Neue Zürcher Zeitung: კორონავირუსის შემდეგ კაცობრიობას შიმშილის პანდემია ელის

Neue Zürcher Zeitung: კორონავირუსის შემდეგ კაცობრიობას შიმშილის პანდემია ელის

access_time2020-04-24 20:00:29

მოშიმშილე ადამიანთა რაოდენობა მსოფლიოში 2016 წლიდან იზრდება, დღეს კი, გადაუხდელი ხელფასების და მიწოდების ჯაჭვის დარღვევის გამო, ვითარება მკვეთრად გაუარესდა.სურსათის საერთაშორისო ორგანიზაციის (WFP) გათვლებით, 2020 წელს, სახელმწიფოების და საერთაშორისო ორგანიზაციების არასათანადო აქტიურობის შემთხვევაში, მსოფლიოში მოშიმშილეთა რაოდენობა გაორმაგდება.


დღეს 55 ქვეყანაში 135 მლნ. ადამიანი შიმშილობს. ეს მაჩვენებელი წლების მანძილზე მცირდებოდა, თუმცა, 2016 წლიდან ზრდა განახლდა. 2020 წლის ბოლოსთვის მოშიმშილეთა რაოდენობა შესაძლოა 265 მლნ.-მდე გაიზარდოს. კორონავირუსის პანდემიის გამო ტენდენცია საგრძნობლად ძლიერდება.


გლობალური რეცესიის და პანდემიის ნეგატიური გავლენა რამდენიმე ასპექტში უკიდურესად ნეგატიურ როლს თამაშობს - საზღვრების დაკეტვა, მიწოდების სისტემაში შეფერხებები და მოსავლის აღებისთვის საჭირო მუშახელის მწვავე დეფიციტი. ეს ყველაფერი უკვე არსებული რთული მდგომარეობის კიდევ უფრო გართულებას იწვევს.


განვითარებად ქვეყნებში, განსაკუთრებით კი დიდ ქალაქებში, მოსალოდნელია ფასების ზრდა, რომლის შედეგადაც ღარიბი მოსახლეობა საჭირო კვების პროდუქტებს უფულობის გამო ვერ იყიდის. ამ ტენდენციას გააძლიერებს უმუშევრობაც, რომელიც კრიზისთან ერთად აუცილებლად გაიზრდება.


WFP-ს დირექტორის დევიდ ბიზლის თქმით, შიმშილის პანდემიის საფრთხე აუცილებლად გაიზრდება. მდიდარი ქვეყნების მიერ საკუთარ შიდა პრობლემებზე გადართვა და საერთაშორისო ფინანსური დახმარების გაყინვა ამ საფრთხეს აძლიერებს.„ამ დროისთვის სხვადასხვა ქვეყნებისთვის სასწრაფო სასურსათო დახმარებისთვის საჭირო 350 მლნ. დოლარიდან, ჩვენ მხოლოდ მეოთხედი გვაქვს“ - განაცხადა მან.



შიმშილის პრობლემა განსაკუთრებით მწვავეა აფრიკაში,ხლო აღმოსავლეთში, აზიაში, და ლათინურ ამერიკაში. მოშიმშილეთა თითქმის ნახევარი აფრიკაში ცხოვრობს. ზოგადად კი ყველაზე მძიმე ვითარებაა სამხრეთ სუდანში, სადაც მოსახლეობის 61% შიმშილობს, ასევე იემენში (53%), ავღანეთში (37%), სირიაში (36%), და ვენესუელაში (32%).


WFP-ს მთავარი ეკონომისტის მაქსიმ ტორეროს თქმით, სიტუაციის გამწვავება შედარებით დადებითი სასოფლო-სამეურნეო წლის ფონზე ხდება. მოსავალი საკმაოდ კარგია და თითქოს პრობლემებიც არ უნდა გაჩნდეს, თუმცა, კორონავირუსის პანდემიამ პროტექციონიზმი გააძლიერა.


„სულ უფრო მეტი ქვეყანა ცდილობს სასურსათო ექსპორტის შეზღუდვას ან საერთოდ აკრძალვას. ძლიერი სახელმწიფოები კი ცდილობენ გაურკვეველი სიტუაციის გამო, სურსათის რაც შეიძლება დიდი მარაგების შექმნას. ეს კი ძალიან საგანგაშოა იმ ქვეყნებისთვის, რომლებიც დამოკიდებულები არიან სურსათის იმპორტზე“ - ამბობს ტორერო.


მართლაც, სულ უფრო მეტი საზღვარი იკეტება. მაგალითად, ხორბლის ერთ-ერთმა უმსხვილესმა მწარმოებელმა ყაზახეთმა, ამ პროდუქტის ექსპორტი საერთოდ აკრძალა, კარტოფილის და ბოსტნეულის კი - შეზღუდა.


ვიეტნამი, ასევე სურსათის მსხვილი ექსპორტიორია, ის უკვე ხელმოწერილი კონტრაქტების შესრულებაზეც კი დროებით უარს ამბობს.ასევე კითხვის ქვეშაა ხილ-ბოსტნეულის მოსავლის მიღება  მდიდარ ქვეყნებში, რადგანაც დაკეტილი საზღვრების გამო, სეზონური მუშები ღარიბი ქვეყნებიდან ვერ ახერხებენ ჩამოსვლას.


