ნენსკრა ჰესის ინვესტორ კომპანიას მთავრობა ახალ ვადებს აძლევს

ნენსკრა ჰესის ინვესტორ კომპანიას მთავრობა ახალ ვადებს აძლევს

access_time2022-11-27 12:45:46

ეკონომიკისა და მდგრადი განვითარების მინისტრის ლევან დავითაშვილის განცხადებით, მთავრობა ნენსკრა ჰესის მშენებელ კომპანიას კიდევ ერთ შანსს აძლევს და წლის ბოლომდე შეთანხმებას გეგმავს.

 

„შერჩეულია კორეული სახელმწიფო კომპანია K-Water, რომელსაც მთავრობა მხარს დაუჭერს, თუკი იგი მზად იქნება პროექტი განახორციელოს და ახალ ვადებში რეალური შედეგი დადოს. კიდევ ერთი შანსი მივეცით კომპანიას და წლის დასაწყისიდან დავიწყეთ მოლაპარაკებების პროცესი, პირობებიც განვაახლეთ. ეს პირობები თავიდანვე კონკურსით იყო განსაზღვრული, მაგრამ ვნახეთ, რომ სატარიფო ნაწილში სახელმწიფოს სრული უფლება ჰქონდა, უკეთესი ტარიფი მოეთხოვა. ვფიქრობ, ეს სამართლიანია, რადგან ამდენი ხანი კომპანიამ ვალდებულებები ვერ შეასრულა და საქართველოს ეკონომიკა განუხორციელებელი პროექტით დააზიანა“,- თქვა დავითაშვილმა.

 

1967 დაარსებული სამთავრობო სააგენტო K-Water სამხრეთ კორეაში წყლის რესურსების განვითარებაზე, წყალმომარაგებაზეა ორიენტირებული და ქვეყანაში მწვანე ენერგიის უმსხვილესი მწარმოებელიცაა.

 

როგორც კომპანიის ვებგვერდზე ვკითხულობთ, K-Water აკონტროლებს 1,337 მგვტ დადგმული სიმძლავრის განახლებადი ენერგიების ელექტროსადგურებს, რაც მთლიანი ქვეყნის ელექტროსადგურების 33%-ია, ყოველწლიური გამომუშავება კი 3,040 გგვტ.სთ-ს შეადგენს.

 


რაც შეეხება უშუალოდ ჰიდროენერგიას, 41 ჰიდროელექტროსადგურის მეშვეობით კომპანია 2,453 გგვტ.სთ ელექტროენერგიის გამომუშავებაზე პასუხისმგებელი.

 

K-Water-ის აქტივების სრული მოცულობა 17.6 მილიარდ აშშ დოლარზე მეტს შეადგენს. კაპიტალის 93.8%%-ს მთავრობა ფლობს, 6.2%-ს კი კორეის განვითარების ბანკი.

 

დავითაშვილის თანახმად, ნენსკრა ჰესის პროექტი შემდეგ წელს უნდა განხორციელდეს, შესაბამისად, შეთანხმებას ამ წლის ბოლომდე უნდა მიაღწიონ და თუ კომპანია პირობებს ვერ შეასრულებს, ხელშეკრულება გაწყდება.

 

ჰესის ასაშენებლად სახელმწიფოსა და ინვესტორს შორის კონტრაქტი 2015 წელს გაფორმდა. „ნენსკრა ჰიდროს“ აქციების 90%-ს K-Water, 10%-ს კი საპარტნიორო ფონდი ფლობს. თავდაპირველი ინფორმაციით, ელექტროსადგურის მშენებლობა 2021 წელს უნდა დასრულებულიყო, ხოლო გამომუშავება 2019 წლიდან უნდა დაეწყო.

 

1.03 მილიარდი დოლარის ღირებულებისა და 280 მგვტ სიმძლავრის ჰიდროელექტროსადგურს საქართველო ყოველწლიურად 1,200 გგვტ.სთ ელექტროენერგიით უნდა მოემარაგებინა. პროექტის განხორციელებაში 4 საერთაშორისო ბანკი (EIB, EBRD, ADB, AIIB) მონაწილეობდა, თუმცა მოსახლეობისა და გარემოსდაცვითი ორგანიზაციების პროტესტის, ფინანსური პრობლემებისა და სტანდარტების უგულებელყოფის მიზეზით მისი განხორციელება ვერ მოხერხდა.

