„ნებისმიერი შემოქმედებითი ნაწარმოების შინაარსის გამო აკრძალვა საბჭოთა კავშირის ეპოქისთვისაა დამახასიათებელი“

„ნებისმიერი შემოქმედებითი ნაწარმოების შინაარსის გამო აკრძალვა საბჭოთა კავშირის ეპოქისთვისაა დამახასიათებელი“

access_time2018-05-16 18:00:00

სასამართლოს შესაძლოა უფლება მიენიჭოს, რომ შემოქმედებითი ნაწარმოების გავრცელების აკრძალვასთან დაკავშირებული საქმეები განიხილოს, თუ ნაწარმოების გავრცელება სხვათა უფლებებს ლახავს. აღნიშნულის შესახებ უმრავლესობის დეპუტატების, ეკა ბესელიასა და ლევან გოგიჩაიშვილის მიერ წარდგენილ კანონპროექტშია საუბარი.

 

„კომერსანტთან“ საუბრისას იურისტი გიორგი მშვენიერაძე აცხადებს, რომ ახლა ამ ნორმის დაბრუნება შორეულ წარსულში ყოფნას ნიშნავს. ხოლო, ნებისმიერი შემოქმედებითი ნაწარმოების შინაარსის გამო აკრძალვა, ეს ავტორიტარული და ტოტალიტარული სახელმწიფოსთვისაა დამახასიათებელი.

 

„შემოქმედებითი ნაწარმოების გავრცელება გამოხატვის თავისუფლების ნაწილია. მიუხედავად იმისა, რომ კონსტიტუციაში ჩვენ ცალკე მუხლი გვაქვს, ზოგადად ის მაინც გამოხატვის თავისუფლების ნაწილია. ეს არ არის აბსოლუტური უფლება, მაგრამ თუ ჩვენ ვსაუბრობთ იმაზე, რომ შემოქმედებითი ნაწარმოები სხვის უფლებას ლახავს სწორედ ამაშია პრობლემა.


ახლა ამ ნორმის დაბრუნება შორეულ წარსულში ყოფნას ნიშნავს. ნებისმიერი შემოქმედებითი ნაწარმოების შინაარსის გამო აკრძალვა ეს ავტორიტარული და ტოტალიტარული სახელმწიფოს დამახასიათებელია და რა თქმა უნდა, ასეთი სახელმწიფო საბჭოთა კავშირი იყო“, - განაცხადა გიორგი მშვენიერაძემ.

 

იურისტი ასევე აცხადებს, რომ აღნიშნული საკითხი 1997 წლიდან კანონშია, თუმცა მისი აღსრულების მექანიზმი არ არსებობდა.

 

„აღნიშნული კანონპროექტის წარდგენა კულტურის შესახებ კანონის მე-9 მუხლში ცვლილების განხორციელებას შეეხება. მეცხრე მუხლი ნორმაა, რომელიც 1997 წლიდან კანონშია იძლევა შემოქმედებითი ნაწარმოების აკრძალვის შესაძლებლობას თუკი ის სხვის უფლებებს ლახავდა.

ზემოთ აღნიშნული ნორმა მიუხედავად იმისა, რომ ახლანდელი რედაქცია რაც მოქმედებს კონსტიტუციურ მოთხოვნებთან აბსოლუტურად შუსაბამოა ის ფაქტობრივად ვერ მოქმედებდა, რადგან აღსრულების მექანიზმი არ არსებობდა.  

პრობლემა იმაშია, რომ ნორმა რომელიც მკვდარი იყო უნდა ამოქმედდეს იმიტომ, რომ როგორც განისაზღვრა ეს კომპეტენცია მომავალში სასამართლოს ექნება,“ - განაცხადა მშვენიერაძემ.

 

კანონპროექტით, კულტურის შესახებ საქართველოს კანონში რჩება დღეისათვის ისედაც მოქმედი ჩანაწერი, რომ აიკრძალება შემოქმედებითი ნაწარმოები, რომელიც აღვივებს ეროვნულ, ეთნიკურ, რელიგიურ და რასობრივ შუღლს, ქადაგებს ომსა და ძალადობას, პროპაგანდას უწევს პორნოგრაფიას და ა.შ.

