვლებებიდან გამომდინარე, ქვეყნის ეკონომიკა მნიშვნელოვნად დაზარალდა, დაზარალდა მისი ყველა სექტორი და მათ შორის ვალიც. თქვენ იცით, რომ ჩვენ საერთაშორისო საფინანსო ინსტიტუტებისგან მოვიზიდეთ მნიშვნელოვანი, 1,5 მილიარდი დოლარის ოდენობის ფინანსური დახმარება. ეს ერთი მხრივ, ვალია, მეორე მხრივ, ეს არის დაზღვევა, რომ ქვეყნის ეკონომიკა და მისი მაკროეკონომიკური სტაბილურობა გარანტირებულია. ბუნებრივია, პანდემიის სტაბილიზაციის პარალელურად, ჩვენ გვაქვს საშუალება მომავალი წლიდან ვალის მაჩვენებელი მნიშვნელოვნად შევამციროთ“, - განაცხადა ნიკოლოზ გაგუამ.
ერთი წლის განმავლობაში ქვეყნის საგარეო ვალდებულებები ერთ თვეში 453 მლნ დოლარით გაიზარდა და 2020 ნწლის 31 ივლისისთვის, 6,6 მლრდ დოლარია.