მომავალ წელს, ქვეყანა დაუბრუნდება ეკონომიკური ზრდის 5%-იან მაჩვენებელს

მომავალ წელს, ქვეყანა დაუბრუნდება ეკონომიკური ზრდის 5%-იან მაჩვენებელს

access_time2020-09-16 16:00:19

მიგვაჩნია, რომ მომავალ წელს, ქვეყანა დაუბრუნდება ეკონომიკური ზრდის 5%-იან მაჩვენებელს, - განაცხადა ფინანსთა მინისტრის მოადგილემ ნიკოლოზ გაგუამ დღეს, ფინანსთა სამინისტროში გამართულ ბრიფინგზე, რომელზეც მან ისაუბრა ქვეყანაში მიმდინარე ეკონომიკურ დინამიკაზე, ასევე, შეაჯამა საერთაშორისო სავალუტო ფონდის დისტანციური მისიის შედეგები. ინფორმაციას ფინანსთა სამინისტრო ავრცელებს.



როგორც მინისტრის მოადგილემ აღნიშნა, გლობალური პანდემიის მიუხედავად, ბოლო თვეებში ქვეყნის ეკონომიკური მაჩვენებლები მეტ-ნაკლებად დასტაბილურდა და მიმდინარე წლის ეკონომიკური ზრდის პროგნოზი, კვლავაც რჩება, დაახლოებით, -4% -5% -ის ფარგლებში.



„საერთაშორისო სავალუტო ფონდის მისიის შეფასებით, მიმდინარე წელს, ქვეყნას -5%-იანი ეკონომიკური ზრდა ექნება. ჩვენ იმედი გვაქვს, რომ მომავალ თვეებში გვექნება გაუმჯობესების ტენდენცია. რაც შეეხება 2021 წელს - ველოდებით, დაახლოებით, 5-პროცენტიან ეკონომიკურ ზრდას. როგორც იცით, ცოტა ხნის წინ, აზიის განვითარების ბანკმა გამოაქვეყნა, 4,5-პროცენტიანი ეკონომიკური ზრდის პროგნოზი საქართველოსთვის. შეგვიძლია ვთქვათ, რომ საერთაშორისო სავალუტო ფონდი ეთანხმება ჩვენს პროგნოზს მომავალ წელს 5%-იან ეკონომიკურ ზრდასთან დაკავშირებით“, - აღნიშნა ფინანსთა მინისტრის მოადგილემ.




მისი თქმით, საერთაშორისო სავალუტო ფონდის მისია ხაზგასმით აღნიშნავს, პანდემიის წარმატებულ კონტროლს, როგორც ჯანდაცვის სისტემის ნაწილში, ასევე, ეკონომიკური პოლიტიკის პასუხების ეფექტურობის კუთხით. ასევე, მნიშვნელოვანია ფონდის შეფასებები ქვეყანაში განხორციელებული რეფორმების მიმართულებით.



„ჩვენ მიმდინარე პერიოდში მნიშვნელოვანი ეკონომიკური რეფორმები განვახორციელეთ, როგორიცაა: პენსიების ინდექსაცია, გადახდისუუნარობის შესახებ კანონი, რომელიც მნიშვნელოვანია ბიზნესგარემოს გაუმჯობესებისა და ეკონომიკური სტაბილიზაციისთვის. მომავალში, ფონდთან ერთად, დაგეგმილი გვაქვს სხვა რეფორმები, მათ შორისაა, ჩვენ მიერ ინიცირებული სახელმწიფო საწარმოების რეფორმა, რომელიც ითვალისწინებს საუკეთესო საერთაშორისო პრაქტიკის დანერგავს სახელმწიფო საწარმოების მართვის პროცესში“, - განაცხადა ნიკოლოზ გაგუამ.



მან, ასევე, ისაუბრა საერთაშორისო საფინანსო ინსტიტუტებთან თანამშრომლობის საკითხებზე და აღნიშნა, რომ მაკროეკონომიკური სტაბილურობის კუთხით, ქვეყანას პრობლემები არ ექნება.



„ძალიან წარმატებით მიმდინარეობს დონორ ორგანიზაციებთან მუშობა. ჩვენ, პრაქტიკულად, სრულად გვაქვს მიღებული თანხები, რომელზეც გვქონდა მოლაპარაკებები, ამიტომ ცალსახად შეგვიძლია ვთქვათ, რომ მაკროეკონომიკური ხასიათის პრობლემები ქვეყანას არ ექნება. ჩვენ სრულად ვართ დაცული ჩვენი პარტნიორი ორგანიზაციების მხარდაჭერით. უნდა აღინიშნოს, რომ დადებითია საგადასახადო შემოსავლების დინამიკა. როგორც იცით, ცოტა ხნის წინ, საკრედიტო სარეიტინგო ორგანიზაციებმა შეაფასეს საქართველო და რეიტინგის მაჩვენებელი უცვლელი დაგვიტოვეს“, - განაცხადა ფინანსთა მინისტრის მოადგილემ ნიკოლოზ გაგუამ.








