Nestle-სა და  IDS ბორჯომს შორის ბიზნესგარიგება  არ შედგა

Nestle-სა და IDS ბორჯომს შორის ბიზნესგარიგება არ შედგა

access_time2019-02-04 14:00:36

Nestle-სა და IDS ბორჯომს შორის ბიზნესგარიგება არ შედგა. რამდენიმე თვის წინ, მედიაში გავრცელებული ინფორმაციით, IDS Borjomi-ის ყიდვას Nestle ან Coca-Cola აპირებდა.  როგორც „კომერსანტს“ წყარომ განუცხადა, ბოლო პერიოდში Nestle-მ IDS ბორჯომს Coca-Cola-ზე მეტი თანხა შესთავაზა, ამიტომ გადაწყვეტილი იყო, რომ ბიზნესგარიგება Nestle-სა და IDS ბორჯომს შორის მოხდებოდა. თუმცა, რამდენიმეთვიანი მოლაპარაკების შემდეგ პროცესი შეჩერდა.


 “კომერსანტი ცდილობს ინფორმაცია გადაამოწმოს IDS ბორჯომში, რომელსაც მიღებისანავე შემოგთავაზებთ.


გრძელდება თუ არა კონსულტაციები Coca-Cola-სთან, ამის გასარკვევად „კომერსანტი“ coca-cola bottlers Georgia-ს პრეზიდენტ თემურ ჭყონიას დაუკავშირდა. გასული წლის ბოლოს აღნიშნული ბიზნესგარიგების არსებობა „კომერსანტთან“  სწორედ ჭყონიამ დაადასტურა. ამ ეტაპზე ბიზნესმენთან დაკავშირება ვერ მოხერხდა. 


როგორც ცნობილია, რუსული გამოცემა „Коммерсантъ“-ი ანონიმურ წყაროზე დაყრდნობით 2018 წლის ოქტომბერში წერდა, რომ „ალფა გრუპი“, რომელსაც ეკუთვნის მინერალური წყალი „ბორჯომის“ მწარმოებელი კომპანია IDS Borjomi, მოლაპარაკებებს აწარმოებდა შვეიცარულ კომპანია Nestle -სთან კომპანიის შესაძლო გაყიდვის თაობაზე.


თუმცა, ეს არ იყო ერთადერთი ინფორმაცია ამ თემაზე - მეორე წყარო საინვესტიციო წრეებიდან, ამტკიცებდა, რომ „ბორჯომის“ ყიდვით დაინტერესებული იყო coca-cola -ც. სამივე კომპანია ამ საკითხთან დაკავშირებით ყოველგვარ კომენტარზე უარს ამბობდა.



IDS Borjomi-ო პოსტსაბჭოთა სივრცეზე ბუტილირებული წყლის ერთ-ერთი უმსხვილესი მწარმოებელი კომპანიაა. ის ფლობს 9 ქარხანას საქართველოში, რუსეთში და უკრაინაში. მის საკუთრებაშია ბრენდები - Bორჯომი, «Святой источник», და «Моршинская». 2017 წელს კომპანიის გაყიდვებმა 1,5 მლრდ. ლიტრს მიაღწია.


„ალფა გრუპმა“ IDS Borjomi 2013 წელს, ბორის ბერეზოვსკის ბიზნეს-პარტნიორის, ბადრი პატარკაციშვილის მემკვიდრეების კუთვნილი ფონდ Salford Capital Partners Inc.,-სგან შეიძინა. ამჟამად, Forbes-ის მონაცემებით „ალფა-გრუპი“ ფლობს IDS Borjomi-ის 55,8%-ს, პატარკაციშვილის მემკვიდრეები - 37,2%-ს, დანარჩენი ეკუთვნის წვრილ აქციონერებს საქათველოში, რუსეთში, და უკრანიაში.


Prosperity Capital Management--ის დირექტორი ალექსეი კრივიშაპკო მიიჩნევდა, რომ IDS Borjomi შესაძლებელია ღირდეს 630 მლნ. დოლარი. ბოლო წლებში კომპანია აქტიურად ვითარდებოდა და არაა გამორიცხული, რომ სწორედ გასაყიდად მზადება იყო დაკავშრებული ბაზარზე პოზიციების გაძლიერებასთან.


საკონსულტაციო კომპანია Nielsen -ში  IDS Borjomi -ის, როგორც ბუტილირებული წყლის რუსული ბაზრის უპირობო ლიდერს ისე აფასებდნენ. 2017-2018 წლებში მხოლოდ «Святой источник» -ის გაყიდვები რაოდენობრივ ჭრილში 35%-ით, ხოლო თანხობრივად- 36%-ით გაიზარდა, რასაც კონკურენტებთან შედარებით უფრო დაბალმა ფასმა შეუწყო ხელი.


გაზეთის წყაროს ინფრომაციით, Nestle -ს და Coca-Cola -ს აქვთ სტრატეგიული ინტერესი ბუტილირებული წყლის ბაზრისადმი, რომელზეც მუშაობს IDშ Bორჯომი, რადგანაც ის ეკონომიკური კრიზისის პერიოდშიც კი აქტიურად იზრდებოდა.


Euromonitor -ის პროგნოზით, რუსეთის ბუტილირებული წყლოს ბაზრის ბრუნვა 2018 წელს 187 მლრდ. რუბლს მიაღწევს.სადღეისოდ Nestle არ აწარმოებს ბუტილირებულ სასმელებს რუსეთში და სავარაუდოდ ამ ბაზარზე შემოსვლითაა დაინტერესებული.


