Neqsol Holding-ი საქართველოს საერთაშორისო საარბიტრაჟო სასამართლოში უჩივლებს

Neqsol Holding-ი საქართველოს საერთაშორისო საარბიტრაჟო სასამართლოში უჩივლებს

access_time2020-10-02 10:33:51

Neqsol Holding-ი საქართველოს მთავრობას საერთაშორისო საარბიტრაჟო სასამართლოში უჩივლებს. ამის შესახებ კომპანიის მიერ გავრცელებულ საგანგებო განცხადებაში არის ნათქვამი. კომპანია აღნიშნავს, რომ გუშინ კომუნიკაციების კომისიის მიერ მიღებული გადაწყვეტილება Neqsol Holding-ის მიერ კანონიერად შეძენილი აქტივის ექსპროპრეაციას წარმოადგენდა.

 

საკუთარი უფლებების დასაცავად Neqsol-ი მსოფლიო ბანკის ჯგუფის შემადგენლობაში შემავალ საინვესტიციო დავების გადაწყვეტის საერთაშორისო საარბიტრაჟო ტრიბუნალს (ICSID) მიმართავს.

 

“კომუნიკაციების კომისიის გადაწყვეტილებით, “კავკასუს ონლაინში” დაინიშნა სპეციალური მმართველი, რომელსაც მიეცა უფლება გაათავისუფლოს კომპანიის დირექტორთა საბჭო, დაითხოვოს სამეთვალყურეო საბჭო, გაათავისუფლოს კომპანიაში დასაქმებული პირები, ასევე შეაჩეროს კომპანიის მოგების განაწილების უფლება.

 

ამ გადაწყვეტილებით, საქართველოს წამყვან ინტერნეტ პროვაიდერზე დამყარდა სრული სახელმწიფო კონტროლი, რაც მიმართულია იმ ბიზნეს გარიგების შებრუნებისთვის, რომლის შედეგადაც Neqsol Holding-მა მოახდინა კომპანიაში ინვესტირება

 

ეს გადაწყვეტილება არის გაგრძელება იმ დისკრიმინაციული და სელექტიური მოპრყობისა, რომელსაც საქართველოს მთავრობა საერთაშირისო ინვესტორთა მიმართ იჩენს,”- ნათქვამია Neqsol Holding-ის განცხადებაში.

 

ამასთანავე, კომპანია აღნიშნავს, რომ ინტერნეტ პროვაიდერზე სახელმწიფო კონტროლის დამყარება ჩრდილს აყენებს საქართველოს მთავრობის გამჭვირვალეობასა და ანგარიშვალდებულებას. განსაკუთრებით კი მაშინ, როდესაც ქვეყანაში საპარლამენტო არჩევნები არის მოახლოებული.

 

საქართველოს მთავრობის მიერ გადადგმული მრავალი მტრული ნაბიჯის და Neqsol-ის საკუთრებაში არსებულ ქონების დასაკუთრების შემდეგ, კომპანიას არ დარჩა სხვა გზა, გარდა იმისა, რომ მიმართოს საერთაშორისო საარბიტრაჟო ტრიბუნალს.

 

Neqslol-ის სტრატეგიული განვითარების მიმართულების ხელმძღვანელის, თემურ თაგიევის განცხადებით, საქართველოს მთავრობის მიერ მათი ინვესტიციისა და ციფრული აბრეშუმის დერეფნის წინააღმდეგ გადადგმული არაერთი ნაბიჯის შემდგომ, კომპანია იძულებულია მიმართოს საარბიტრაჟო სასამართლოს.


 

“სამწუხაროა, რომ ჩვენ არ დაგვრჩა სხვა არავითარი გზა გარდა იმისა, რომ საქართველოს მთავრობის წინააღმდეგ საერთაშორისო საარბიტრაჟო სასამართლოში ვიჩივლოთ.

 

 

ჩვენ მყარად გვჯერა, რომ “კავკასუს ონლაინში” ბენეფიციარი მესაკუთრის ცვლილება განხორციელდა ყველა იმ ვალდებულებების დაცვით, რასაც ქართული კანონმდებლობა ითვალისწინებს. ამასთან, ჩვენ არ დავუშურეთ ძალ-ღონე, რათა დაწყებული დავის გადაწყვეტის მიზნით ყველა შესაძლო გზა მოგვეძებნა.

 

ამის მიუხედავად, საქართველოს მთავრობამ გადადგა მიზანმიმართული ნაბიჯები, რათა ხელი შეეშალა ჩვენი გეგმებისთვის, რაც “კავკასუს ონლაინის” საკუთრებაში არსებული ინფრასტრუქტურის უფრო ფართო ინფრასტრუქტურულ პროექტში ჩართვას წარმოადგენდა.

