ნიკო მჭედლიშვილი-პანდემიის და ეკონომიკური კრიზისის მიუხედავად, 2020 წელს ისტორიული რეკორდი აღინიშნა და ქვეყანაში აშენდა 70 კილომეტრი ავტობანი
რეგიონული განვითარებისა და ინფრასტრუქტურის სამინისტროს 2020 წლის ანგარიშს ეხმაურება ექსპერტი ნიკო მჭედლიშვილი და აღნიშნავს, რომ პანდემიის და ეკონომიკური კრიზისის მიუხედავად, 2020 წელს ისტორიული რეკორდი აღინიშნა და ქვეყანაში აშენდა 70 კილომეტრი ავტობანი, ასევე რეაბილიტირდა 580 კილომეტრი გზა.
ექსპერტს მიაჩნია, რომ ქვეყნის უკეთესობისკენ შეცვლა შესაძლებელია ინფრასტრუქტურული პროექტების განხორციელებით, აღმოსავლეთ-დასავლეთის ავტობანის მშენებლობით, წყალმომარაგებისა და ინტერნეტის უზრუნველყოფით.
„თუკი რამე შეცვლის ამ ქვეყანას უკეთესობისაკენ, ეს არის ინფრასტრუქტურული პროექტები, აღმოსავლეთ-დასავლეთოს ავტობანის მშენებლობა, წყალმომარაგება და ინტერნეტი.
ყოველთვის წინააღმდეგი ვარ ხოლმე საგარეო ვალების აღების, მაგრამ ყოველთვის მომხრე ვარ რომ, თუკი აუცილებელია, ავიღოთ საერთაშორისო კრედიტი ჩქაროსნული მაგისტრალის მშენებლობიისათვის.
მიუხედავად პანდემიისა და მიუხედავა ღრმა ეკონომიკური კრიზისია ჩვენთან და მსოფლიოში, მოვახერხეთ და 2020 წელს ავაშენეთ 70 კილომეტრი ავტობანი, რაც ისტორიული რეკორდია. ამის გარდა რეაბილიტირდა 580 კილომეტრი გზა.
მიხარია, რომ დაიწყება 2021 წელს თბილისი-საგარეჯოს ავტომაგისტრალის მშენებლობა. ქვეყნის სხვა რეგიონებშიც მიმდინარეობს გზების მშენებლობები.
აღარ ვსაუბრობ, წყალმომარაგების კონკრეტულ პროექტების განხორციელებაზე და მუზეუმების გახსნა-რემონტზე სხვადასხვა რეგიონებში.
აშკარად გაუმჯობესდა ტურისტული ინფრასტრუქტურა, რამაც შედეგი უნდა გამოიღოს და მეტი შემოსავალი მოუტანოს ქვეყანას, როცა პანდემია დასრულდება და ტურისტების ისევ ჩამოვლენ ქვეყანაში“,- წერს ნიკო მჭედლიშვილი.