კომპანია OpenSea-ის საბაზრო ღირებულებამ, რომელიც შეუცვლელი ტოკენებით (non-fungible token, NFT) ვაჭრობის უმსხვილესი სივრცეა მსოფლიოში, 13,3 მლრდ დოლარს მიაღწია. ინვესტორებისგან თანხის მოზიდვის ბოლო რაუნდში კომპანიამ შეძლო 300 მლნ დოლარის მოზიდვა - ამის შესახებ კომპანიის ერთ-ერთმა დამფუძნებელმა დევიდ ფინზერმა „ტვიტერში“ დაწერა.

„2021 წელს მსოფლიომ მიიღო იდეა იმაზე, რომ NFT ახალი P2P ეკონომიკებისთვის საბაზისო სტრუქტურულ ელემენტს წარმოადგენს. ეს ჩვენ მსოფლიოს ვანახეთ. ისინი აძლევენ მომხმარებლებს მეტ თავისუფლებას და ჩართულობას ციფრულ პროდუქტებში, ასევე შემქმნელები ამუშავებენ ძლიერ ქმედით აპლიკაციებს, რომლებიც მომხმარებლებს აძლევენ რეალურ ეკონომიკურ ღირებულებას და სარგებელს“, - განაცხადა მან.

ფინზერმა ასევე აღნიშნა, რომ ამ მოედანზე ტრანზაქციების მოცულობა გასულ წელს 600-ჯერ გაიზარდა, ამიტომ კომპანია აპირებს მიღებული შემოსავლები მოახმაროს თანამშრომლების შტატების გაფართოვებას და უსაფრთხოების გაუმჯობესებას, ასევე ახალი პროდუქტების შექმნას.

Dune Analytics-ის მონაცემებით, გასული წლის დეკემბერში ამ მოედანზე ვაჭრობის ჯამურმა მოცულობამ 3,5 მლრდ დოლარი შეადგინა, რითაც აჯობა კომპანიის 2021 წლის აგვისტოს რეკორდს, როცა 3,42 მლრდ დოლარი ივაჭრა.

შეუცვლელი ტოკენი NFT - ეს არის ციფრული სერტიფიკატი ბლოკჩეინ ტექნოლოგიის საფუძველზე, რომელიც ამტკიცებს ვირტუალური აქტივების ფლობას. NFT არის უნიკალური, მას ვერ გააყალბებ ან გაცვლი სხვაზე. ტექნოლოგია NFT შეიქმნა 2017 წელს. მისი არსებობის განმავლობაში სულ გაყიდულია 5 მლნ ტოკენი.

BPN.GE