 

Bpn.ge





შენობების სეისმომედეგობა და სტანდარტები 2024 წლიდან გამკაცრდება

შენობების სეისმომედეგობა და სტანდარტები 2024 წლიდან გამკაცრდება
access_time2023-02-07 00:30:47
...

მიწისძვრის შედეგად სირიის რეგიონში 4,1 მილიონი ადამიანი ჰუმანიტარულ დახმარებას საჭიროებს

მიწისძვრის შედეგად  სირიის რეგიონში 4,1 მილიონი ადამიანი ჰუმანიტარულ დახმარებას საჭიროებს
access_time2023-02-06 23:55:12
ორშაბათს გაეროს ჰუმანიტარული საკითხთა კოორდინაციის ოფისის (OCHA) ცნობით, სირიის ჩრდილო-დასავლეთის რეგიონში, რომელიც ორშაბათს დამანგრეველი მიწისძვრით დაზარალდა,  4,1 მილიონი ადამიანი ჰუმანიტარულ დახმარებას...

Dell-ი 6650-ზე მეტ თანამშრომელს ათავისუფლებს

 Dell-ი 6650-ზე მეტ თანამშრომელს ათავისუფლებს
access_time2023-02-06 23:00:27
Dell-ი  თანამშრომლების 5%-ის გათავისუფლებას გეგმავს, ამის შესახებ ინფორმაციას cnnbusiness ავრცელებს. ეს გადაწყვეტილება კომპანიამ ხარჯების შემცირების მიზნით მიიღო. Dell დაახლოებით  133,000 ადამიანს ასაქმებს, როგორც კომპანიის  წარმომადგენელმა cnn-ს უთხრა ეს 5% იანი შემცირება იქნება რაც რაოდენობრივად 6500-ზე მეტი თანამშრომლის გათავისუფლებას გულისხმობს.   კომპიუტერულმა...

წინასწარი მონაცემებით თურქეთის მიწისძვრა $1 მილიარდზე მეტ ზარალს გამოიწვევს

წინასწარი მონაცემებით თურქეთის მიწისძვრა  $1 მილიარდზე მეტ ზარალს გამოიწვევს
access_time2023-02-06 21:00:48
თურქეთსა და სირიაში  ორი ძლიერი მიწისძვრის შედეგად ათასობით შენობა განადგურდა. წინასწარი მონაცემებით ზარალი  1 მილიარდ დოლარს გადააჭარბებს. - აღნიშნულ ინფორმაციას გამოცემა reinsurancene  აქვეყნებს.   მონაცემების თანახმად, ზარალმა შესაძლოა თურქეთის მთლიანი შიდა პროდუქტის 2%-მდე შეადგინოს.   თურქეთის პრეზიდენტმა რეჯეფ თაიფ ერდოღანმა მიწისძვრებს 1939...

თურქეთში მიწისძვრის შედეგად საქართველოს კიდევ ერთი მოქალაქე დაიღუპა

თურქეთში მიწისძვრის შედეგად საქართველოს კიდევ ერთი მოქალაქე დაიღუპა
access_time2023-02-06 19:55:44
თურქეთში საქართველოს საელჩოს ცნობით  იუწყება, მიწისძვრის შედეგად საქართველოს კიდევ ერთი მოქალაქის დაღუპა. თურქეთის ქ.ანთაქიაში საქართველოს მოქალაქის - ო.ც.-ს დაღუპვა საელჩოს თვითმხილველმა აცნობა.   „საქართველოს დიპლომატიური წარმომადგენლობები 24-საათიან რეჟიმში მუშაობენ თურქეთში მყოფი საქართველოს მოქალაქეების თაობაზე ინფორმაციის მიღების და მათი დახმარების მიზნით. საელჩო ხაზზეა გარდაცვლილის ოჯახთან, ასევე თურქეთის შესაბამის უწყებებთან", - ნათქვამია საელჩოს...


მსგავსი სიახლეები

up