ავტორი: სოფო ქსოვრელი 






2019 წელს სასაქონლო ჯგუფებიდან საექსპორტო ათეულში პირველი ადგილი მსუბუქმა ავტომობილებმა დაიკავა

2019 წელს სასაქონლო ჯგუფებიდან საექსპორტო ათეულში პირველი ადგილი მსუბუქმა ავტომობილებმა დაიკავა
access_time2020-01-20 12:07:34
„საქსტატის“ წინასწარი მონაცემებით, 2019 წელს საქართველოში საქონლით საგარეო სავაჭრო ბრუნვამ (არადეკლარირებული ვაჭრობის გარეშე) 12 834.7 მლნ აშშ დოლარი შეადგინა, რაც წინა წლის შესაბამის მაჩვენებელზე 2.7 პროცენტით მეტია. აქედან ექსპორტი 3 771.5 მლნ აშშ დოლარს (12.4 პროცენტით მეტი), ხოლო იმპორტი 9 063.2 მლნ აშშ დოლარს (0.8 პროცენტით ნაკლები) შეადგენს. საქართველოს უარყოფითმა სავაჭრო ბალანსმა, 2019 წელს, 5 291.8 მლნ აშშ დოლარი შეადგინა, რაც საგარეო სავაჭრო ბრუნვის 41.2...

დავით საგანელიძე: „საპარტნიორო ფონდი“ ბიუჯეტიდან არ უნდა ფინანსდებოდეს,მას აქვს საშუალება თავად მოიზიდოს თანხები

დავით საგანელიძე: „საპარტნიორო ფონდი“ ბიუჯეტიდან არ უნდა ფინანსდებოდეს,მას აქვს საშუალება თავად მოიზიდოს თანხები
access_time2020-01-20 11:30:36
„საპარტნიორო ფონდის“ ხელმძღვანელი დავით საგანელიძე მიიჩნევს, რომ „საპარტნიორო ფონდი“ ბიუჯეტიდან არ უნდა ფინანსდებოდეს და მას აქვს საშუალება თავად მოიზიდოს თანხები. ამის შესახებ დავით საგანელიძემ საპარტნიორო ფონდის სტრუქტურულ რეფორმაზე საუბრისას განაცხადა და აღნიშნა, რომ ფონდს დღეს უკვე სხვა გამოწვევები და ამოცანები აქვს, ამიტომ აუცილებელია სტრუქტურული რეფორმა სწრაფად განხორციელდეს. ამასთან, დავით საგანელიძე მიიჩნევს, რომ სახელმწიფო საწარმოები არ უნდა...

სვანეთში ბიტკოინის მაინერების წარმოებას სემეკი მკაცრად გააკონტროლებს

 სვანეთში ბიტკოინის მაინერების წარმოებას სემეკი მკაცრად გააკონტროლებს
access_time2020-01-20 12:30:24
მას შემდეგ, რაც სვანეთის მოსახლეობა ელექტროენერგიის გადასახადისგან განთავისუფლდა, „ენერგო პრო ჯორჯიას“ ზარალი ამ მიმართულებით გაიზარდა. საქართველოს ენერგეტიკისა და წყალმომარაგების მარეგულირებელი ეროვნული კომისიის (სემეკი) ინფორმაციით, კომპანიის ზარალმა 2019 წლის 9 თვეში,  სვანეთისთვის მიწოდებული და გადაუხდელი ელექტროენერგიის ნაწილში, 7 მლნ. ლარი შეადგინა. მარეგულირებელი კომისიის თავმჯდომარე დავით ნარმანიას  რამდენიმე კვირის წინ გაკეთებული...

Forbes - პრინც ჰარის და მეგან მარკლის შემოსავლის შესაძლო წყაროებზე

Forbes - პრინც ჰარის და მეგან მარკლის შემოსავლის შესაძლო წყაროებზე
access_time2020-01-19 21:00:10
  რამდენიმე დღის წინ ბრიტანეთის პრინცმა ჰარიმ და მისმა მეუღლემ, ამერიკელმა მსახიობმა მეგან მარკლმა განაცხადეს, რომ  მათ სურთ ფინანსური დამოუკიდებლობა.   თუ გავითვალისწინებთ, რომ პრინცმა განაცხადა, რომ ის უარს ამბობს ტიტულზე, ამ პროცესს აქვს ორი მხარე   - ერთია, რომ უკვე ყოფილ პრინცს მკვეთრად შეუმცირდება დაფინანსება ოჯახიდან, მეორე კი - ამჟამად მას უკვე აქვს დამოუკიდებლად მუშაობის უფლება.   რას აირჩევენ ჰარი და...

Le Monde: ავსტრალიური ხანძრები - დამთბარი მსოფლიოს მომავალი

Le Monde: ავსტრალიური ხანძრები - დამთბარი მსოფლიოს მომავალი
access_time2020-01-19 18:00:38
დედამიწა იწვის - პირდაპირი გაგებით. ავსტრალიაში, ამაზონიაში, კამბოჯაში ასობით ათასი ჰექტარი ტყეები გახვეულია ცეცხლში, რაც იწვევს ადამიანების დაღუპვას, ფლორის განადგურებას, და ფაუნის გადაშენებას.   ეს დრამატული მოვლენები  - მხოლოდ უმნიშვნელო მინიშნებაა იმაზე, თუ რა ელის კაცობრიობას დამთბარ მსოფლიოში. 14 იანვარს გამოქვეყნებული ინგლისელი და ავსტრალიელი მეცნიერების კვლევის თანახმად, კლიმატი სწრაფად იცვლება თითქმის ყველგან, რაც ზრდის ხანძრების...


მსგავსი სიახლეები

up