 

“დაუშვებელია შემოქმედებით პროცესში ჩარევა, შემოქმედებითი საქმიანობის ცენზურა, შემოქმედებითი ნაწარმოების გავრცელების აკრძალვა, გარდა იმ შემთხვევებისა, როდესაც ეს ლახავს სხვა ადამიანის უფლებებსა და კანონიერ ინტერესებს, აღვივებს ეროვნულ, ეთნიკურ, რელიგიურ და რასობრივ შუღლს, ქადაგებს ომსა და ძალადობას, პროპაგანდას უწევს პორნოგრაფიას. შემოქმედებითი ნაწარმოების გავრცელების აკრძალვა დასაშვებია მხოლოდ სასამართლოს გადაწყვეტილებით.“

 

ფილოსოფოს ლევან ღამბაშიძის განცხადებით, აღნიშნული კანონმდებლობა კრიტიკას გამოიწვევს, როგორც ქვეყნის  შიგნით ისე ქვეყნის გარეთ.

 

„ეს სულელური ნაბიჯია შესაძლოა სახელმწიფოს ამით ძალაუფლების ხელში მეტად აღება სურდეს, თუმცა რამდენად მიაღწევს და გამოუვა ეს საკითხავია, რადგან ამ ფორმით კანონმდებლობა უხეშია და ეს კრიტიკას გამოიწვევს, როგორც ქვეყნის შიგნით ისე ქვეყნის გარეთ.

ჩვენს კანონმდებლებს კონსტიტუციასთან ექნებათ პრობლემა, რადგან სიტყვის და გამოხატვის თავისუფლება სწორედ კონსტიტუციაშია,“ - განმარტა ღამბაშიძემ.

 

ცვლილება შევა საქართველოს სამოქალაქო საპროცესო კოდექსში, სადაც სასამართლოებისადმი დაქვემდებარებულ სამოქალაქო საქმეების ჩამონათვალში ემატება შემოქმედებითი ნაწარმოების გავრცელების აკრძალვასთან დაკავშირებული საქმეები, თუ ნაწარმოების გავრცელება ლახავს სხვათა უფლებებს.

 

კანონპროექტით, აღნიშნული ცვლილება ამოქმედდება საქართველოს პრეზიდენტის მომდევნო არჩევნებში, არჩეული საქართველოს პრეზიდენტის მიერ ფიცის დადებისთანავე. კანონპროექტის განმარტეითი ბარათის თანახმად, კანონპროექტის მიღების მიზანი საქართველოს მოქმედი კანონმდებლობის ჰარმონიზებაა საქართველოს კონსტიტუციაში შეტანილ ცვლილებებთან.

 

კერძოდ, კონსტიტუციის ახალი რედაქციის მე-20 მუხლის მე-3 პუნქტში წერია:

შემოქმედებითი ნაწარმოების გავრცელების აკრძალვა დასაშვებია მხოლოდ სასამართლოს გადაწყვეტილებით, თუ ნაწარმოების გავრცელება ლახავს სხვათა უფლებებს”.

კანონპროექტის ავტორების განცხადებით, არსებული კანონმდებლობა კონსტიტუციის ამ ჩანაწერს უნდა შეესაბამებოდეს.


ავტორი: ლიკა გურაბანიძე




5 ივნისი - ქართული ლარი 3 თეთრით გამყარდა, თურქული ლირა გაუფასურდა

5 ივნისი - ქართული ლარი 3 თეთრით გამყარდა, თურქული ლირა გაუფასურდა
access_time2020-06-05 19:00:29
კორონავირუსის უარყოფითი ეფექტი რეგიონში ყველაზე მკვეთრად ქართული ლარის კურსზე აისახა, მარტის თვეში, ლარი რეკორდულად 22%-ით გაუფასურდა. წლის განმავლობაში, ქართული ლარი აშშ დოლართან მიმართებაში - 12%-ით გაუფასურდა. შედარებისთვის, დაახლოებით 16%-ით არის შემცირებული თურქული ლირა, სომხური დრამი და აზერბაიჯანული მანათი კი 2%-ის ქვემოთ მერყეობს.   ეროვნული ბანკის მიერ გამოქვეყნებული 5 ივნისის ვაჭრობის შედეგად, ქართული ლარის კურსი 3 თეთრით გამყარდა და ერთი...