 

საქართველოს მთავრობამ გასული თვეების განმავლობაში დაარღვია მისი ვალდებულება, რაც Neqsol-ის ინვესტიციებისთვის სამართლიანად და მიუკერძოებლად მოპყრობაში მდგომარეობდა. მეტიც, მან ამ აქტივის ექსპროპრეაცია მოახდინა.

 

ჩვენ იმედი გვქონდა, რომ დავის მოგვარებას მოლაპარაკებათა გზით შევძლებდით. გვჯეროდა, რომ შესაძლებელი იქნებოდა ისეთი გამოსავლის პოვნა, რომელიც არამარტო ორივე მხარისთვის, არამედ საქართველოს მოსახლეობისთვისაც სარგებლის მომტანი იქნებოდა.

 

შესაბამისად, ჩვენ ვერ ვიდგებით უმოქმედოდ, როდესაც ვხედავთ თუ როგორ უდიერად ეპყრობა საქართველოს მთავრობა საერთაშორისოდ აღიარებულ ნორმებსა და კანონის უზენაესობას უცხოელ ინვესტორებთან მიმართებით,”- ამბობს თემურ თაგიევი.

 

შეგახსენებთ, რომ 2019 წელს Neqsol Holding-მა შეიძინა 49%-იანი წილი კომპანია Nelgado ლიმითედში, რომელიც “კავკასუს ონლაინის” მშობელი კომპანიაა. სწორედ ეს გარიგება გახდა კომუნიკაციების კომისიისთვის სადავო, რის გამოც 1 ოქტომბერს კომპანია “კავკასუს ონლაინში” სპეციალური მმართველი დაინიშნა.

 

ეს ტრანზაქცია მიმართული იყო Neqsol Holding-ის მიერ “კავკასუს ონლაინის” საკუთრებაში არსებული, შავი ზღვის ფსკერზე გამავალი 1,200-კილომეტრის სიგრძის ოპტიკურ-ბოჭკოვანი კაბელის მეშვეობით შექმნილიყო ფართო საერთაშორისო საკომუნიკაციო ქსელი, რომელიც ცენტრალურ აზიას ევროპასთან დააკავშირებდა.

 

Neqsol Holding-ის ინფორმაციით, გარიგება შედგა ისე, რომ მის შესახებ ინფორმირებულნი იყვნენ, როგორც საქართველოს მთავრობის წარმომადგენლები, ასევე თავად ქვეყნის პრემიერ-მინისტრიც. კომუნიკაციების კომისიამ 2019 წლის 17 ოქტომბერს განაცხადა, რომ “კავკასუს ონლაინმა” დაარღვია კომუნიკაციების შესახებ კანონის 26-ე და 27-ე მუხლები, როდესაც მისი ბენეფიციარი მესაკუთრის ცვლილება წინასწარ კომისიას არ შეუთანხმა.

 

2020 წლის ივლისში პარლამენტმა დაჩქარებული წესით მიიღო კანონი, რომელმაც კომისას უფლება მისცა კომუნიკაციების სექტორში მოღვაწე კომპანიებში სპეციალური მმართველი დანიშნოს.

Neqsol Holding-ის შეფასებით, ახალი კანონმდებლობა არაკონსტიტუციურია და ის რეგულატორს უპრეცედენტოდ ფართო უფლებებს ანიჭებს. 2020 წლის 1 ოქტომბერს გამართულ სხდომაზე კომუნიკაციების კომისიამ კანონის სწორედ ახალი ჩანაწერის საფუძველზე, კომპანიაში სპეციალური მმართველი დანიშნა.


(R)


თეგები:
Neqsol Holding



„მომავალ შაბათს რომ საპარლამენტო არჩევნები ტარდებოდეს – ოცნება 19%, ენმ 14%, გახარია 3%“ – IRI

„მომავალ შაბათს რომ საპარლამენტო არჩევნები ტარდებოდეს – ოცნება 19%, ენმ 14%, გახარია 3%“ – IRI
access_time2023-04-25 14:00:33
საერთაშორისო რესპუბლიკური ინსტიტუტი (IRI) საზოგადოების აზრის კვლევას აქვეყნებს. კითხვაზე, ვის მისცემდნენ ხმას, საპარლამენტო არჩევნები მომავალ შაბათს რომ ტარდებოდეს, 19% ქართულ ოცნებას ასახელებს, 14% ერთიან ნაციონალურ მოძრაობას.  მოქალაქეებს დაუსვეს კითხვა - საპარლამენტო არჩევნები რომ მომავალ შაბათს ტარდებოდეს, რომელ პარტიას მისცემდით ხმას? (თუ მისცემდით) / თქვენ მიერ არჩეული პარტია რომ ბიულეტენზე არ ყოფილიყო, სანაცვლოდ ვის მისცემდით ხმას? (თუ...