„ქართული ოცნების“ პროგრამა ცარიელი რვეულია, რომელსაც სარჩევიც არ აქვს“ - ლევან კობერიძე

„ქართული ოცნების“ პროგრამა ცარიელი რვეულია, რომელსაც სარჩევიც არ აქვს“ - ლევან კობერიძე
access_time2020-09-25 19:30:42
„ლელოს ვაკის მაჟორიტარობის კანდიდატი ლევან კობერიძე დარგობრივი ეკონომიკისა და ეკონომიკური პოლიტიკის კომიტეტის თავმჯდომარის რომან კაკულიას განცხადებას „კომერსანტთან“ საუბრისას პასუხობს, რომლის თქმით, „ლელო საქართველოსთვის ლიდერის მამუკა ხაზარაძის ინიციატივა, რომელიც მევახშეობის აკრძალვას მოიცავს, „მომავალში დასაწერი წიგნის სარჩევს ჰგავს, რომლის შინაარსიც დაწერილი არ არის და თანაც, განძის კუნძულია ალბათ, სადღაც აღმოჩენილი“. „იმის ნაცვლად რომ ქვეყნის...

დავით სონღულაშვილის პასუხი ,,ლელოს”: ნუ იგდებთ თავს უხერხულ მდგომარეობაში

დავით სონღულაშვილის პასუხი ,,ლელოს”: ნუ იგდებთ თავს უხერხულ მდგომარეობაში
access_time2020-09-25 18:50:59
„ლელოს” წევრმა, ბატონმა საბა ბუაძემ გაავრცელა ყალბი განცხადება, რის მიხედვითაც, ჩემს დეკლარაციაში ასახული გადასესხების ფაქტი თითქოს და ეხება თანხის ხელზე გადასესხებას.   პირადად მას მსურს ვუთხრა და საზოგადოებას მივაწოდო ინფორმაცია, რომ კერძო სექტორში საქმიანობის პერიოდში, პირადი კრედიტი გადავასესხე კომპანიაზე, რაც მთელს მსოფლიოში და საქართველოშიც მიღებული პრაქტიკაა.   ბატონ ბუაძეს შეცდომაში შეჰყავს საზოგადოება და ავრცელებს დეზინფორმაციას....

მიმდინარე კვირაში რეგიონში მხოლოდ ლარმა განიცადა რეკორდული გაუფასურება

მიმდინარე კვირაში რეგიონში მხოლოდ ლარმა განიცადა რეკორდული გაუფასურება
access_time2020-09-25 18:10:49
კორონავირუსის უარყოფითი ეფექტი რეგიონში ყველაზე მკვეთრად ქართული ლარის კურსზე აისახა და მისი გაუფასურება დღემდე გრძელდება. მიმდინარე კვირაში, Bloomberg-ის სავაჭრო სისტემაში ლარი რეკორდულად თითქმის 11 თეთრით გაუფასურდა. ეროვნული ბანკის მიერ გამოქვეყნებული 21 სექტემბრის ვაჭრობის შედეგად კი ერთი აშშ დოლარის ღირებულება 3.2295 ლარი იყო, ხოლო დღევანდელი მონაცემებით 3.3332 ლარი შეადგინა.   დღეს დილიდან ვაჭრობა Bloomberg-ის სავაჭრო სისტემაში $1/3.3175 ლარით...

„მევახშეები თავის პარტიაში მოიკითხონ“ - „ქართული ოცნების“ პასუხი „ლელოს“

„მევახშეები თავის პარტიაში მოიკითხონ“ - „ქართული ოცნების“ პასუხი „ლელოს“
access_time2020-09-25 17:20:49
„ძალიან ცუდია, რომ ეს ადამიანი კარიერას ტყუილებით იწყებს. მევახშეები თავის პარტიაში მოიკითხოს“, - ასე აფასებს საპარლამენტო უმრავლესობის წევრი ილია წულაია „ლელო“ მიერ გამოქვეყნებული „ქართული ოცნების“ დეპუტატების სიას, რომლებიც მევახშეობით ფულის „ხელზე გასესხებით“ არიან დაკავებულები. ილია წულაია „კომერსანტთან“ საუბარში აცხადებს, რომ გავრცელებული ინფორმაცია სიმართლეს არ შეესაბამება. ამბობს იმასაც, რომ თანხები საკუთარ კომპანიაზე ინვესტიციის სახით აქვს...

სადაზღვევო კომპანიებისთვის მინიმალური კაპიტალის ზღვრის გაზრდის მოთხოვნა გადავადდა

სადაზღვევო კომპანიებისთვის მინიმალური კაპიტალის ზღვრის გაზრდის მოთხოვნა გადავადდა
access_time2020-09-25 16:05:44
სადაზღვევო კომპანიების სავალდებულო საწესდებო კაპიტალის მინიმალური ოდენობის ზრდის გადავადების შესახებ განცხადება დაზღვევის სახელმწიფო ზედამხედველობის სამსახურის უფროსმა, დავით ონოფრიშვილმა, საქართველოს ბიზნეს ასოციაციიაში გამართულ შეხვედრაზე გააკეთა. შეხვედრას ასოციაციის პრეზიდენტი, სოსო ფხაკაძე უძღვებოდა. სადაზღვევო კომპანიების წარმომადგენლებს, აღნიშნულ საკითხზე მთავრობის მოსაზრება, პრემიერ-მინისტრის მრჩეველმა ეკონომიკურ საკითხებში, ბექა ლილუაშვილმა გააცნო. აღსანიშნავია,...


მსგავსი სიახლეები

up