Forbes - მაღალტექნოლოგიურ გიგანტებს მილიარდიანი ჯარიმები ელის

Forbes - მაღალტექნოლოგიურ გიგანტებს მილიარდიანი ჯარიმები ელის
access_time2020-06-05 20:00:48
საპრეზიდენტო არჩევნების წინა პერიოდში აშშ-ს უმსხვილეს ტექნოლოგიურ კომპანიებს - Facebook, Google, Amazon და Apple-ს ანტიმონოპოლური დავები ემუქრება, რის გამოც მათ შესაძლოა მილიარდობით დოლარი დაკარგონ. შტატებში კორონავირუსის დაწყებამდე, უმსხვილესი IT-კომპანიები ვაშინგტონში საკუთარი ინტერესების ლობირებაზე რეკორდულ თანხებს ხარჯავდნენ. დემოკრატი სენატორი ემი კლობუშარი Uber-ის მიერ საკვების მიტანის სერვისის Grubhub-ის შეძენის სურვილს აპროტესტებს, ხოლო რესპუბლიკელი ტედ კრუზის თქმით,...

საქართველოს ბიზნეს ასოციაციის გარემოს დაცვის კომიტეტის შეხვედრაზე ბიზნესსექტორმა „გარემოსდაცვითი პასუხისმგებლობის შესახებ“ კანონის პროექტზე იმსჯელა

საქართველოს ბიზნეს ასოციაციის გარემოს დაცვის კომიტეტის შეხვედრაზე ბიზნესსექტორმა „გარემოსდაცვითი პასუხისმგებლობის შესახებ“ კანონის პროექტზე იმსჯელა
access_time2020-06-05 15:05:18
საქართველოს ბიზნეს ასოციაციამ წევრი კომპანიების წარმომადგენელთა მონაწილეობით, ასოციაციის გარემოს დაცვის კომიტეტის ონლაინ შეხვედრას უმასპინძლა, რომლის მთავარი თემა საქართველოს მთავრობაში მომზადებული „გარემოსდაცვითი პასუხისმგებლობის შესახებ“ კანონის პროექტი გახლდათ. კანონპროექტი, რომელიც თვისობრივად ახალ მიდგომებს ითვალისწინებს გარემოს დაცვის მიმართულებით, ბიზნესსექტორის განსაკუთრებული ინტერესის საგანი ჯერ კიდევ გასულ წელს გახდა, როდესაც მისი პირველადი ვერსია იქნა...

გიორგი გახარია - პირველი, რაც უნდა გავაკეთოთ, ვისწავლოთ ქართველებმა, რომ დავისვენოთ საქართველოში

გიორგი გახარია - პირველი, რაც უნდა გავაკეთოთ, ვისწავლოთ ქართველებმა, რომ დავისვენოთ საქართველოში
access_time2020-06-05 15:30:42
საქართველოს პრემიერ-მინისტრმა გიორგი გახარიამ ქუთაისში, იმერეთის რეგიონის ტურიზმის სექტორის წარმომადგენლებთან შეხვედრაზე ეკონომიკის გახსნის საკითხზე ისაუბრა. გახარიას თქმით, მნიშვნელოვანია პირველ ეტაპზე შიდა ტურიზმის განვითარება. „პირველ ეტაპზე გაიხსნება შიდა ტურიზმი და დარწმუნებული ვარ, შიდა ტურიზმიც საკმაოდ სერიოზულ მოთხოვნას დააგენერირებს.დღეს ფაქტია, რომ ქართველები საზღვარგარეთ დასასვენებლად ვერ წავლენ, ბოლო რამდენიმე წელია, ძალიან შეუყვარდათ, არ...

რა შეიცვალა დედაქალაქის პარკირების სისტემაში „სითი პარკის“ წასვლის შემდეგ?

რა შეიცვალა დედაქალაქის პარკირების სისტემაში „სითი პარკის“ წასვლის შემდეგ?
access_time2020-06-05 12:00:42
საზოგადოებრივი ტრანსპორტის მომსახურების დაბალი ხარისხისა და გადაადგილების პრობლემების გამო, ბოლო პერიოდში კერძო ავტომობილებით მოძრავი მოქალაქეების რაოდენობა უფრო გაიზარდა, შესაბამისად საპარგინგე ადგილებზე მოთხოვნამაც მოიმატა. როგორც აღმოჩნდა, დედაქალაქის მაცხოვრებლები არასწორი პარკირების ჯარიმას, საურავებსა და მანქანის გადაყვანის საფასურს ზუსტად იმავე წესით იხდიან, როგორც მანამდე და „სითი პარკის“ წასვლის შემდეგ არაფერი შეცვლილა. აღსანიშნავია, რომ აღნიშნული კომპანია...


მსგავსი სიახლეები

up