IRI-ის კვლევის მიხედვით, გამოკითხულთა 91%-ს ყველაზე მეტად პატრიარქი, 52%-ს კახა კალაძე, ხოლო 48%-ის სალომე ზურაბიშვილი მოსწონს

IRI-ის კვლევის მიხედვით, გამოკითხულთა 91%-ს ყველაზე მეტად პატრიარქი, 52%-ს კახა კალაძე, ხოლო 48%-ის სალომე ზურაბიშვილი მოსწონს
access_time2023-04-25 13:30:40
„საერთაშორისო რესპუბლიკური ინსტიტუტის (IRI)“ ახალი კვლევის თანახმად, გამოკითხულთა 91%-ს ყველაზე მეტად საქართველოს პატრიარქი ილია მეორე მოსწონს.   ამავე კვლევის თანახმად, რეიტინგში მეორე ადგილს თბილისის მერი კახა კალაძე იკავებს, რომელიც გამოკითხულთა 52%-ს მოსწონს, 48%-ით მესამე ადგილზეა საქართველოს პრეზიდენტი, სალომე ზურაბიშვილი, რომელსაც მოსდევს პრემიერ-მინისტრი ირაკლი ღარიბაშვილი 43%-ით.   ცნობისთვის, IRI-ის კვლევა 2023 წლის 4-23 მარტის პერიოდში...

უკრაინამ სუდანიდან 138 ადამიანის ევაკუაცია წარმატებით განახორციელა, მათ შორის არიან საქართველოს მოქალაქეებიც

უკრაინამ სუდანიდან 138 ადამიანის ევაკუაცია წარმატებით განახორციელა, მათ შორის არიან საქართველოს მოქალაქეებიც
access_time2023-04-25 12:50:16
უკრაინამ წარმატებით ჩაატარა სამაშველო ოპერაცია სუდანის ტერიტორიიდან მოქალაქეების ევაკუაციის მიზნით. სულ გამოიყვანეს 138 ადამიანი, მათ შორის უცხოელები. ამის შესახებ უკრაინული მედია თავდაცვის სამინისტროს მთავარი სადაზვერვო სამმართველოს პრესსამსახურზე დაყრდნობით იუწყება. აღნიშნულია, რომ ოპერაცია უკრაინის პრეზიდენტის აპარატთან და საგარეო საქმეთა სამინისტროსთან კოორდინაციით დაზვერვის მთავარმა დირექტორატმა განახორციელა. „წარმატებული...

რომელ პარტიას არ მისცემდით ხმას: 39% „ნაციონალურ მოძრაობას“, 34 % კი „ქართულ ოცნებას“ ასახელებს“ - IRI

რომელ პარტიას არ მისცემდით ხმას: 39% „ნაციონალურ მოძრაობას“, 34 % კი „ქართულ ოცნებას“ ასახელებს“ - IRI
access_time2023-04-25 13:15:07
IRI-ს კვლევის მიხედვით, გამოკითხულთა 39 პროცენტი აცხადებს, რომ ნებისმიერ გარემოებაში ხმას არ მისცემდა „ერთიან ნაციონალურ მოძრაობას“.   კითხვაზე რომელ პარტიას არ მისცემდით ხმას, ნებისმიერ გარემოებაში, შედეგები შემდეგნაირად გადანაწილდა, „ერთიანი ნაციონალური მოძრაობა – 39%; „ქართული ოცნება“ – 34%; „კონსერვატიული მოძრაობა – ალტ-ინფო“ -16%; „გირჩი მეტი თავისუფლება – ზურაბ გირჩი ჯაფარიძე“ – 13%; „პატრიოტთა ალიანსი, დავით თარხან-მოურავი და ირმა ინაშვილი“ – 13%; „გირჩი“ -13%;...

მიხეილ ლომთაძის Kaspi.kz-მა აშშ-ში ფასიანი ქაღალდების განთავსებისთვის მზადება დაიწყო

მიხეილ ლომთაძის Kaspi.kz-მა აშშ-ში ფასიანი ქაღალდების განთავსებისთვის მზადება დაიწყო
access_time2023-04-25 12:30:09
მიხეილ ლომთაძის Kaspi.kz-მა შეერთებულ შტატებში შესვლისთვის მზადება დაიწყო. ამის შესახებ ნათქვამია კომპანიის 2023 წლის პირველი კვარტლის ანგარიშში, რომელიც გამოქვეყნდა ორშაბათს, 24 აპრილს. ანგარიშის მიხედვით, ყაზახური ფინტექი მომზადების „ადრეულ ეტაპზეა“, „რადგან ნებისმიერი ტრანზაქცია, რა თქმა უნდა, ბაზრის პირობებზეა დამოკიდებული. ჩვენ ვხედავთ ბევრ პოტენციურ სარგებელს აშშ-ს სიაში, მათ შორისაა გაფართოება, უფრო მრავალფეროვანი აქციონერთა ბაზა და გაზრდილი სავაჭრო ლიკვიდობა“, -...


მსგავსი სიახლეები

up