WFP-ს აზრით, სულ მალე ღარიბი ქვეყნები რთული არჩევანის წინაშე დადგებიან - კორონავირუსისგან მათი მოქალაქეების დაცვის მიზნით მიღებული მკაცრი ზომების გაგრძელების შემთხვევაში, მოსახლეობის დიდ ნაწილს ნამდვილი შიმშილი ელის.


წყარო: nzz.ch

მოამზადა თენგიზ აბლოთიამ





ევროკომისია საგანგებო გეგმაზე მუშაობს - „რუსული ბუნებრივი აირის მიწოდების შეფერხებისა და სრული შეწყვეტისთვისაც კი უნდა მოვემზადოთ“

ევროკომისია საგანგებო გეგმაზე მუშაობს - „რუსული ბუნებრივი აირის მიწოდების შეფერხებისა და სრული შეწყვეტისთვისაც კი უნდა მოვემზადოთ“
access_time2022-07-06 17:43:29
„ბუნებრივი აირის მიწოდების შემდგომი შეფერხებისა და რუსული ბუნებრივი აირის სრული შეწყვეტისთვისაც კი უნდა მოვემზადოთ, - აღნიშნულის შესახებ ევროკომისიის პრეზიდენტმა ურსულა ფონ დერ ლაიენმა ევროპარლამენტის პლენარულ სხდომაზე განაცხადა. ლაიენმა აღნიშნა, რომ ენერგეტიკასთან დაკავშირებით ევროკომისია საგანგებო გეგმაზე მუშაობს, რომელსაც ივლისის თვის შუა რიცხვებისთვის...

6 ივლისი - რეგიონში ქართული ლარი, თურქული ლირა და სომხური დრამი გაუფასურდა

6 ივლისი - რეგიონში ქართული ლარი, თურქული ლირა და სომხური დრამი გაუფასურდა
access_time2022-07-06 17:30:27
ეროვნული ბანკის მიერ 6 ივლისის ვაჭრობის შედეგად, ეროვნული ვალუტა აშშ დოლართან მიმართებით 3.28 თეთრით გაუფასურდა, რის შედეგადაც ერთი დოლარის ოფიციალური ღირებულება 2.9038 ლარი გახდა. ქართული ლარის კურსით ვაჭრობა Bloomberg-ზე დილიდან 0.95%-ით გამყარდა და 17:00 საათისთვის 1 დოლარი 2.9105 იყო. თურქული ლირა დოლართან მიმართებით გაუფასურდა და 17.25 შეადგინა. თუმცა Bloomberg-ის სავაჭრო სისტემაში დილიდან თურქული ლირით ვაჭრობა 1.24%-ით გამყარდა, 17:00 საათისთვის 1 დოლარი...

დავით ნარმანია - ამ ეტაპზე, რუსეთიდან ელექტროენერგიას პრაქტიკულად არ ვიღებთ

დავით ნარმანია - ამ ეტაპზე, რუსეთიდან ელექტროენერგიას პრაქტიკულად არ ვიღებთ
access_time2022-07-06 15:00:00
ჩვენ ამ ეტაპზე, რუსეთიდან ელექტროენერგიას პრაქტიკულად არ ვიღებთ, ვინაიდან ბოლო თვეების განმავლობაში კარგი გამომუშავება გვაქვს და პირიქით, ელექტროენერგია თურქეთში ექსპორტზე გადიოდა, - ამის შესახებ საქართველოს ენერგეტიკისა და წყალმომარაგების მარეგულირებელი ეროვნული კომისიის თავმჯდომარემ, დავით ნარმანიამ განაცხადა. მისი თქმით, ელექტროენერგიის ექსპორტი ძირითადად, მაის-ივნისის პერიოდში...

საპროცენტო განაკვეთები გაიზარდა - რომელი სესხები უფრო გაძვირდა?

საპროცენტო განაკვეთები გაიზარდა - რომელი სესხები უფრო გაძვირდა?
access_time2022-07-06 16:00:00
2022 წლის მაისში, გაცვლითი კურსის ეფექტის გამორიცხვით, სესხები წლიურად 18.1%-ით გაიზარდა და 43.1 მლრდ ლარი შეადგინა. ამის შესახებ ეროვნული ბანკის მიმოხილვაშია აღნიშნული. სებ-ის ინფორმაციით, სესხების ზრდა მეტწილად ლარით დაკრედიტების ზრდამ განაპირობა. ლარით დაკრედიტება წლიურად 21.8%-ით გაიზარდა და მთლიანი სესხების ზრდაში 9.9 პპ წვლილი...

„ვენდისში“ კრიპტოვალუტით გადახდა უკვე შესაძლებელია

„ვენდისში“ კრიპტოვალუტით გადახდა უკვე შესაძლებელია
access_time2022-07-06 12:55:27
„ვენდის“ საქართველოს წარმომადგენლობა ერთგულ მომხმარებელს უკვე კრიპტოვალუტით გადახდის შესაძლებლობას აძლევს. ამერიკული რესტორნების ქსელში ჭავჭავაძის გამზირზე მდებარე „ვენდის“ რესტორანი პირველი ობიექტია, სადაც კრიპტომფლობელები ნებისმიერ მენიუს 5 ტიპის კრიპტოვალუტით შეიძენენ. უახლოეს დროში გადახდა კრიპტო ელექტრონული საფულედან „ვენდისა“ და „დანკინის“ სრულ ქსელში იქნება შესაძლებელი ეროვნული ვალუტის ექვივალენტი საუკეთესო კურსით. ამერიკული რესტორნების ქსელი „ვენდი“ პირველი საცალო ქსელია...


მსგავსი სიახლეები

up